Ululahu Samuel 20:3 - Buka Blahi Ka Cheke Holo

³ Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Ululahu Samuel 20:3 ပူးပေါင်းရင်းမြစ်များ

Fapea Kings 2:6

Phia mare au neu Jeriko, eghuteuna mae Elija ne cheke eghu ka mae Elisa, “Iagho ofou agne, naugna Lord na neke cheke ka iara mala tei ka khoꞌu Jordan.” Nu mana ne cheke eghu, “Ka nanghagna Lord mae ihei te karha te tifa, iara thofno cheke kate tutuani fara, iara ginauna tei balumu iagho, eghuteuna iara ginauna theome tei koko nigho iagho.” Aonu phiamare ne kafe tei ka khoꞌu Jordan.

Ululahu Samuel 27:1

Nu mae Devet ne cheke eghu ka gaoghatho gna thegna na, “Keha narane mae king Sol ginauna falehe ghau iara. Te keli na iara na rikha tei au Filistia. Jame te tei au iara jare na, mana ginauna na theome hiro ghau iara agne Israel. Mana ginauna theome tangomana te goigoni ghau iara na.”

Ululahu Samuel 25:26

Funei, Lord kolho te lhoti nigho iagho te theome tughu fapulo glepo te diꞌa teke eni khetogu iara na. Iara cheke tutuani ka nanghagna Lord mae ihei te karha mala paradi nou naoka iagho gre nei jaola parani Nabal.

Diutronomi 6:13

“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.

Fapea Kings 2:4

Phia mare au neu Betel, eghuteuna mae Elija ne cheke eghu ka mae Elisa, “Iagho na ofou agne, naugna Lord neke cheke ka iara mala tei Jeriko.” Nu mae Elisa ne cheke eghu ka mana, “Ka nanghagna Lord mae ihei te karha te tifa, iara thofno cheke kate tutuani ka iagho, iara ginauna tei balumu iagho, eghuteuna na theome tei koko nigho iagho.” Aonu phiamare ne kafe tei Jeriko.

Fapea Kings 2:2

Aonu profet Elija ne cheke eghu ka profet Elisa, “Iagho ofou agne, eigna Lord na neke cheke ka iara mala tei Betel.” Nu profet Elisa ne cheke eghu, “Ka nanghagna Lord te karha te tifa, iara thofno cheke kate tutuani fara, iara ginauna tei balumu iagho, eghuteuna iara ginauna theome tei koko nigho iagho.” Aonu phiamare ne kafe tei Betel.

Ululahu Samuel 1:26

Hana ne cheke eghu ka mana, “Mae biꞌo, iagho filo glani ghau ngau iara ba theo? Iara ngala gaꞌase teke filoni iagho teke kegra teke tarai ka Lord Saelo ia.

Hibru 6:16

Kate nhaꞌa cheke na, mare nhaꞌa cheke ka nanghagna mae ihei te fnakno ke uludi thedi. U nhaꞌa cheke igne falalaseni ka naiknore nodi nhaꞌa cheke na thofno tutuani fara te mala fanograni nafnata cheke te mala magra na.

Profet Jeremaea 38:16

Nu King Sedekaea ne cheke faꞌikoi ka mae Jeremaea ne eni kaisei nhaꞌa cheke, ne cheke eghu, “Iara eni nhaꞌa cheke igne ka nanghagna Lord mae ihei te karha te tifa, nei tusu ranghi ghita u karha: Iara ginauna na theome falehe nigho iagho, eghuteuna iara ginauna na theome snakre lao nigho ka khamedi mae iheire te magnahaghei falehe nigho iagho igre.”

Profet Jeremaea 4:2

Jame te magnahaghei nhaꞌa cheke ghotilo ka nanghagu iara na, ghotilo cheke eghu, ‘Iara thofno nhaꞌa cheke ka nanghagna Lord mae ihei te karha te tifa.’ Jame te eni tutuani ghotilo igne na, iara ginauna fablahi ghami ghotilo naikno te gnafa ka nauthoglu igne.”

Nodi Khoje Hatimare Mae Jiu 116:3

Iara neke namo lehe kate thoke ghau hoholo te biꞌo na. Naugna igne iara thono mhaghu nogu fara nei nanga nogu fara eghu.

Fapea Samuel 15:21

Nu mae Itai ne cheke eghu ka mae Devet, “Ka nanghagna Lord mae ihei te karha te tifa, eghuteuna iagho mae ihei te mae king gna Israel, iara thofno nhaꞌa cheke kate tutuani. Namono aheva te tei iagho na, neuba iagho ne tei karha ba lehe, iara ginauna tei balumu.”

Ululahu Samuel 17:55

Kate filoni mae Sol te tei magra mae Devet te faleheni mae Golia igne, mana ne ghusna ka mae Abna, mae komanda gna nogna armi na, “Abna, thugna mae ihei si mae majaghani ignea?” Mae Abna ne cheke eghu, “Iara cheke kate tutuani fara, iara theome laseni.”

Diutronomi 28:66

Leuleghu fata na ghotilo ginauna au ka puhi biꞌo, eghuteuna glehe na au namo kolho ka ghotilo bongi narane na.

Ululahu Samuel 20:2

Nu mae Jonatan ne cheke eghu, “Theo! Iagho theome tangomana te lehe na! Eigna mae kmagu iara na theome tangomana te poruni kaisei glepo ka iara, neubane glepo biꞌo ba ikoi!”

Ululahu Samuel 20:4

Aonu mae Jonatan ne cheke eghu, “Unha te magnahagheni iagho na, iara ginauna eniu.”