Ululahu Samuel 25:39 - Buka Blahi Ka Cheke Holo

³⁹ Kate nomhini mae Devet te lehe mae Nabal igne, mana ne cheke eghu, “Iara cheke fakelini Lord! Eigna mana togho ghau iara ne theome eni iara kaisei glepo te diꞌa. Mana kolho teke tughu fapulo unha teke eni mae Nabal ka iara na. Lord ne parani mae Nabal eidi najafra gna thegnare.” Mae Devet ne fatei cheke ka Abigel mala tolaghi repa.

Ululahu Samuel 25:39 ပူးပေါင်းရင်းမြစ်များ

Proveb 22:23

Naugna Lord ginauna toghodi mare, eghuteuna ginauna goigonini ihei te goigonidi mare na.

Ululahu Samuel 25:34

Lord mae ihei te karha te tifa igne ngala te fanogra ghau iara te theome goigoni nigho na. Iara cheke kate tutuani ka nanghagna Lord, jame theome faghosei mei thafo ghau iara iagho na, mae te gnafa nei nogna mae gloku teu mae Nabal ra jame lehe neke hamerane nga.”

Ululahu Samuel 25:26

Funei, Lord kolho te lhoti nigho iagho te theome tughu fapulo glepo te diꞌa teke eni khetogu iara na. Iara cheke tutuani ka nanghagna Lord mae ihei te karha mala paradi nou naoka iagho gre nei jaola parani Nabal.

Nodi Khoje Hatimare Mae Jiu 7:16

Eghume, najafra teke eni mare igne ginauna nake figri ka thedi. Eghuteuna magra teke eni mare ranghidi keha naiknore igne ginauna jaola nake figri neke fakokhoanadi kolho thedi.

Ululahu Kings 2:44

Iagho lasenihi glepo te diꞌa teke edi iagho ka mae kmagu iara mae Devet ia. Eghume gognarona Lord na para nigho iagho eigna igne.

Ululahu Samuel 25:32

Aonu mae Devet ne cheke eghu ka Abigel, “Iara cheke fakelini Lord, nodi God maedi Israel! Mae ihei te kuru nigho te mei thafo ghau iara gognarogne.

Ululahu Samuel 24:15

Toreni Lord mala fate ghita, nei cheke ranghi ghita, ihei ka tapa te jafra na. Toreni Lord mala fifilo ka puhi igne mala togho ghau nei fasnagla ghau eghu iara ka glepo te eni iagho ka iara igne.”

Fapea Timoti 4:18

Lord Jisas Kraes ginauna hata fajifla ghau iara ka glepo te diꞌa fateote'o, eghuteuna hata tei ghau ka namono kligna aheva mana te King. Tahati kilo fnaknoni mana tifa tifa! Amen.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Profet Maeka 7:9

Tahati tapla jafra neke figri tagruni Lord. Naugna igne mana diꞌatagna ka tahati. Nu ke leghu, mana ginauna phile ka tahati, eghuteuna mana ginauna fadoglidi glepo te diꞌa teke edi noda naoka ka tahati. Mana ginauna atha fajifla ghita ka naphae funu kate romno. Eghuteuna tahati ginauna filoni Lord te doglo fabrahu.

Famane Khoje 8:8

Ghehati au kaisei greghami majaghani, nu ikoi fara ngau te mala tolaghi na. Jame kaisei mae majaghani mei tore mala tolaghi, igne unha nate eni ghehati na:

Proveb 31:30

Keha gaꞌase re famane, nu chaichaghi kolho eghu. Keha gaꞌase re famane filodi re, nu katha vido kmoꞌei kolho eghuteuna hui. Nu gaꞌase te ghatho tahuni Lord na, nabagna te mala cheke fakelini na.

Proveb 31:10

Ninhigrana fara te khaeni iagho thofno gaꞌase te mala tolaghi tagna na. Nafnata gaꞌase igne famane fara salaꞌuni thina rubi.

Proveb 19:14

Ido ghe mama tangomana te tufa suga nei sileni ka thudi na. Nu kaisei Lord kolho te tufa gaꞌase te keli na.

Proveb 18:22

Kate deni iagho gaꞌase te mala tolaghi na, iagho deni kaisei glepo te keli. Igne kaisei fablahi Lord te falalase ka iagho na.

Nogna Buka Esta 7:10

Aonu mare ne fagefe hagheni mae Haman ka gaju teke lisei haghe mana malagna mae Modikae teku igne. Kate eni te gnafa mare igne diꞌatagna mae king na ne hui.

Jajis 5:2

“Kilo fnaknoni Lord! “Noda mae mala baubatu tahati ra kegra haghe mala magra, eghuteuna tahati te gnafa na glealeꞌa mala leghudi mare ka magra.

Fapea Korin 13:7

Ghehati toreni God mala togho ghami ghotilo mala thosei eni kaisei najafra. Ghehati theome eni igne mala thakle ka ghotilo te mae gloku keli ghehati na. Theo. Ghehati magnahaghe ghami ghotilo te kegra heta ka puhi te keli, neuba naiknore ne chekeni ne theome kegra heta ghehati kau fariuriu teuna.

Ululahu Samuel 25:40

Nogna soldia mana re ne tei ka namono Kamel ne cheke eghu ka Abigel, “Mae Devet kuru mei ghami ghehati mala tore nigho mala tolaghi ka mana.”

Ululahu Samuel 26:10

Te chekeni iara ka iagho na, Lord mae ihei te karha te tifa na ngala nate laseni narane nate lehe mana na, ka vido te kuekuꞌe ba ka vido te tei mana ka magra.

Nogna Buka Esta 9:25

Nu kate nomhini King gaoghatho te diꞌa te eni mae Haman igne, mana neke fatei cheke ka nogna kantri na. Eghuteuna gaoghatho te diꞌa teke eni mae Haman ranghidi mae Jiu gre igne neke figri ka thegna. Aonu mare ne fagefe hagheni mana baludi nabotho mae thugnare ka gaju na.

Nodi Khoje Hatimare Mae Jiu 9:5

Iagho la fatedihi naikno bongihehe te pogho soru ka mumuju ra. Iagho la roꞌe sorudihi naikno te gnognoro ra, eghuteuna naikno igre ginauna na theo kaisei naikno nate ghatho fapulodire tifa e tifa.