Ululahu Samuel 21:9 - Buka Blahi Ka Cheke Holo

⁹ Mae pris Ahimelek ne cheke eghu, “Nogna naflahi mae Golia, maegna Filistia teke fada falehe iagho ka glogu Ila ia ngala te au teu igne na. Pipiha lilisei teu iara ke leghugna efod na ana. Jame te magnahagheni iagho na, iagho tangomana te atha na. Tuana ngala kaisei glepo mala magra te au ka iara agne na.” Mae Devet ne cheke eghu, “Jare na theo kaisei naflahi te jateula te nogna mae Golia igne teuna! Famei sagho ka iara.”

Ululahu Samuel 21:9 ပူးပေါင်းရင်းမြစ်များ

Ululahu Samuel 17:2

Nu king Sol balugna nogna armi na jaola ne mei au ka glogu Ila, tarabana mala magra ka armi gna Filistia.

Ululahu Samuel 31:10

Mare ne lilisei nogna glepo mala magra mae Sol re ka nogna Sugablahi god gaꞌase Astarot. Aonu mare ne fagefe haghe thinigna mana na ka gringni thina biꞌogna namono Bet-San.

Ululahu Samuel 21:8

Mae Devet ne ghusna eghu ka mae Ahimelek, “Iagho au kaisei jata ba naflahi mala magra agne? Mae king ne nanga nogna fara ka iara, naugna igne te theome atha iara nogu naflahi nei keha glepo mala magra teura.”

Ululahu Samuel 22:10

Mae Ahimelek neke tarai ka Lord mala laseni unha God nate eni ka mae Devet. Mana jaola tusu lao keha gano ka mana. Eghuteuna mana tusu lao ka mana nogna naflahi mae Golia mae nhetagna Filistia.