Ululahu Samuel 25:33 - Buka Blahi Ka Cheke Holo

³³ Iara tegio ka God eigna nou gaoghatho te keli, nei eigna unha te eni iagho gognarogne. Mana theome fanogra ghau iara te mala tei te faleheni ihei na. Glahu ke tughu fapulo iara thegu glepo te diꞌa teke edi mae Nabal ka iara ra.

Ululahu Samuel 25:33 ပူးပေါင်းရင်းမြစ်များ

Ululahu Samuel 25:26

Funei, Lord kolho te lhoti nigho iagho te theome tughu fapulo glepo te diꞌa teke eni khetogu iara na. Iara cheke tutuani ka nanghagna Lord mae ihei te karha mala paradi nou naoka iagho gre nei jaola parani Nabal.

Proveb 28:23

Jame te fadoglini iagho puhigna keha mae na, mana ginauna kelitagna fara ka iagho. Puhi igne thofno keli fara uluni puhi te cheke famaemahe na.

Proveb 27:21

Mana tangomana te fariuriudi gol ghe silva ka khaꞌaghi. Mare tangomana te fariuriuni naikno na ka puhi te cheke fafnaknoni mana.

Proveb 25:12

Nogna cheke te rheta mae te autagna gaoghatho te keli te cheke ka mae te lase fanomho na, famane fara jateula famane ring gol nei chen eghu.

Proveb 17:10

Cheke faheta ka mae te au tagna gaoghatho te keli na ghosei tughu nakarhagna na. Nu naikno te fameomekro na neubane purini kaisei gobi fata, mana theome tangomana te tughu nakarha na.

Proveb 9:9

Te farirhiuni iagho mae te autagna gaoghatho te keli na, gaoghathogna mana na ginauna thofno keli fara. Farirhiuni mae te doglo na, mana ginauna lalase salaꞌui.

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Ululahu Samuel 25:31

Ka narane tuana, iagho ginauna na theome diꞌanagnafa, naugna iagho ne theome faleheni naikno te doglo na. Eghuteuna iagho theome tughu fapulo themu kaisei glepo te diꞌa teke eni ihei ka iagho na. Funei, ka narane te fablahi nigho Lord na, ghatho ghau iara nou gaꞌase gloku gne.”

Ululahu Samuel 24:19

Thono ninhigrana fara ranghini ihei te snakre teini nogna naoka na jame te auhi ka khamegna mana na. Iara toreni Lord mala tusu ranghi nigho glepo te keli, naugna iagho neke theome falehe ghau iara ginei ia!

Eksodas 22:2

“Mana mala ke tughu fapulo unha teke blau mana re. Nu jame te theome tangomanani mana teke tughu fapuloni u buluka ba sipu teke blau mana igne na, ghotilo snakreni mae igne mala foli mare mala nodi naikno sneka kolho, eghuteuna ghotilo atha sileni tuana eghu mala ke foli fapulo unha teke blau manare eghu. “Eghuteuna jame te au teu ngala ka mana u buluka, ba sipu nei dongki eghu teke blau mana na, mae igne ke atha fapulo phei ka mae khotogna na. Jame kaisei mae ka ghotilo puri falehe mae teke ruma teke blau bongiro ka nogna suga na, mae tuana theome khale ka vetula eigna falehe naikno. Nu jame te puri falehe mana mae ihei teke ruma teke blau narane ro ka nogna suga na, mae tuana khale ka vetula eigna falehe naikno.

Proveb 13:14

Nogna farirhiu mae te autagna gaoghatho te keli na tangomana te fakarhini naikno na kau glehe.