Ululahu Samuel 20:2 - Buka Blahi Ka Cheke Holo

² Nu mae Jonatan ne cheke eghu, “Theo! Iagho theome tangomana te lehe na! Eigna mae kmagu iara na theome tangomana te poruni kaisei glepo ka iara, neubane glepo biꞌo ba ikoi!”

Ululahu Samuel 20:2 ပူးပေါင်းရင်းမြစ်များ

Jone 17:8

U nou farirhiu iagho teke famei iagho ka iara ra, iara la cheke laohi ka mare, la nomhidihi mare. Mare fatutuani nigho iagho ngala mae teke kuru mei ghau iara na nei laseni fara teke mei iara funu ka iagho na.

Ululahu Samuel 9:15

Ka narane ame mei nga mae Sol me thafoni mae Samuel tekuna, Lord neke kulu cheke eghu ka mae Samuel,

Ululahu Samuel 20:12

Mae Jonatan ne cheke eghu ka mae Devet, “Ka nanghagna Lord, God gna Israel, iara nhaꞌa cheke ka iagho, jateula gognarogne teu nauriha na, iara ginauna hironi gaoghathogna mae mama na. Jame te keli tagna mana ka iagho na, iara ginauna famei cheke mala fanomhi nigho iagho.

Ululahu Samuel 14:45

Nu mae soldia gre ne cheke faheta eghu ka mae Sol, “Sei! Mae Jonatan gne neke togho ghita neke uluni tahati magra ginei ia! Faꞌunha lehe si mana gnea? Ghehati thofno cheke kate tutuani ka nanghagna Lord mae ihei te karha te tifa, eigna theome tangomana kaisei naikno nate faleheni mana na. Neuba kaisei khakla ikoi ka phaꞌu gna mana na, theome tangomana kaisei naikno nate rathu koko na. Glepo teke eni mana ginei ia, God neke toghoni mana.” Ka cheke igre, mae soldia gre ne fakarhini mae Jonatan.

Josua 22:29

“Ghehati theome magnahagheni te cheke faparini Lord. Ghehati thofno magnahagheni fara te leghuni mana. Ghehati theome magnahagheni olta igne te fafara tagna. Eghuteuna ghehati theome magnahaghei te babana olta igne mala ke tughuni olta ke ulugna nogna Suga Tapuale Lord igne naugna mana ngala noda God tahati na!”

Jenesis 44:7

Nu mae thabusigna re ne cheke eghu ka mana, “Mae biꞌo, naugna unha site eni iagho nafnata cheke tuana ka ghehati gnea? Ghehati theome tangomana te eni unha te chekeni iagho igne.

Jone 15:15

Gognarona iara theome kilo ghami ghotilo mae gloku, naugna mae gloku na theome tangomana te laseni gaoghathogna nogna mae funei na. Nu iara kilo ghami ghotilo mae kheragu iara, naugna iara chekedi ka ghotilo gobigna lepo teke chekedi mae Mama ka iara re ngala.

Luku 20:16

Mana ginauna tei ka nagare na mala falehedi mae greireghi nagare igre. Aonu mana ginauna snakre lao nagare na ka keha mae greireghi nagare delei mala reireghi mare.” Kate nomhini naiknore cheke naba igne, mare ne cheke eghu, “Theo, theome jateula tuana eghu!”

Profet Isaia 50:5

Lord God neke tusu mei glalase ka iara. Igne te theome figri tagruni nei thodoni teu iara mana na.

Nodi Khoje Hatimare Mae Jiu 40:6

Iagho theome magnahaghei fafara ba toreni kaisei bosu mala gahu ke kligna olta mala hata koko nakhibo. Nu iagho tusu mei khuli ka iara mala tangomana iara te nomhidi nei leghudi teu nou cheke iagho re. Igne unha te magnahaghei iagho te mala eni iara na.

Josua 24:16

Eghuteuna naiknore ne kafe cheke eghu, “Lord na nomi God ghehati, eghuteuna ghehati ginauna theome tangomana te tei kokoni mana te mala leghudi keha god are.

Ululahu Samuel 20:1

Mae Devet ne rikha Naeot Rama ne tei thafoni mae Jonatan ne cheke eghu ka mana, “Unha najafra si teke eni iara te diꞌatagna mae kmamu iagho ignea? Iara theome huhughuni kaisei vetula. Ba, unha glepo te diꞌa si teke eni iara ka mana te magnahaghei falehe ghau iara mana gne?”

Ululahu Samuel 20:3

Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Proveb 29:24

Iagho te toghoni keha mae na te mala blau na, iagho naoka nigho themu. Naugna kate tei ka fate na iagho na theome tangomana nate cheke kate tutuani na, eghume puhi biꞌo ginauna thoke nigho iagho.