Ululahu Samuel 22:7 - Buka Blahi Ka Cheke Holo

⁷ Aonu mana ne cheke eghu ka nogna mae biꞌo te gnafare, “Fanomho, ghotilo maemi Juda ra, Jame te toghoni ghotilo thugna mae Jesi igne na, mana ginauna tusu ari glose ka ghotilo te mala tobi nagare grep? Ba, mana ginauna vahi ghami ghotilo mala nogna komanda mana?

Ululahu Samuel 22:7 ပူးပေါင်းရင်းမြစ်များ

Ululahu Kings 12:16

Nu kate filoni maedi Israel igre te theome fanomho king ka mare na, keha maere ne eha eghu fabiꞌo, “Mae Devet na theome noda tahati! Thugna mae Jesi igne theome noda tahati! Tahati te gnafa naiknoda Israel ra, tahati ke pulo ka namonoda ra! Lisa laodi mare mala reireghidi thedi!” Aonu maedi Israel igre neke kafe pulo ka namonodire.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Profet Isaia 11:1

Kaisei ing majaghani ka vikegna King Devet thugna mae Jesi ginauna kotu haghe jateula grege majaghani te kotu mei ka pikhu gaju teke kato soru mare pari tifara eghu.

Fapea Samuel 20:1

Ka narane igre, kaisei mae te diꞌa fara puhigna na au ka namono Gilgal. Mae igne nanghagna na, mae Seba thugna mae Bikri ka vikegna mae Benjamin. Mae Seba gne kufli, ne eha eghu ka maedi Israel, “Mae Devet gne theome vikeda tahati. Tahati theome vikegna thugna mae Jesi igne! Tahati te gnafa maeda Israel ra kafe figri ke pulo ka namonoda ra!”

Ululahu Samuel 25:10

Nu mae Nabal ne cheke eghu ka mare, “Mae ihei si mae Devet gnea? Mae ihei si thugna Jesi gnea? Ginei na namono igne neke fodu ka naikno sneka. Kmana rikhani nodi funei na!

Ululahu Samuel 22:13

Mae Sol ne cheke eghu, “Naugna unha si ghopa thugna mae Jesi igne te roghe pouporu ghau iara gnea? Iagho tusu lao gano nei naflahi mala magra nei taraini mana ka God eghu. Gognarona mana nogu naoka iara. Mana hiro puhi mala falehe ghau iara!”

Ululahu Samuel 22:9

Ka narane igne, Doeg maegna Idom igne kegra neu baludi nogna ofisa mae king igre. Mae Doeg ne cheke eghu, “Iara neke filoni thugna mae Jesi igne Nob ka teke tei filoni mana mae pris Ahimelek thugna mae Ahitub ia.”

Ululahu Samuel 20:30

Nu mae Sol ne thono diꞌatagna fara ka mae Jonatan ne cheke eghu, “Iagho thugna idomu te diꞌa fara puhigna na nei huhughu fara teu igne. Iara gognarona thofno lase nigho iagho te thofno fofodu fara ka thugna mae Jesi igne! Iagho fadidiꞌa nanghamu na balugna nanghagna idomu na!

Ululahu Samuel 20:27

Nu ka fapea narane ka gaghamu igne, mae Devet jaola ne dofini ka nogna vido na, aonu mae king ne ghusna eghu ka mae Jonatan, “Naugna unha site theome mei ka gaghamu thugna mae Jesi gnea?”

Ululahu Samuel 18:14

Leuleghu fata na mae Devet uludi koba magra igre, naugna Lord na au balugna mana.

Fapea Samuel 18:1

Mae Devet ne kilo meidi nogna mae soldiare. Mana ne tufa ka tothoghei, kehare kaisei thogha soldia, eghuteuna kehare kaisei gobi soldia. Eghuteuna mana vavahi mae komanda mala batudi tothoghei soldia igre.

Ululahu Kronikols 12:16

Eghuteuna keha ka vikegna mae Benjamin, nei keha ka vikegna mae Juda eghu mare mei ne filoni mae Devet ka vido aheva te poru teu mana na.