Ululahu Samuel 24:19 - Buka Blahi Ka Cheke Holo

¹⁹ Thono ninhigrana fara ranghini ihei te snakre teini nogna naoka na jame te auhi ka khamegna mana na. Iara toreni Lord mala tusu ranghi nigho glepo te keli, naugna iagho neke theome falehe ghau iara ginei ia!

Ululahu Samuel 24:19 ပူးပေါင်းရင်းမြစ်များ

Nodi Khoje Hatimare Mae Jiu 18:20

Iara thofno leghudi puhi te doglo na, naugna igne Lord ne tusu ranghi ghau iara kmana glepo te keli. Kate theome eni iara kaisei najafra na, Lord ne fablahi ghau iara.

Ululahu Samuel 26:25

Eghuteuna King ne cheke eghu ka mana, “Devet, thuguo Devet, Lord fablahi nigho mala uludi koba iagho unha nate edi ka iaghore.” Aonu mae Devet jifla jare ne tei nogna, eghuteuna mae Sol figri neke pulo ka nogna namono na.

Ululahu Samuel 23:21

Mae Sol ne cheke eghu ka mare, “Lord fablahi ghami ghotilo, naugna ghotilo ne togho ghau iara!

Jajis 17:2

Kaisei narane, mana ne cheke eghu ka idogna na, “Iara nomhi nigho iagho te nhaꞌa lao kaisei thibri mala thokeni ihei teke blau kaisei thogha kaisei gobi nou vido silva iagho. Iara kolho teke hata na, au ngala balugu iara.” Aonu idogna na ne cheke eghu, “Thuguo, iara toreni Lord mala fablahi nigho.”

Thoutonu Eigna Rut 2:12

God gna Israel ginauna taba nigho eidi unha gloku te keli teke edi iagho ra. Eghuteuna mana ginauna reireghi fakeli nigho, naugna iagho ne mei ka mana jateula kaisei sua nanghaji te deni nogna vido mala poru na ia neu.”

Ululahu Samuel 23:17

Mae Jonatan ne cheke eghu ka mana, “Thosei mhaghu, mae kmagu iara na theome tangomana te falehe nigho iagho na. Eigna iagho ginauna mala king gna Israel, eghuteuna iara mala mei fapea ka iagho.”

Ululahu Samuel 26:23

Lord na toghoni ihei te doglo nei ghatho tahuni mana teuna. Mana neke lisa mei nigho iagho ka nogu nolaghi iara, nu iara neke theome falehe nigho iagho, naugna Lord ngala teke vahi nigho iagho teke king na.