Ululahu Samuel 23:7 - Buka Blahi Ka Cheke Holo

⁷ Keha naikno ne tei cheke ka mae king Sol eigna mae Devet te au teu ka namono Keila. Aonu mana ne cheke eghu, “God lisa meinihi mana ka khamegu iara. Mana tei au ka kaisei namono te bara te ligoho ka thina biꞌo balugna kaisei grengatha te mala bobothoni mana na. Mana au ke lamnagna kaisei phighoro gognaro na!”

Ululahu Samuel 23:7 ပူးပေါင်းရင်းမြစ်များ

Thoutonu Eigna Mae Job 20:5

naikno te diꞌa igre tangomana te glealeꞌa katha vido kmoꞌei kolho.

Ululahu Samuel 23:14

Mae Devet tei ne au Sif ka namono nagou na, mana tei ne poru ka thogele holo ka kaisei vido te keli. Leuleghu narane na mae king Sol ne hironi fabrahu mana, neuba God na theome snakreni mae king te athini mana na.

Eksodas 15:9

Nou naoka iagho na fahaehaghe ne cheke eghu, ‘Ghehati ginau na ngolhi leghudi mala tei lokidi. Eghuteuna ghehati ginau na atha nodi dedei mare re mala tufa ka vikemi re. Ghehati ginau na falehedi ka naflahi biꞌo mala atha unha teke magnahaghedi ghehati ka mare re!’

Eksodas 14:3

Mae king gna Ijep na ginau hironiu vido aheva te tei ghotilo na, na cheke eghu ka gaoghathogna thegna na, ‘Mae Israel are ginau na mare naga tafri au kolho ka namono nagou ana, mare theome tangomana filo deni kaisei nabrou aheva nga te mala jifla te tei kokoni mare u vido tuana na.’

Ululahu Samuel 23:6

Ka narane te rikha te mei mae pris Abiata thugna mae Ahimelek te tei balugna mae Devet Keila igne, mana atha ne mei balugna efod blahi te mala tarai ka God igne.

Ululahu Samuel 23:8

Aonu mana ne ehadi nogna soldiare mala kafe mei kegra faligohoni namono igne mala faleheni mae Devet baludi nogna mae soldiare.

Nodi Khoje Hatimare Mae Jiu 31:21

Iara cheke fakelini Lord! Kate mei te kegra faligoho ghau iara mae naokare te mala mei magra ka iara na, mana thono namha ghau iara fara ne togho ghau iara.