Ululahu Samuel 22:5 - Buka Blahi Ka Cheke Holo

⁵ Nu profet Gad ne mei filoni mana ne cheke eghu, “Iagho thosei au ka vido igne. Iagho ke pulo ka nohi Juda.” Aonu mae Devet jifla jare ne tei au ka nathuꞌa Heret.

Ululahu Samuel 22:5 ပူးပေါင်းရင်းမြစ်များ

Fapea Kronikols 29:25

Ke leghu na, King Hesekaea chekedi mae Livaet mala hata nafnata gita nei belo eghu te au ka Sugablahi na leghuni nogna vetula Lord teke chekeni King Devet nei profet Gad, nei profet Natan.

Ululahu Kronikols 29:29

Thoutonu eidi unha teke edi King Devet funu kate king mana te ghilei lehe na, mare rioriso soru ka buka te kiloi Nogna Thoutonu Profet Samuel, Nogna Thoutonu Profet Natan nei Nogna Thoutonu Profet Gad.

Ululahu Kronikols 21:9

Aonu Lord ne cheke ka mae Gad, nogna profet King Devet igne. Mana ne cheke eghu, “Gad, iagho tei filoni king eghuteuna iagho cheke ka mana, iara ginauna parani mana. Thilo nafnata papara tarabanau malagna mana, eghuteuna mana mala vavahi kaisei ka thiloi igre nate mala parani iara mana na.”

Fapea Samuel 24:11

Ka narane igne, Lord ne cheke eghu ka profet Gad, nogna profet King Devet igne, “Gad, iagho tei filoni king, iara ginauna tusu ranghini mana thilo nabrou, eghuteuna mana na vavahi kaisei ka thilo nabrou igre. Eghuteuna unha nabrou te vahini mana igne, tuana ngala nate thokeni mana na.” Kate dofra haghe king ka keha narane na,

Ululahu Samuel 22:4

Mae king ne faꞌuveni mana. Aonu mae Devet ne cheke ka repa mala au balugna king gna Moab. Repa au neu ka namono igne kate tei poru mana ka kaisei vido te keli na.

Fapea Samuel 23:14

King Devet au neu ka kaisei vido te keli ke holo thogele. Aonu kaisei thara ka armi gna Filistia mei ne hata namono Betlehem.

Nodi Khoje Hatimare Mae Jiu 63:1

God, iagho nogu God iara. Iara magnahaghei nigho iagho fara te mala au fabrahu ka nakarhagu gne. Kate theomu iagho na, iara haimini ka nakarhagu na jateula glose te moja te theo khoꞌura eghu, eghume iara magnahaghei nigho iagho fara te mala au balugu iara.

Ululahu Kronikols 11:16

King Devet au neu ka kaisei vido keli holo ka thogele na, eghuteuna kaisei tothoghei armigna Filistia ne hata namono Betlehem.