Ululahu Samuel 21:11 - Buka Blahi Ka Cheke Holo

¹¹ Kate au teu mae Devet jare na, nogna mae gloku king Akis re ne cheke eghu, “Mae igne nodi king mae Israel. Gaꞌasedi Israel re neke fafnaknoni nanghagna mana na. Rehati neke ragi balu koje neke cheke eghu: “King Sol neke aknu falehe kaisei thogha naoka. Nu Devet neke aknu falehe nabotho thogha.”

Ululahu Samuel 21:11 ပူးပေါင်းရင်းမြစ်များ

Ululahu Samuel 29:5

Eghuteuna mae igne neke fnakno fara nanghagna na ka goro gaꞌasedi Israel ra. Rehati neke ragi nei koje neku neke cheke eghu tifa ia, “King Sol neke aknu falehe kaisei thogha naoka, nu mae Devet neke aknu falehe nabotho thogha.”

Ululahu Samuel 16:1

Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Ululahu Samuel 19:18

Mae Devet rikha ne tei Rama ka mae Samuel. Aonu mana ne toutonu ka mae Samuel unha te eni king Sol ka mana na. Aonu phiamare jifla Rama ne tei Naeot.

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Ululahu Samuel 27:2

Aonu mana ne atha phei khetognare, Ahinoam thaugna Jesrel ghe Abigel thau teke lehe kokoni mae Nabal ka Thogele Kamel. Aonu mae Devet jaola ne atha namno gobi mae ne jifla ne tei balu khetodi nei thudi teure ne tei au ka namono Gat. Ka namono te funei mae Akis thugna mae Maok.

Nodi Khoje Hatimare Mae Jiu 34:1

Iara ginauna na cheke fakelini Lord fabrahu.