Ululahu Samuel 24:15 - Buka Blahi Ka Cheke Holo

¹⁵ Toreni Lord mala fate ghita, nei cheke ranghi ghita, ihei ka tapa te jafra na. Toreni Lord mala fifilo ka puhi igne mala togho ghau nei fasnagla ghau eghu iara ka glepo te eni iagho ka iara igne.”

Ululahu Samuel 24:15 ပူးပေါင်းရင်းမြစ်များ

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Nodi Khoje Hatimare Mae Jiu 119:154

Togho ghau nei fakarhi ghau eghu iara sagho mala snagla nogu iara. Uve, fakarhi ghau iara sagho leghuni nou nhaꞌa cheke na.

Nodi Khoje Hatimare Mae Jiu 35:1

Lord, diꞌatamudi sagho naikno te diꞌatadi ghau iara igre. Magridi sagho naikno te magri ghau iara igre.

Ululahu Samuel 24:12

Lord ginauna fate ghita tapa, mala laseni mae ihei ka tapa te jafra na! Nu snakreni Lord mala para nigho iagho eidi glepo te edi iagho ka iara igre, naugna iara ginauna theome eni kaisei glepo te mala goigoni nigho iagho na!

Profet Maeka 7:9

Tahati tapla jafra neke figri tagruni Lord. Naugna igne mana diꞌatagna ka tahati. Nu ke leghu, mana ginauna phile ka tahati, eghuteuna mana ginauna fadoglidi glepo te diꞌa teke edi noda naoka ka tahati. Mana ginauna atha fajifla ghita ka naphae funu kate romno. Eghuteuna tahati ginauna filoni Lord te doglo fabrahu.

Profet Maeka 1:2

Ghotilo naikno te gnafa ka nauthoglu igne, Fanomho mei ka nogu cheke iara gne! Lord lase ghami ghotilo, eghuteuna mana ginauna cheke fapari ghami ghotilo, funu mei ka sugagna mana kligna na.

Fapea Kronikols 24:22

King Joas neke theome ghathodi famane puhigna Jehoada kmagna Pris Sekaraea na, nu mana faleheni thugna mana na. Eghuteuna kate namo lehe na, Pris Sekaraea ne cheke eghu, “Iara toreni Lord mala filodi glepo te edi ghotilo gognaro igre, eghuteuna God ginauna para ghami ghotilo.” Aonu mana ne lehe.

Ululahu Samuel 26:4

Aonu mana kurudi keha mae mala tei nomhi fakelini thoutonu igne, te tutuani ba theo teuna. Nu te chekeni mare na, thoutonu igne tutuani fara.

Jajis 11:27

Ghehati theome eni kolho kaisei glepo te diꞌa ka ghotilo! Nu ghotilo kolho te edi glepo te diꞌa te mei ghotilo te magri ghami ghehati! Lord mae ihei te fate naikno ka puhi te doglo na, mana ginauna laseni ihei ka tahati te au nogna nolaghi ka glose igne.”

Ululahu Samuel 25:39

Kate nomhini mae Devet te lehe mae Nabal igne, mana ne cheke eghu, “Iara cheke fakelini Lord! Eigna mana togho ghau iara ne theome eni iara kaisei glepo te diꞌa. Mana kolho teke tughu fapulo unha teke eni mae Nabal ka iara na. Lord ne parani mae Nabal eidi najafra gna thegnare.” Mae Devet ne fatei cheke ka Abigel mala tolaghi repa.

Ululahu Samuel 17:43

Eghuteuna mana ne cheke eghu ka mae Devet, “Ghema, ne kaisei khuma iara eghu mei balu khodo sagho ia?” Aonu mana ne ehadi nogna god re mala tibrini mae Devet.

Ululahu Samuel 26:20

Thosei snakre ghau mala tei lehe iara ka keha kantri te khaba fara ka Lord. Jau iagho king gna Israel gne magnahaghei te falehe ghau iara jateula kaisei theli eghu kolho. Iagho hiro ghau iara jateula kaisei mae te tei hiro nanghaji te mala fada falehe ra eghu kolho!”