Ululahu Samuel 25:23 - Buka Blahi Ka Cheke Holo

^23-24 Kate filoni mae Devet na, Abigel ghosei ne krofu soru ka nogna dongki na ne pogho soru pari ke ulugna mae Devet ne cheke eghu, “Funei, fanomho mei ka iara! Glepo igre nogu najafra iara!

Ululahu Samuel 25:23 ပူးပေါင်းရင်းမြစ်များ

Ululahu Samuel 20:41

Ke leghugna tela teihi mae sitei na, mae Devet jifla mei ka thina teke poru mana na ne mei ke ulugna mae Jonatan ne tuturupuku soru, mana ne thilo fata tufru soru pari ka glose na. Aonu phiamare ne faꞌababa ne orio tanhi, nu mae Devet ne tanhi nogna fara.

Jajis 1:14

Ke leghugna tolaghi te gnafa na, Aksa ne cheke ka Otniel mala tei toreni kmagna mala snakre lao keha vido glose ka repa. Naꞌa tei ne filoni kmagna, eghuteuna kate tei thoke naꞌa ka namono na te krofu soru ka nogna dongki na, kmagna na ne ghusna eghu ka naꞌa, “Aksa, unha neu iagho ia?”

Josua 15:18

Ke leghugna tholaghi na, Aksa ne cheke ka mae Otniel mala tei mana tore ka mae Kelab mala tufa keha glose ka repa. Keha fata ke leghu, Aksa tei ne cheke ka kmagna. Aonu kate thoke ka vido igne, naꞌa ne krofu soru ka nogna dongki na, kmagna na ne ghusna eghu ka naꞌa, “Aksa, ne unha?”

Ululahu Samuel 24:8

Mae Devet jifla mei ke leghugna mana ne eha eghu tei ka mae Sol, “King!” Kate filo faleghu mae Sol na, mae Devet ghatho tahuni mana ne tuturupuku ne tufru soru pari ka glose na

Thoutonu Eigna Rut 2:10

Eghuteuna Rut tufru soru pari ne cheke eghu ka mae Boas, “Iara gaꞌasegu ka keha vidoi. Naugna unha sagho te keli fara ranghi ghau iara gnea?”

Ululahu Samuel 25:41

Aonu Abigel pogho soru ne cheke eghu, “Keliu kolho. Iara jateula nogna gaꞌase gloku eghu kolho mana. Iara tarabana mala titihi ghahedi nogna mae gloku mana re.”

Fapea Samuel 1:2

Ka fatilo narane na, kaisei mae majaghani ne mei Siklag. Mae majaghani igne mei funugna ka vido aheva te au nogna armi mae king Sol. Mae igne ne rerheku nogna pohe na balu ghiha glose ka phaꞌugna na ne mei kegra ke ulugna mae Devet, fagaglana gna nogna diꞌanagnafa na. Kate mei kegra ke ulugna mae Devet igne, mana ne tuturupuku pari ne fafnaknoni mae Devet.

Fapea Samuel 9:6

Mae Mefiboset gne thugna mae Jonatan, thugna mae Sol. Kate mei ka sugagna gna king na, mana pogho soru ke ulugna king Devet ne fafnaknoni mana. Aonu mae Devet ne ghusna eghu ka mana, “Iagho mae Mefiboset?” Mana ne cheke eghu, “Uve, iara nou mae gloku iagho.”

Fapea Samuel 14:4

Naikno igne tei ne filoni mae king. Aonu naꞌa pogho soru pari ke ulugna king ne fafnaknoni mana. Eghuteuna naꞌa ne cheke eghu, “King, iara magnahaghei nigho iagho te togho ghau iara.”

Fapea Samuel 18:28

Aonu mae Ahimas mei namo ne eha eghu ka king, “Gobigna lepore keliu kolho!” Mana haghe ka king ne pogho soru pari, ne cheke eghu ka mana, “King, nogu funei, tahati cheke fakelini nanghagna noda Lord God! Mana fakarhi nigho ka mae ihei teke khi fajifla nigho ia.”

Ululahu Kronikols 21:21

Aonu mae Devet mei ne posa ka vido igne. Kate filoni mae Devet na, mae Arauna jifla kokoni nogna gloku na ne tei pogho soru ke ulugna king.