Ululahu Samuel 24:18 - Buka Blahi Ka Cheke Holo

¹⁸ Gognarona, iara laseni, iagho kokhoni ghau iara. Lord neke atha mei ghau iara ka khamemu iagho, nu iagho neke theome falehe ghau iara.

Ululahu Samuel 24:18 ပူးပေါင်းရင်းမြစ်များ

Ululahu Samuel 26:23

Lord na toghoni ihei te doglo nei ghatho tahuni mana teuna. Mana neke lisa mei nigho iagho ka nogu nolaghi iara, nu iara neke theome falehe nigho iagho, naugna Lord ngala teke vahi nigho iagho teke king na.

Nodi Khoje Hatimare Mae Jiu 31:8

Iagho neke theome snakredi mae nogu naoka iara re mala loki ghau iara. Iagho neke togho ghau iara neke fakarhi ghau iara.

Ululahu Samuel 26:8

Mae Abisae ne cheke eghu faꞌikoi ka mae Devet, “Ka bongi gognarogne God snakreni nou naoka iagho igne ka nou nolaghi iagho. Snakre ghau iara sagho mala fada balu gloseni iara ka nogu goru gne. Iara tangomana te kaisei fata fada nu la lehe la mana teuna.”

Ululahu Samuel 24:10

Iagho laseni unha teke eni ka gluma na ginei ia. Lord neke snakre mei nigho iagho ka nogu nolaghi iara! Nu iara theome magnahagheni te falehe nigho iagho na. Iara kokhoni nigho iagho neke cheke eghu, ‘Iara theome tangomana te goigoni ni nogu funei na, naugna Lord neke vahini mana.’

Ululahu Samuel 23:12

Aonu Devet ne tarai eghu, “Mae biꞌodi Keila igre ginauna snakre lao ghau iara baludi nogu mae soldia gre ka khamegna Sol?” Eghuteuna te chekeni Lord ka mare na mare ginauna eni igne.

Ululahu Samuel 23:7

Keha naikno ne tei cheke ka mae king Sol eigna mae Devet te au teu ka namono Keila. Aonu mana ne cheke eghu, “God lisa meinihi mana ka khamegu iara. Mana tei au ka kaisei namono te bara te ligoho ka thina biꞌo balugna kaisei grengatha te mala bobothoni mana na. Mana au ke lamnagna kaisei phighoro gognaro na!”

Ululahu Samuel 24:19

Thono ninhigrana fara ranghini ihei te snakre teini nogna naoka na jame te auhi ka khamegna mana na. Iara toreni Lord mala tusu ranghi nigho glepo te keli, naugna iagho neke theome falehe ghau iara ginei ia!

Jenesis 38:26

Mae Juda ne filo glanidi glepo igre ne cheke eghu, “Gaꞌase igne theome jafra, iara nga te jafra na. Mae thugu iara Sela gne na tolaghi ka naꞌa. Naꞌa neke eni igne, naugna iara ne theome leghuni nogu nhaꞌa cheke na ne snakreni mae thugu Sela gne neke mala tolaghi ka naꞌa.” Eghuteuna funu ka narane igne mae Juda neke theome thuru balugna Tama.

Nodi Khoje Hatimare Mae Jiu 7:5

Te eni iara kaisei glepo te diꞌa na, iagho tangomana te snakredi mae naokare mala mei ngolhi ghau nei haru famaku ghau eghu iara. Mare tangomana te tapla soru ghau nei goigoni ghau teu iara na, eghuteuna lisa soruni thinigu iara na mala thuru au jare pari ka glose na.

Proveb 25:22

Jame te eni iagho igne ka mana na, mana ginauna famamaja nogna fara. Eghuteuna Lord ginauna tufa glepo te keli ka iagho.