Ululahu Samuel 21:2 - Buka Blahi Ka Cheke Holo

² Mae Devet ne cheke eghu, “King neke kuru mei ghau iara, nu mana theome snakre ghau iara te toutonu eigna igne ka ihei nga. Iara chekehi ka mae te au balugu re aheva nate thafodi iara re.

Ululahu Samuel 21:2 ပူးပေါင်းရင်းမြစ်များ

Galesia 2:12

Ulu lahu na, kate mei te au jare Antiok na, mae Pita ne ima baludi iheire te theome Jiu. Aonu mae Jemes ne kuru meidi keha mae Jiure. Mae igre magnahaghedi naikno khiloau te gnafare mala leghuni vetula te mala vahe na. Kate posa mare na, mae Pita ne mhaghuni tothoghei igne. Aonu mana ne tirogna au fodu fabrahu baludi naikno khiloau te theome Jiu.

Kolose 3:9

nei thosei chaghi fari themi. Naugna ghotilo neke nhaꞌa fadeleihi puhi diꞌa teke edi ghotilo tifa ra.

Ululahu Kings 13:18

Mae profet khuekuꞌe igne ne cheke eghu, “Iara jaola kaisei mae profet jateula iagho eghu. Eghuteuna Lord neke kuruni kaisei engel neke mei cheke ka iara mala mei tali fapulo nigho iagho mala ke pulo ghamu nei koꞌu eghu ka sugagu iara na.” Nu mae khuekuꞌe igne chaghini mana kolho.

Ululahu Samuel 22:22

Mae Devet ne cheke eghu ka mana, “Iara neke filoni mae Doeg maegna Idom igne ka narane tuana Nob. Mana jame neke toutonu eigu iara ka mae king Sol. Eghume najafragu iara glehedi vikegna mae kmamu iagho ra.

Ululahu Samuel 19:17

King nomhini igne ne cheke eghu ka Mikal, “Naugna unha sagho te chaghi ghau iara gnea? Iagho snakreni nogu naoka iara na ne rikha.” Nu Mikal ne cheke eghu, “Jame te theome toghoni iara te rikha na, mana ginauna falehe ghau iara.”

Jenesis 27:24

Mae Isak ne kulu ghusna eghu ka mae Jekop, “Ba, iagho thofno mae thugu iara Iso?” Mae Jekop ne cheke eghu, “Uve.”

Jenesis 27:20

Nu mae Isak ne ghusna eghu ka mae thugna na, “Thuguo, faꞌunha ne ghosei ne tei filo deni ne hata sagho gnea?” Mae Jekop ne cheke eghu, “Naugna nou Lord God iagho, mae ihei iagho te loku ranghini na neke togho ghau iara neke ghosei neke filo deni iara.”

Nodi Khoje Hatimare Mae Jiu 119:29

Togho ghau iara sagho, mala leghudi iara nou cheke nei vetula. Naugna iara theome magnahaghei te leghudi puhidi naikno te theome ghatho tahu nighore.

Ululahu Samuel 21:3

Unha gano te au ka iagho agne na? Famei glima bret, ba unha te au ka iagho na.”

Nodi Khoje Hatimare Mae Jiu 141:3

Lord God, fadoglidi nogu cheke fateote'o gre.

Ululahu Samuel 22:9

Ka narane igne, Doeg maegna Idom igne kegra neu baludi nogna ofisa mae king igre. Mae Doeg ne cheke eghu, “Iara neke filoni thugna mae Jesi igne Nob ka teke tei filoni mana mae pris Ahimelek thugna mae Ahitub ia.”

Nehemaea 11:32

Eghuteuna kehare au ka namono Anatot nei Nob, nei Ananaea,

Profet Isaia 10:32

Mae naoka igre ginauna mei ka namono Nob. Mare ginauna filo lao ka Thogele blahi Saion jare Jerusalem, eghuteuna mare ngafa haghe khamedire balu faheaheta.