Ululahu Samuel 24:20 - Buka Blahi Ka Cheke Holo

²⁰ Tutuani, iara laseni, iagho ginauna mala king gna Israel, kate funei iagho na, Israel ginauna kaisei kantri rheta fara.

Ululahu Samuel 24:20 ပူးပေါင်းရင်းမြစ်များ

Ululahu Samuel 23:17

Mae Jonatan ne cheke eghu ka mana, “Thosei mhaghu, mae kmagu iara na theome tangomana te falehe nigho iagho na. Eigna iagho ginauna mala king gna Israel, eghuteuna iara mala mei fapea ka iagho.”

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Matiu 2:13

Ke leghugna te jifla mare na, mae Josep thuru ne mifi. Eghuteuna, kaisei engel nogna Lord ne thakle mei ne cheke eghu ka mana, “Ghema Josep, dofra haghe! Hata sua ghe idognare mala soru ka namono Ijep, au fabrahu jare ke ghilei cheke nigho iara mala teke pulo na. Mae King Herod na hironi mae sua igne, naugna mana magnahaghei te faleheni mae sua na.”

Thoutonu Eigna Mae Job 15:25

Puhi biꞌo igre ginauna thokeni mana, naugna mana ne figri tagruni God mae ihei te au nolaghi fateote'o.

Ululahu Samuel 13:14

Nu naugna te theome leghuni iagho nogna cheke Lord na, mae ka tharaknamu iagho re ginauna na theome tangomana te king ke leghumu iagho na. Eghuteuna Lord ginauna hironi mae ihei te kaisei gaoghatho balugna mana na.”

Thoutonu Eigna Rut 2:12

God gna Israel ginauna taba nigho eidi unha gloku te keli teke edi iagho ra. Eghuteuna mana ginauna reireghi fakeli nigho, naugna iagho ne mei ka mana jateula kaisei sua nanghaji te deni nogna vido mala poru na ia neu.”

Ululahu Samuel 26:25

Eghuteuna King ne cheke eghu ka mana, “Devet, thuguo Devet, Lord fablahi nigho mala uludi koba iagho unha nate edi ka iaghore.” Aonu mae Devet jifla jare ne tei nogna, eghuteuna mae Sol figri neke pulo ka nogna namono na.

Nodi Khoje Hatimare Mae Jiu 7:5

Te eni iara kaisei glepo te diꞌa na, iagho tangomana te snakredi mae naokare mala mei ngolhi ghau nei haru famaku ghau eghu iara. Mare tangomana te tapla soru ghau nei goigoni ghau teu iara na, eghuteuna lisa soruni thinigu iara na mala thuru au jare pari ka glose na.

Proveb 25:21

Jame te rofo nou naoka iagho na, iagho faghamuni. Jame te rogna koꞌu mana na, iagho fakoꞌuni.