Ululahu Samuel 24:9 - Buka Blahi Ka Cheke Holo

⁹ ne cheke eghu, “Iagho thosei fanomho ka mae ihei te toutonu chaghi ranghi nigho na, iara theome tangomana te falehe nigho iagho na.

Ululahu Samuel 24:9 ပူးပေါင်းရင်းမြစ်များ

Proveb 29:12

Mae lida te fanomho ka chaichaghi na, nogna mae gloku te gnafa mana ka gavman na igre ginauna kafe diꞌa hui.

Jemes 3:6

Eghuteuna cheke te jifla mei ka foflogna naikno na jateula kaisei khaꞌaghi eghu, naugna tangomana te roꞌedi glepo te kelire. Neubane kaisei vido ikoi fara ngala ka thinida tahati na, u foflo ngala nafugna te mala jifla mei glepo te diꞌa na, eghuteuna tangomana te roꞌedi nakarhada fateo tahati re. Glepo te diꞌa igre tangomana te para ghita funu ka karhada na ghilei lehe tahati. Eghuteuna cheke te diꞌa igre neke mei funudi ka mae Satan.

Proveb 26:28

Mae te chaghi na tirognadi naikno te goigonini re. Cheke te mamahe na goigonidi gobigna lepore.

Proveb 25:23

Khoburu na hata mei nakhete, buiburi na hata mei diꞌatada.

Proveb 18:8

Tahati magnahaghei fanomho fara ka mae te buiburi naikno na. Nafnata cheke igne jateula gano te famane mamahe fara te magnahagheni tahati ia eghu.

Proveb 17:4

Mae te diꞌa na magnahaghei te fanomho ka cheke te diꞌa. Eghuteuna mae te chaichaghi na kelitagna te fanomho ka chaghi na.

Proveb 16:28

Mae te diꞌa na faꞌeiꞌei puhi mala faripholai ka keha naiknore. Eghuteuna mae te cheke faꞌikoi na mala fasopa gaghadi kheragna re.

Nodi Khoje Hatimare Mae Jiu 141:6

Kate fatedi iagho hatimare mae biꞌore ke uludi naiknore eidi puhi diꞌa teke edi mare re, naiknore ginauna filo glanidi nogu cheke iara eidi mae biꞌo igre na thofno tutuani fara ngala.

Nodi Khoje Hatimare Mae Jiu 101:5

Iara ginauna fakmudi iheire te cheke pouporu te magnahaghei goigonidi nanghadi keha naiknore. Eghuteuna iara ginauna khidi iheire te fahaehaghe fara.

Ululahu Samuel 26:19

Nogu funei nei nogu king, iagho fanomho ka cheke nate chekeni iara igne. Jame teke gaoghatho Lord te mala diꞌatamu iagho ka iara na, kaisei fafara jame teke figrini gaoghathogna mana na mala teke keli ka iara na. Nu jame teke keha maei kolho te eni ka iagho te mala diꞌatamu ka iara na, lisa lao ka Lord mala thoke mei puhi biꞌo ka mare. Naugna mare ne khi fajifla ghau iara ka namono gna Lord na, eghuteuna mare eni igne mala tei tarai iara ka keha god delei.

Levitikas 19:16

“Eghuteuna ghotilo thosei cheke fadiꞌani ba chaghi eigna ihei. Eghuteuna jame kaisei kherami tei ka kot, eghuteuna iagho laseni unha teke eni mana na, iagho mala cheke fajiflani igne ka kot eigna puhi te tutuani na mala toghoni mana. Naugna iara Lord.

Ululahu Samuel 20:1

Mae Devet ne rikha Naeot Rama ne tei thafoni mae Jonatan ne cheke eghu ka mana, “Unha najafra si teke eni iara te diꞌatagna mae kmamu iagho ignea? Iara theome huhughuni kaisei vetula. Ba, unha glepo te diꞌa si teke eni iara ka mana te magnahaghei falehe ghau iara mana gne?”

Ululahu Samuel 24:8

Mae Devet jifla mei ke leghugna mana ne eha eghu tei ka mae Sol, “King!” Kate filo faleghu mae Sol na, mae Devet ghatho tahuni mana ne tuturupuku ne tufru soru pari ka glose na

Ululahu Samuel 24:10

Iagho laseni unha teke eni ka gluma na ginei ia. Lord neke snakre mei nigho iagho ka nogu nolaghi iara! Nu iara theome magnahagheni te falehe nigho iagho na. Iara kokhoni nigho iagho neke cheke eghu, ‘Iara theome tangomana te goigoni ni nogu funei na, naugna Lord neke vahini mana.’

Ululahu Samuel 26:18

Mae Devet jaola ne cheke eghu, “Naugna unha sagho te ngolhi tafri ghau iara nou mae gloku gnea? Unha najafra teke eni iara ka iagho na? Ba, unha glepo te diꞌa teke eni iara na?

Profet Jeremaea 37:18

Eghuteuna mae Jeremaea neke ghusna eghu, “King, naugna unha sagho te snakredi mare te lilisei ghau iara ka sosolo gnea? Eigna iara theome eni kaisei najafra ranghi nigho iagho, ba ranghidi hatimare nou mae ofisa iagho igre, ba eni kaisei najafra ranghidi naikno te au ka namono igne. Cheke te gnafa te chekedi iara igre thofno tutuani fara.

Ululahu Samuel 20:41

Ke leghugna tela teihi mae sitei na, mae Devet jifla mei ka thina teke poru mana na ne mei ke ulugna mae Jonatan ne tuturupuku soru, mana ne thilo fata tufru soru pari ka glose na. Aonu phiamare ne faꞌababa ne orio tanhi, nu mae Devet ne tanhi nogna fara.