Ululahu Samuel 24:11 - Buka Blahi Ka Cheke Holo

¹¹ Mama, filo mei sagho ka nou nabreku pohe igne. Jame magnahaghei aknu falehe nigho iara na, iagho jame neke falehehi! Nu iara neke atha kolho katha nou nabreku pohe iagho! Filo sagho, iara theome ghathoni kaisei glepo te mala falehe nigho iagho na. Iara jaola neke theome eni kaisei glepo te diꞌa ranghi nigho iagho, nu iagho hiro ghau iara mala falehe ghau iara!

Ululahu Samuel 24:11 ပူးပေါင်းရင်းမြစ်များ

Ululahu Samuel 26:20

Thosei snakre ghau mala tei lehe iara ka keha kantri te khaba fara ka Lord. Jau iagho king gna Israel gne magnahaghei te falehe ghau iara jateula kaisei theli eghu kolho. Iagho hiro ghau iara jateula kaisei mae te tei hiro nanghaji te mala fada falehe ra eghu kolho!”

Ululahu Samuel 23:23

Ghotilo tei hirodi vido aheva te tei poru mana na, eghuteuna ghotilo faghose mei cheke ka iara. Iara ginauna ari balumi ghotilo, jame au teu mana ka vido tuana na, iara ginauna hiro ghilei deni mana. Neuba iara ne tei tongana ka nodi vido vikegna mae Juda, iara ginauna filoni mana.”

Ululahu Samuel 23:14

Mae Devet tei ne au Sif ka namono nagou na, mana tei ne poru ka thogele holo ka kaisei vido te keli. Leuleghu narane na mae king Sol ne hironi fabrahu mana, neuba God na theome snakreni mae king te athini mana na.

Jone 15:25

Igne horoghoto ka unha teke risoni ka vetula na eigna mae Kraes, ‘Mare theome magnahaghei ghau iara kate theo nafugna.’

Fapea Kings 5:13

Aonu nogna mae gloku mana re mei rhegna mana ne cheke eghu, “Mae biꞌo, jame te cheke nigho iagho mae profet te mala eni unha te ninhigrana na, iagho tangomana te eni na. Nu glepo te chekeni mana igne khogla bligi kolho. Naugna unha sagho te theome leghuni unha te chekeni mana igne mala teke keli fapulo thinimu na ia?”

Ululahu Samuel 26:18

Mae Devet jaola ne cheke eghu, “Naugna unha sagho te ngolhi tafri ghau iara nou mae gloku gnea? Unha najafra teke eni iara ka iagho na? Ba, unha glepo te diꞌa teke eni iara na?

Profet Maeka 7:2

Uve, jateula nafnata puhi tuana eghu mana theome tangomana te filoni kaisei gano na, ka kantri igne, theo kaisei naikno te leghuni puhigna God te doglo na. Theo kaisei naikno te ghatho tahuni God. Naikno te gnafa gre ofou kolho te mala aknu faleheni keha mae na. Mare jateula mae ihei te horo phighoro te mala fakhale nanghaji ra eghu chaghidi kheradi thedi re.

Profet Esikiel 13:18

Iagho cheke ka reꞌe te iara Lord te chekeni igne: ‘Kokhoni ghami fara ghotilo gaꞌase profet ra! Ghotilo susuki famane pohe mala haru ka khamemi ghotilo are mala ei naitu, eghuteuna vido pohe te mala nanhaꞌa ka phaꞌudi naiknore mala saesaghe leghuni nakarhagna keha mae na. Ba, ghotilo tangomana te fakarhidi nakarhami re kate saesaghe leghudi ghotilo nakarhadi nogu naikno iara gre? Theo kolho!

Lamentations 4:18

Mae naoka gre tapla leghu ghita fabrahu, mala theome tei tahati ke lamnagna namono na. Uve, thofno glola fara te noda narane tahati na la gnafahi teuna.

Proveb 15:1

Thoghei famane cheke ka mae te thono diꞌatagna fara na, mana ginauna ke jemnu soru. Nu jame te cheke faheta fara iagho na, mana ginauna brana salaꞌui.

