Ululahu Samuel 22:10 - Buka Blahi Ka Cheke Holo

¹⁰ Mae Ahimelek neke tarai ka Lord mala laseni unha God nate eni ka mae Devet. Mana jaola tusu lao keha gano ka mana. Eghuteuna mana tusu lao ka mana nogna naflahi mae Golia mae nhetagna Filistia.

Ululahu Samuel 22:10 ပူးပေါင်းရင်းမြစ်များ

Naba 27:21

Eghuteuna mana mala lelheghu kolho ka mae pris Eleasa mala tangomana mana te lasedi gaoghathogu iara re. Mae pris igne ginauna eni ka nafnata thina te kiloni Urim nei Thumim mala lalahu khale ke ulugu iara Lord, mala lasedi gobigna lepo te magnahaghedi iara re. Eghume ka puhi igne, iara ginauna batuni mana baludi naiknodi Israel gre ka gobigna lepo te edi mare re.”

Ululahu Samuel 30:8

Aonu mae Devet ne cheke ka mana mala tore eghu ka Lord, “Ba, iara tangomana ngau te tei ke leghudi mae te mei goigoni ghami ghehati ra? Jame te tei ghehati na, ghehati ginauna na tei thokedi mare?” Lord ne cheke tughu eghu ka efod blahi igne, “Iagho ginauna tangomana nate tei fakarhidi nou naiknore. Tei sagho ke leghudi, iagho ginauna na tangomana nate tei thokedire mala ke atha fapulo naikno teke atha mare ra.”

Ululahu Samuel 23:4

Mae Devet neke fapea tarai ka Lord, aonu Lord ne cheke eghu ka mana, “Ghotilo tei Keila. Iara ginauna togho ghami ghotilo mala tapla faparidi ghotilo soldiadi Filistia tuare.”

Ululahu Samuel 23:2

Aonu mae Devet ne tarai eghu ka Lord, “Ba? Keliu kolho te tei magra iara ka mae Filistia igre, ba theo?” Lord ne cheke eghu, “Uve, tei sagho magra ka mare mala fakarhini namono Keila.”

Ululahu Samuel 23:12

Aonu Devet ne tarai eghu, “Mae biꞌodi Keila igre ginauna snakre lao ghau iara baludi nogu mae soldia gre ka khamegna Sol?” Eghuteuna te chekeni Lord ka mare na mare ginauna eni igne.

Ululahu Samuel 22:15

Uve, iara neke taraini mana ka God, nafnata te eni te mei iara tifa ra. Nu cheke te eni iagho vikegna mae kmagu iara na ne ghaoghaho mala eni kaisei puhi te diꞌa ranghi nigho iagho teu igne theome tutuani. Iara theome laseni kaisei glepo eigna igne!”

Ululahu Samuel 22:13

Mae Sol ne cheke eghu, “Naugna unha si ghopa thugna mae Jesi igne te roghe pouporu ghau iara gnea? Iagho tusu lao gano nei naflahi mala magra nei taraini mana ka God eghu. Gognarona mana nogu naoka iara. Mana hiro puhi mala falehe ghau iara!”

Ululahu Samuel 10:22

Aonu mare ne tarai eghu ka Lord, “Lord, au aheva si mana gnea?” Eghuteuna Lord ne falalase ne cheke eghu, “Mae Sol na tei poru delei, ka nomi glepo ghotilo ra.”

Ululahu Samuel 22:11

Aonu King Sol ne fatei cheke ka mae pris Ahimelek nei vikegna mana te au Nob mala mei filoni mana. Aonu mare ne mei ka mana,

Ululahu Samuel 21:10

Ka narane igne, mae Devet ne rikhani mae Sol ne tei Filistia ne tei au balugna mae funei Akis ka namono Gat.