Ululahu Samuel 23:16 - Buka Blahi Ka Cheke Holo

¹⁶ Nu mae Jonatan ne tei ka mae Devet Hores. Mana magnahaghei te toghoni mae Devet mala rheta mana nogna fatutuani na ka God.

Ululahu Samuel 23:16 ပူးပေါင်းရင်းမြစ်များ

Fapea Timoti 2:1

Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Luku 22:32

Nu iara tarai eimu iagho mala theome blogho iagho ka nou fatutuani na. Eghuteuna kate figri mei iagho ka iara na, iagho ke toghodi mae kheramu are mala ke heta fapulo mare nodi fatutuani na ka iara.”

Ululahu Samuel 30:6

Kate dofidi khetodire ka namono na, nogna soldia mae Devet igre ne diꞌa tadi fara ne rodi fada thina ni mana. Nu Lord, nogna God mae Devet igne ne farerheta gaoghathogna mana na.

Luku 22:43

Eghuteuna kaisei engel funugna kligna mei ne thakle ka mana mala toghoni mana.

Nehemaea 2:18

Eghuteuna iara chekeni ka mare eigna God te togho ghau fara iara na, baludi cheke te edi king ka iara re. Aonu mare ne cheke eghu, “Tahati mala fufunu gloku igne!” Eghuteuna mare tarabana mala fufunu gloku igne.

Proveb 27:9

Insens nei famane oel teu igre tangomana te fagleꞌa nigho na, nu khetomu na ginauna fagleꞌa nigho salaꞌui.

Proveb 27:17

Te magnahaghei fnonu nou naflahi na iagho ginauna ghorhu ka phaele. Eghume jateula tuana eghu, mae te magnahaghei au fakeli keha naiknore, mana jateula te phaele naflahi na eghu ka nogna farirhiu na.

Diutronomi 3:28

Nu iara magnahaghei te famane cheke ka mae Josua, eghuteuna iagho farerheta gaoghathogna mana na, naugna ginauna mana u ngala te mala batudi naiknore te kasa ka Khoꞌu biꞌo Jordan mala hata glose nate filoni iagho na.’

Thoutonu Eigna Mae Job 16:5

Jame te eghu na, iara ginauna farerheta gaoghathomu iagho na, eghuteuna nogu cheke iara na ginauna iagho kelitamu ni.”

Profet Esikiel 13:22

Iara theome magnahaghedi naikno te doglo gre te diꞌanagnafa na, nu ghotilo faglaꞌedi gaoghathodi naiknore ka nomi chaichaghi ghotilore. Ghotilo togho haghedi koba naikno te diꞌare, eghuteuna mare theome tangomana teke figri fapulo ka puhidi mare te diꞌa re, mala tangomana mare te fakarhadi nakarhadi thedire.

Ululahu Samuel 23:15

Kate au teu mae Devet Hores ka namono nagou Sif, mana laseni mae king Sol te magnahaghei mei faleheni mana na.