Ululahu Samuel 23:9 - Buka Blahi Ka Cheke Holo

⁹ Nu kate nomhini mae Devet thoutonu eigna mae Sol te magnahaghei faleheni na, mae Devet ne cheke eghu ka mae pris Abiata, “Atha mei efod ia mala tarai ka Lord.”

Ululahu Samuel 23:9 ပူးပေါင်းရင်းမြစ်များ

Ululahu Samuel 30:7

Aonu mana tei ne filoni mae pris Abiata, thugna mae Ahimelek. Aonu mana ne cheke eghu ka mae Abiata, “Atha mei efod blahi ia mala tarai ka Lord.” Aonu mae Abiata atha ne mei phoko blahi igne.

Ululahu Samuel 23:6

Ka narane te rikha te mei mae pris Abiata thugna mae Ahimelek te tei balugna mae Devet Keila igne, mana atha ne mei balugna efod blahi te mala tarai ka God igne.

Naba 27:21

Eghuteuna mana mala lelheghu kolho ka mae pris Eleasa mala tangomana mana te lasedi gaoghathogu iara re. Mae pris igne ginauna eni ka nafnata thina te kiloni Urim nei Thumim mala lalahu khale ke ulugu iara Lord, mala lasedi gobigna lepo te magnahaghedi iara re. Eghume ka puhi igne, iara ginauna batuni mana baludi naiknodi Israel gre ka gobigna lepo te edi mare re.”

Mae Khuru 14:6

Kate nomhini phiamare groghe igne, phiamare ne rikha ne tei Listra nei Debi phei namono igre au ka provins Likonia, nei phiamare ne tei tongana ke lamnagna nohi tuana.

Mae Khuru 9:24

Bongi narane na, mare ofoni mae Sol fabrahu ka grengathagna namono na mala faleheni mana. Nu mae Sol la kulu nomhihi nodi groghe mare na.

Profet Jeremaea 33:3

Tutuani fara! Jame te eha mei ghotilo ka iara mala togho ghami teuna, iara ginauna nomhi ghami nei togho ghami eghu ghotilo. Eghuteuna iara ginauna chekeni glepo te thofno keli fara te theome tangomana kaisei naikno teke laseni tifa na.

Ululahu Samuel 22:20

Nu mae Abiata, kaisei thugna mae pris Ahimelek, mana rikha ne tei ka mae Devet.

Ululahu Samuel 14:18

Ka narane igne, armigna Israel na ne pala nogna Bokis Blahi Lord na baludi ne tei ka magra. Mae Sol ne cheke eghu ka Pris Ahaeja, “Hata mei Bokis Blahi ia.”

Ululahu Samuel 23:8

Aonu mana ne ehadi nogna soldiare mala kafe mei kegra faligohoni namono igne mala faleheni mae Devet baludi nogna mae soldiare.

Ululahu Samuel 23:10

Aonu mae Devet ne tarai eghu, “Lord, nodi God mae Israel, iara nomhini mae Sol te magnahaghei mei roꞌeni namono igne naugna te au teu iara igne.

Ululahu Kings 2:26

King Solomon ne cheke eghu ka pris Abiata, “Iagho ke figri ka namonomu Anatot. Iagho nabamu te lehe na, nu iara na theome falehe nigho iagho gognarona, naugna tifa na iagho neke toghoni mae kmagu iara ia neke pala nogna Bokis Blahi Lord na. Eghuteuna iagho neke ruma haghe balugna mana ke lamnadi narane te ninhigrana tura.”

Profet Hosia 3:4

Naiknodi Israel igre mala jateula igne eghu mala au faraugha katha vido. Eghuteuna mare na theo kaisei nodi mae king, ba kaisei nodi mae mala baubatu. Eghuteuna mare ginauna na theome tangomana nate fafara ka mumuju na, ba theome tangomana nate fakegra haghe kaisei thina mala tarai ka mana. Mare ginauna na theome hata kaisei mumuju, ba kaisei nafnata glepo te mala filo glanidi unha nate thakle mei nathuꞌu nauriha.

Ululahu Samuel 10:22

Aonu mare ne tarai eghu ka Lord, “Lord, au aheva si mana gnea?” Eghuteuna Lord ne falalase ne cheke eghu, “Mae Sol na tei poru delei, ka nomi glepo ghotilo ra.”