Ululahu Samuel 25:26 - Buka Blahi Ka Cheke Holo

²⁶ Funei, Lord kolho te lhoti nigho iagho te theome tughu fapulo glepo te diꞌa teke eni khetogu iara na. Iara cheke tutuani ka nanghagna Lord mae ihei te karha mala paradi nou naoka iagho gre nei jaola parani Nabal.

Ululahu Samuel 25:26 ပူးပေါင်းရင်းမြစ်များ

Fapea Samuel 18:32

Aonu king ne ghusna eghu ka mana, “Faꞌunhau mae thugu iara mae Absalom ia, mana keliu kolho ba theo?” Aonu maegna Kus igne ne cheke eghu, “King, nogu funei, mae Absalom ia la lehehi. Puhi biꞌo te thokedi nou naoka iagho ra jaola thokeni mae majaghani igne.”

Jenesis 20:6

Aonu God ne cheke eghu ka mae Abimelek ka mifi na, “Uve, iara lase nigho iagho neke eni puhi igne ka gaoghatho te doglo. Eghume iara neke theome snakre nigho iagho te mala thuru balugna gaꞌase igne na. Eghuteuna iara jaola theome snakre nigho iagho te tapla jafra ka nakhibo ka tathagu iara na.

Hibru 10:30

Tahati laseni God neke cheke eghu, “Iara ngala nate tughu fapulo unha najafra te eni mare na!” Mana jaola neke cheke eghu, “Lord ginauna na fatedi nogna naiknore.”

Profet Daniel 4:19

Mae Daniel mhaghu nogna fara te chekeni gaoghatho gna glepo igne. Aonu king ne cheke eghu, “Beltesasa, thosei mhaghu. Thosei snakreni gaoghathogna mifi igne mala famamhaghu nigho.” Aonu mae Beltesasa ne cheke eghu, “King, iara theome magnahagheni mifi igne te kahi nigho iagho na. Nu iara magnahagheni glepo igne te kahidi kolho nou naoka iagho re.

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Profet Jeremaea 29:22

Eghume, ghotilo maemi Juda te au Babilonia ra, kate magnahaghei cheke fadiꞌani kaisei mae kherami fofodu na, ghotilo na cheke eghu ka nanghadi phei mae igre, ‘Lord ginauna goigoni nigho jateula mae Sedekaea ghe mae Ehab teke gnubra king gna Babilonia teke ghamu khaꞌaghi ra eghu.’

Fapea Kings 4:6

Kate kafe fodu te gnafahi botol igre na, naꞌa ne cheke eghu, “Hata mei keha botol.” Nu kaisei mae thugna naꞌa ne cheke eghu ka idogna na, “Tuana ngala leghu lahu na.” Aonu oel igne ne theome loloro soru.

Fapea Kings 2:2

Aonu profet Elija ne cheke eghu ka profet Elisa, “Iagho ofou agne, eigna Lord na neke cheke ka iara mala tei Betel.” Nu profet Elisa ne cheke eghu, “Ka nanghagna Lord te karha te tifa, iara thofno cheke kate tutuani fara, iara ginauna tei balumu iagho, eghuteuna iara ginauna theome tei koko nigho iagho.” Aonu phiamare ne kafe tei Betel.

Ululahu Samuel 22:3

Aonu mana atha balugna mae igre ne jifla ka vido igne, ne tei Moab ka namono Mispa. Aonu mana ne ghusna eghu ka king gna kantri igne, “Iagho tangomana te snakredi idogu kmagu teu iara gre te mala au ka iagho agne te ghilei laseni iara unha nate eni God ka iara na?”

Ululahu Samuel 1:26

Hana ne cheke eghu ka mana, “Mae biꞌo, iagho filo glani ghau ngau iara ba theo? Iara ngala gaꞌase teke filoni iagho teke kegra teke tarai ka Lord Saelo ia.

Ululahu Samuel 20:3

Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Ululahu Samuel 25:25

Iagho those ghathoni Nabal, mae igne theome ghatho tahuni ihei. Iagho laseni, nangha Nabal teu igne gaoghathogna na, ‘Fameomekro.’ Eghume, puhigna na nanaba fara ka nanghagna thegna na. Funei, iara neke theome au kani teke mei nou mae majaghani iagho ra.

Ululahu Samuel 25:39

Kate nomhini mae Devet te lehe mae Nabal igne, mana ne cheke eghu, “Iara cheke fakelini Lord! Eigna mana togho ghau iara ne theome eni iara kaisei glepo te diꞌa. Mana kolho teke tughu fapulo unha teke eni mae Nabal ka iara na. Lord ne parani mae Nabal eidi najafra gna thegnare.” Mae Devet ne fatei cheke ka Abigel mala tolaghi repa.

Ululahu Samuel 26:10

Te chekeni iara ka iagho na, Lord mae ihei te karha te tifa na ngala nate laseni narane nate lehe mana na, ka vido te kuekuꞌe ba ka vido te tei mana ka magra.

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Ululahu Samuel 20:16

Aonu mae Jonatan ne eni kaisei nhaꞌa cheke balugna mae Devet maladi vikedi phia mare re ne cheke eghu, “Jame te theome leghuni ghotilo nhaꞌa cheke igne, iara toreni Lord mala paradi vikegna mae Devet.”

Proveb 31:12

Gaꞌase igne na toghoni fabrahu khetogna na, eghuteuna naꞌa theome goigonini khetogna na.