Ululahu Samuel 21:8 - Buka Blahi Ka Cheke Holo

⁸ Mae Devet ne ghusna eghu ka mae Ahimelek, “Iagho au kaisei jata ba naflahi mala magra agne? Mae king ne nanga nogna fara ka iara, naugna igne te theome atha iara nogu naflahi nei keha glepo mala magra teura.”

Ululahu Samuel 21:8 ပူးပေါင်းရင်းမြစ်များ

Ululahu Samuel 21:7

Kaisei nogna mae gloku mae Sol na au jare ka narane tuana. Mae igne kaisei mae biꞌo mala reireghi sipu. Mare atha mae igne mala fadoglidi keha glepo ke ulugna Lord. Mae igne maegna Idom, nanghagna na, mae Doeg.

Ululahu Samuel 21:9

Mae pris Ahimelek ne cheke eghu, “Nogna naflahi mae Golia, maegna Filistia teke fada falehe iagho ka glogu Ila ia ngala te au teu igne na. Pipiha lilisei teu iara ke leghugna efod na ana. Jame te magnahagheni iagho na, iagho tangomana te atha na. Tuana ngala kaisei glepo mala magra te au ka iara agne na.” Mae Devet ne cheke eghu, “Jare na theo kaisei naflahi te jateula te nogna mae Golia igne teuna! Famei sagho ka iara.”

Ululahu Samuel 22:9

Ka narane igne, Doeg maegna Idom igne kegra neu baludi nogna ofisa mae king igre. Mae Doeg ne cheke eghu, “Iara neke filoni thugna mae Jesi igne Nob ka teke tei filoni mana mae pris Ahimelek thugna mae Ahitub ia.”

Ululahu Samuel 22:22

Mae Devet ne cheke eghu ka mana, “Iara neke filoni mae Doeg maegna Idom igne ka narane tuana Nob. Mana jame neke toutonu eigu iara ka mae king Sol. Eghume najafragu iara glehedi vikegna mae kmamu iagho ra.

Nogna Buka Esta 8:14

Aonu mae te mala hata nonomho igre saghe ka nogna hose King igne ne ghosei hata ne tei nonomho igne. Eghuteuna cheke igre jaola ne tei tongana ka namono biꞌo Susa.

Luku 10:4

Eghuteuna ghotilo thosei hata sileni ba gloi ba fapea sadol balumi. Thosei kegra snoto mala toutonu balugna ihei te ludeni ghotilo ka nabrou na.