Ululahu Samuel 22:23 - Buka Blahi Ka Cheke Holo

²³ Nu iagho thosei mhaghu, iagho au balugu iara. King magnahaghei te falehe ghita tapa, nu jame te au iagho balugu iara na, iagho ginauna na theome tangomana te lehe na.”

Ululahu Samuel 22:23 ပူးပေါင်းရင်းမြစ်များ

Ululahu Kings 2:26

King Solomon ne cheke eghu ka pris Abiata, “Iagho ke figri ka namonomu Anatot. Iagho nabamu te lehe na, nu iara na theome falehe nigho iagho gognarona, naugna tifa na iagho neke toghoni mae kmagu iara ia neke pala nogna Bokis Blahi Lord na. Eghuteuna iagho neke ruma haghe balugna mana ke lamnadi narane te ninhigrana tura.”

Jone 18:9

Igne ne horoghoto ka unha teke cheke eghu mana tifa ia, “Mama, iara na theome lisa lao mala sniki kaisei naikno ka teke chekedi iagho mala reireghidi iara teku gre.”

Jone 15:20

Thosei ghatho ihoni cheke teke cheke eghu iara ka ghotilo tifeiro ia, ‘Mae gloku na theome tangomana te uluni nogna mae funei na.’ Te theome magnahaghei ghau iara mare na, naiknore ginau nake theome magnahaghei ghami la ghotilo. Te leghudi mare nogu cheke iara re, mare ginauna leghudi la nomi cheke ghotilo re.

Jone 17:12

Kani au tekeu iara baludi, iara neke taji fakelidi kau nolaghi gna nanghamu iagho na, nangha teke famei iagho ka iara ia. Iara neke kafe taji fakelidi mare hui. Eghuteuna kaisei mae ngala ka mare nate snivi na mala horoghoto ka unha teke cheke eghu kau grioriso te blahi ia.

Matiu 24:9

“Aonu naiknore ginauna loki ghami ghotilo mala hata tei ghami ka fate. Mare ginauna para ghami nei falehe ghami eghu ghotilo. Eghuteuna naikno ka namono te kmana ke lamnagna nauthoglu igne ginauna tirodi ghami ghotilo naugna ghotilo ne fatutuani ghau iara.

Ululahu Kings 1:7

Mana ne roghe baludi komanda Joab thugna Seruia ghe mae pris Abiata. Aonu phei mae igre ne kaisei gaoghatho balugna mana ne toghoni mana ka gaoghatho igne.

Ululahu Samuel 23:17

Mae Jonatan ne cheke eghu ka mana, “Thosei mhaghu, mae kmagu iara na theome tangomana te falehe nigho iagho na. Eigna iagho ginauna mala king gna Israel, eghuteuna iara mala mei fapea ka iagho.”

Fapea Samuel 9:7

Aonu mae Devet ne cheke eghu ka mana, “Iagho thosei mhaghu. Iara magnahaghei te togho nigho iagho, naugna mae kmamu iagho mae Jonatan ia neke mae kheragu keli iara. Nogna vido glose te gnafa mae kuꞌemu iagho mae king Sol ra, iara ginauna nake tusu fapulo ka iagho, eghuteuna iara magnahaghei nigho iagho te mei ima balugu iara koba ka nogu tevo iara igne.”