Nodi Khoje Hatimare Mae Jiu 140:11

Jame te keli na naikno te susurei chaichaghi eidi nodi vido glose keha naiknore igre nabadi na mala lus fabrahu ka kot. Jame te keli na glepo te diꞌa fateote'o gre kolho jame te thokedi mae te magra gre mala kokhoana mare.

Nodi Khoje Hatimare Mae Jiu 35:7

Iara neke theome eni kaisei puhi te diꞌa ranghidi mare, nu mare lilisei kaisei phighoro te mala fakhale ghau iara na. Eghuteuna mare neke dokha kaisei khora te mala snoꞌo iara na.

Thoutonu Eigna Mae Job 10:16

Kate fariuriu fakakhana iara te doglo teu kolho na, iagho hiro ghau iara jateula kaisei mae te hiro lion eghu mala goigoni ghau iara.

Ululahu Samuel 18:27

mae Devet ne tei baludi nogna soldiare ne aknu falehe phei gobi maedi Filistia. Mare vahe katha vido guli ka thinidi mae te lehe igre ne atha ne mei ke ulugna King Sol, foligna thugna gaꞌase mana na. Aonu mae Sol ne snakreni thugna gaꞌase na ka mae Devet mala tolaghi repa.

Ululahu Samuel 25:28

“Iagho atha fadelei najafragu iara nou gaꞌase gloku iagho gne. Lord ginauna vahi nigho iagho mala king, leghu fata na, mana ginauna vahini koba kaisei mae ka vikemu iagho na te mala king na, naugna iagho ne magra jateula te chekeni mana na neu. Nakarhamu iagho ginauna keli fabrahu jame te theome eni iagho kaisei puhi te diꞌa na.

Nodi Khoje Hatimare Mae Jiu 59:3

Filo sagho. Mare poru mala falehe ghau iara. Mae te diꞌa igre mare khapru poru au mala magri ghau iara. Lord, iara gne neke theome eni kaisei najafra nei neke theome huhughuni eghu nou vetula iagho na, ba iara neke theome eni kaisei nakhibo. Nu mare ghosei ne tei poru mala magra ka iara.

Nodi Khoje Hatimare Mae Jiu 119:161

Lord God, hatimare mae naoka gre fiti fakokhoana ghau iara kate theo nafugna kolho. Nu iara leuleghu fata na iara ghatho tahuni kolho nou cheke iagho te tutuani na.

Ululahu Samuel 12:3

Iara kegra haghe balumi ghotilo gognarona, eghume jame teke eni iara kaisei glepo te theome doglo ka gaoghathomi ghotilo na, ghotilo cheke mei ka iara ke ulugna Lord, nei ke ulugna king mae ihei teke vahini mana. Jame teke blau iara kaisei nogna buluka ihei na, ba kaisei nogna dongki ihei na, ba chaghini ihei mala blau keha nogna glepo mana re teku na, ba goigonini ihei, ba hata seleni ka ihei mala poruni nogna najafra mana re teku na, te keli na ghotilo cheke fajifladi mala fadoglidi iara. Jame teke eni iara kaisei glepo jateula igre teku na, iara ginauna nake tusu fapulo glepo teke hata iara re.”

Ululahu Samuel 26:23

Lord na toghoni ihei te doglo nei ghatho tahuni mana teuna. Mana neke lisa mei nigho iagho ka nogu nolaghi iara, nu iara neke theome falehe nigho iagho, naugna Lord ngala teke vahi nigho iagho teke king na.

Fapea Samuel 1:14

Mae Devet ne cheke eghu ka mana, “Naugna unha sagho te theome mhaghu te faleheni mae king teke vavahi Lord ignea?

Nodi Khoje Hatimare Mae Jiu 7:5

Te eni iara kaisei glepo te diꞌa na, iagho tangomana te snakredi mae naokare mala mei ngolhi ghau nei haru famaku ghau eghu iara. Mare tangomana te tapla soru ghau nei goigoni ghau teu iara na, eghuteuna lisa soruni thinigu iara na mala thuru au jare pari ka glose na.