Ululahu Samuel 20:13 - Buka Blahi Ka Cheke Holo

¹³ Nu jame ghaoghaho mala fadiꞌa nigho iagho teu mana na, iara ginauna togho nigho mala rikha iagho. Jame te theome eni iara igne na, snakreni Lord mala para ghau iara. Iara toreni Lord mala au balumu iagho jateula mana teke au balugna mae mama tifa ia eghu!

Ululahu Samuel 20:13 ပူးပေါင်းရင်းမြစ်များ

Ululahu Kronikols 22:16

ka gol nei silva, nei ka bras nei ka aean. Eghume iagho funu loku gognarogne, eghuteuna snakreni Lord mala au balumu.”

Ululahu Kronikols 22:11

Eghuteuna mae Devet neke cheke eghu ka mae Solomon, “Thuguo, Lord ginauna au balumu iagho, eghuteuna mana ginauna togho nigho iagho, mala tangomana iagho te horo nogna Sugablahi mana na, leghuni unha teke nhaꞌa chekeni mana na.

Ululahu Samuel 17:37

Lord mae teke fakarhi ghau iara ka foflodi lion nei bea teu igne ginauna jaola fakarhi ghau iara ka mae soldia gna Filistia tuana.” Aonu mae Sol ne cheke eghu ka mana, “Uve, tei sagho. Iara ginauna torei Lord mala au balumu.”

Thoutonu Eigna Rut 1:17

Ka vido aheva te lehe iagho na, iara mala jaola lehe jare mala giugilu balumu iagho ka vido tuana. Eghume, thofno glepo te tutuani na ngala te cheke arini iara ka iagho igne. Theo kaisei glepo te tangomana ni te fota ghita, nu kaisei glehe ngala te tangomana ni te mala fota ghita na eghu. Jame te cheke chaichaghi nogu kolho iara ke ulumu iagho na, God ginauna fate ghau iara.”

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Ululahu Samuel 3:17

Eghuteuna mae Eli ne cheke eghu ka mana, “Unha te chekeni Lord ka iagho na? Iagho thosei poruni kaisei cheke ka iara. Jame te pophoru iagho keha cheke ka iara na, God ginauna para nigho iagho.”

Filipae 4:9

Ghatho fakelidi glepo te farirhiu ghami iara igre, nei glepo te edi iara tela filodihi ghotilo ra, nei glepo te edi iara tela nomhidihi ghotilo ra eghu. Eghuteuna God mae te tusu ranghi ghita u pharikeli na, mana ginauna au balumi ghotilo.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Ululahu Kings 20:10

Aonu, King Ben-Hadad neke fatei cheke igre ka King Ehab, “Iara ginauna kuru ari kmana soldia mala ari roꞌeni Samaria. Eghuteuna mare ginauna na paꞌe soru nomi suga ghotilo are ghilei vuhai chara kolho. Jame te theome eni iara igne na, nogu god iara igre ginauna falehe ghau iara.”

Ululahu Kings 19:2

Aonu Kuin ne fatei cheke igne ka mae Elija, “Iara ginauna falehe nigho iagho jateula teke falehedi iagho nogna profet Baal ra eghu. Nathuꞌu jateula gognarogne teuna, iagho ginauna lehe. Jame te theome eni iara igne na, god tuare tangomana te falehe ghau iara na.”

Fapea Samuel 19:13

Eghuteuna mana jaola ne cheke ka phia mare mala tei cheke eghu ka mae Amasa, “Iagho mae thabusigu iara. Iara ginauna vahi nigho iagho mala tughuni mae Joab mala kaisei mae komanda biꞌo ka nogu armi iara gne. Jame te theome eni iara igne na, God ginauna para ghau iara.”

Fapea Samuel 7:15

Nu iara ginauna na namhani mana fabrahu jateula teke eni iara ka mae King Sol ia eghu, iara neke brue fajiflani mana, eghuteuna iagho teke king tughuni mana na.

Fapea Samuel 3:35

Ka narane igne naiknore toreni king mala ghamu. Nu mana tirogna ne nhaꞌa cheke eghu, “Iara ginauna na tirogu ghamu bret, ba kaisei glepo ghilei plulu naprai! Nu jame theome plulu teu naprai na te ghamu iara na, God ginauna falehe ghau iara.”

Ululahu Samuel 25:22

Igne nogu cheke iara na. Iara ginauna aknu falehe gnafa mae biꞌo nei mae majaghani teu te au ka namonogna mae Nabal. Iara toreni Lord mala falehe ghau iara jame kafe karha teu keha te ghilei hamerane na!”

Ululahu Samuel 18:12

Lord ne au balugna mae Devet, nu mana theome au balugna mae Sol. Eghume gognarona mae Sol mhaghuni fara mae Devet.

Ululahu Samuel 14:47

Keha narane ke leghugna te kegra king gna Israel mae Sol igre, leuleghu fata na mae Sol tei magra koba ka nogna naoka te au ka vido te gnafa faligohoni Israel. Ka maedi Moab, maedi Amon, maedi Idom, ka mae king di Soba, nei ka maedi Filistia. Eghuteuna leuleghu fata na mana tei magra ka mare neke thofno goigonidi fara mare.

Ululahu Samuel 10:7

Kate thoke nigho iagho glepo igre, iagho ginauna tangomana te edi unha teke ghathodi iagho re naugna Lord na au balumu iagho.

Ululahu Samuel 19:3

Ghepa mama ginauna mei kegra rhegna vido te poru teu iagho na. Ghepa ginauna mei cheke eimu iagho jare, iara ginauna toutonu ka iagho unha nate chekedi manare.”

Ululahu Samuel 20:12

Mae Jonatan ne cheke eghu ka mae Devet, “Ka nanghagna Lord, God gna Israel, iara nhaꞌa cheke ka iagho, jateula gognarogne teu nauriha na, iara ginauna hironi gaoghathogna mae mama na. Jame te keli tagna mana ka iagho na, iara ginauna famei cheke mala fanomhi nigho iagho.

Ululahu Samuel 20:14

Ghatho ghau fabrahu jateula Lord te ghatho tahu ghita gne eghu mala theome lehe iara.

Ululahu Kings 1:37

Lord ginauna au balugna Solomon mala toghoni mana, jateula teke eni mana ka iagho ia eghu. Eghuteuna nogna nolaghi mana na ginauna rheta salaꞌuni nou nolaghi iagho na.”