Ululahu Samuel 23:26 - Buka Blahi Ka Cheke Holo

²⁶ Mae Sol balu nogna mae soldia ne tei au ka keha phile thogele na, eghuteuna mae Devet balu nogna soldia ka keha phile na. Mae Devet baludi nogna soldia gre ghosei jifla ne rikhani mae Sol balu nogna soldia, naugna mare mei namo fara ka mare.

Ululahu Samuel 23:26 ပူးပေါင်းရင်းမြစ်များ

Nodi Khoje Hatimare Mae Jiu 17:9

Te eghu na, naikno te diꞌa puhidire ginauna na theome tangomana te goigoni ghau iara na. Hatimare mae naoka gre thono diꞌa fara ranghi ghau iara, eghuteuna mare bara ligoho ghau iara te mala falehe ghau iara na. (Nu iagho theome snakredi mare te falehe ghau iara.)

Thakle 20:9

Aonu mare ginauna tei heva heva ka namono te gnafa ka nauthoglu igne, eghuteuna mare ginauna kegra faligohodi namono aheva te au nogna naikno God re. Tuana namono biꞌo te namhani fara God na. Neuba, khaꞌaghi na ginau soru mei funu kligna mala nako fahuidi nogna naoka God re.

Fapea Korin 1:8

Kheraguro, ghehati magnahaghe ghami ghotilo te lase fakelini eigna unha teke eni ranghi ghami ka Provins Esia. U puhi igre ninhigrana fara ranghi ghami ghehati. Tutuani fara, ghehati neke cheke eghu fari themi, “Tahati gne namo lehehi!” Nu puhi te eni igne theome mala rouronu ghami themi, nu mala rouronuni God ngala ihei te fakarha fapulodi iheire tela lehehira.

Nodi Khoje Hatimare Mae Jiu 31:22

Lord, tifa na iara neke mhaghu nogu fara glahula me fota ghau hila iagho neu sia. Nu kate kilo nigho iara na, iagho nomhi ghau iara ne togho ghau iara.

Nodi Khoje Hatimare Mae Jiu 22:16

Mae te diꞌa igre mei falithui ghau iara jateula bukrei khuma te rodi mei kathi ghau iara ra eghu. Mare magnahaghei te mei kathidi khamegu nei gahegu teu iara re.

Nodi Khoje Hatimare Mae Jiu 22:12

Kmana naoka mei falithui ghau iara jateula bukrei buluka te diꞌatadi ra eghu ka iara. Mare nheta fara jateula bukrei buluka di Besan ra eghu fara.

Nodi Khoje Hatimare Mae Jiu 17:11

Eghume, aheva te tei iara na, mare tapla leghuni gahegu iara na. Hatimare hironi narane aheva te mala tapla soru ghau iara na.

Fapea Kronikols 20:12

Nomi God, paradi sagho mare. Ghehati theome nheta te mala magra ka armi biꞌo te mei magra ka ghehati igne. Ghehati theome laseni unha nate eni na, nu ghehati filo ari ka iagho kolho te mala togho ghami na.”

Fapea Samuel 15:14

Aonu king Devet nomhini cheke igne ne cheke eghu ka nogna mae biꞌo te au teu balugna Jerusalem, “Tahati na faghose jifla agne Jerusalem mala rikha tei! Jame te theo na, mana ginauna mei magra ka tahati, te theome rikha tahati na, tahati te gnafa te au ka namono igne ginauna kafe lehe.”

Ululahu Samuel 20:38

Iagho thosei au ka vido tuana! Faghose!” Aonu mae sitei na ghosei ne tei atha jata na neke pulo mei ka mae Jonatan.

Ululahu Samuel 19:12

Aonu naꞌa toghoni mae Devet ne jifla ka wida na ne rikha ka bongi tuana.

Jajis 16:2

Kate nomhini maedi Gasa igre te au teu Samson ka namono igne, mare kafe mei ne ofo neu ka grengathagna gringnigna namono na mala faleheni mana. Eghuteuna ka bongi igne, mare ne cheke eghu fari thedi, “Tahati ginauna ofou ghilei ghagra pasa, eghuteuna tahati ginauna faleheni mana.”

Ululahu Samuel 23:25

Mae Sol balu nogna soldia ne mei hironi mana, nu kate nomhini mae Devet te mei mare na, mana tei ne poru ka thogele thina ka namono nagou rhegna Maon. Kate nomhini mae Sol igne, mana tei ne hironi mana.

Ululahu Samuel 23:27

Nu kaisei mae chari ne mei ka mae Sol ne cheke eghu ka mana, “King, ghose mei! Armi gna Filistia na lamei goigoni ka kantri tahati ia!”