Ululahu Samuel 2:9 - Buka Blahi Ka Cheke Holo

⁹ Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Ululahu Samuel 2:9 ပူးပေါင်းရင်းမြစ်များ

Nodi Khoje Hatimare Mae Jiu 121:3

Uve, Lord na theome thuru nei ghatho iho ghau eghu iara. Leuleghu fata na mana na reireghi fakeli ghau iara.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Profet Sekaraea 4:6

Aonu engel igne ne cheke eghu ka iara, “Igne nogna cheke Lord ka mae Serababel: ‘Iagho nei nou naikno re eghu theome edi nogu gloku iara re ka nomi nanheta, nei ka nomi nolaghi ghotilo themi. Nu ka Tharungagu iara kolho.’ Igne nogna cheke Lord mae ihei te au nolaghi fateote'o.

Nodi Khoje Hatimare Mae Jiu 97:10

Lord na namhadi fara iheire te thono tirodini fara puhi te diꞌa na, nei mana bara fothidi kau glehe. Uve, mana fakarhidi ka iheire te diꞌa fara puhi dire.

Nodi Khoje Hatimare Mae Jiu 94:18

Lord God, kate eha eghu iara na, “Iara gne la namo lehehi,” nu naugna te biꞌo fara iagho nou namha na, iara gne theome tangomana te lehe na.

Nodi Khoje Hatimare Mae Jiu 37:28

Lord na magnahagheni fara puhi te doglo na. Mana theome snakredi te lisa laodi nogna naiknore. Leuleghu fata na mana tangomana te baubatu fakeli nogna naiknore mala tei ka nabrou te fadoglo. Nu vikegna mae te diꞌa na mana ginauna brue fajifladi mala tei au delei.

Thoutonu Eigna Mae Job 5:24

Iagho ginauna au ka pharikeli ka sugamu na. Kate tei filodi iagho nou sipure, iagho ginauna filodi nou sipure au keliu kolho.

Diutronomi 33:3

Tutuani, Lord namhadi nogna naiknore. Mana thofno reireghi fakeli ghami ghotilo nogna naikno blahi mana ra. Eghume ghotilo mei mala pogho soru ka mana, eghuteuna mana na farirhiu ghami ghotilo.

Proveb 16:9

Tahati tangomana te ghathoni unha te magnahagheni na. Nu Lord saghe leghudi puhida tahati re.

Nodi Khoje Hatimare Mae Jiu 121:8

Lord ginauna reireghi ghita kate jiflada na ba kate ruma meida na, funu gognaro gne tifa e tifa.

Fapea Pita 2:17

Mae velepuhi chaichaghi igre jateula glokha te moja te theo khoꞌu ia eghu. Mare jateula khoveo te pala tafri ka nuri blahi ia eghu. God kulu tarabanahi kaisei vido te romno fara maladi mare.

Matiu 8:12

Eghuteuna mae Jiu te theome fatutuani gre, God ginauna na chekedi nogna engel re mala koko fajifladi ka namono te romno te theome au thegna mana na. Mare ginauna naꞌau papara jare mala tanhi nei diꞌanagnafa eghu fara.”

Profet Sefanaea 1:15

Narane tuana, narane diꞌatagna God. Naiknore ginauna nanga nodi fara, naugna gobigna lepore ginauna groꞌe theo tokadi. Eghuteuna naprai gne ginauna thafru ka khoveo, aonu gromno biꞌo ginauna thoke mei.

Eklesiasti 9:11

Keha glepo te filoni iara ka nauthoglu na igne, keha fata mae te lase chari na theome uluni fangenghele na, keha fata mae te nheta na theome uluni magra na, keha fata mae te lalase na theome autagna nakarha te keli na, keha fata mae te ghaoghatho fakeli na theome dedei, keha fata mae te lalase fara na theome fnakno nanghagna na, naugna glepo te diꞌa na kafe thoke ghita hui.

Proveb 3:26

Naugna Lord na thofno reireghi fakeli nigho, eghuteuna mana ginauna theome snakre nigho te mala snoꞌo ke lamna phighoro na.

Eklesiasti 5:17

Nakarhagna mana leuleghu narane ka nauthoglu igne na theome keli kolho, eigna mana fogra koba, diꞌanagnafa koba, tanhi nei diꞌatagna koba eghu fabrahu.

Proveb 2:8

Mana reireghidi iheire te leghuni puhi te doglo na, eghuteuna baubatudi iheire te ghatho tahuni mana re.

Nodi Khoje Hatimare Mae Jiu 121:5

Lord ginauna reireghi ghita, nei au baluda eghu.

Letas Teke Rioriso Mae Jud 1:13

Nafnata naikno igre tahati filodi koba puhidi te diꞌare. Naikno tuare jateula galo te pulei mei kmana chara ka glilihi ia eghu, ba jateula nathunu te tei kokodi vido mala audira eghu kolho. God la kulu tarabanahi namono te romno fara na mala audire, mare naꞌau papara fabrahu jare tifa tifa.

Letas Teke Rioriso Mae Jud 1:3

Ranghi ghami kheraguro, ulu lahu na iara magnahaghei te rioriso ari ka ghotilo kaisei letas eigna God te fakarhi ghita tahati te gnafa. Nu gognaro na iara thono tahu mei ka gaoghathogu na te mala rioriso letas igne, mala nheta ghotilo. Iara magnahaghei ghami ghotilo te magra heta mala loku famaku thofno cheke tela fatutuani nihi tahati igne. U thofno cheke igne God neke tusu mei kaisei fata ngala ka nogna naiknore, eghuteuna na keli fabrahu tifa tifa.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Letas Teke Riso Tei Mae Pol Ka Khiloau Rom 3:19

Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Profet Jeremaea 9:23

Lord ne cheke eghu, “Ihei te lalase na thosei fahaehagheni nogna glalase na. Eghuteuna ihei te nheta na thosei fahaehagheni nogna nanheta na. Eghuteuna ihei te dedei na thosei fahaehagheni nogna dedei na.

Profet Jeremaea 8:14

Nogna naikno God te au Juda igre ginauna cheke eghu, “Naugna unha site fiti gnokro teu kolho tahati gnea? Mei ghotilo, mala rikha tei tahati ka namono te bara te lithui mare ka thina are mala lehe jare. Noda Lord God la fate ghitahi te mala lehe tahati na. Mana jateula te famei pophoji raha te mala koꞌu tahati ra eghu, naugna tahati ne tapla jafra ka nakhibo.

Thoutonu Eigna Mae Job 5:16

Aonu, God ne eni nodi gaoghatho naikno te kuma igre mala ke rheta fapulo, eghuteuna mana ne fofotho foflodi naikno te diꞌa igre.”

Naba 6:24

“ ‘Lord ginauna fablahi ghami nei reireghi fakeli ghami!

Nodi Khoje Hatimare Mae Jiu 31:17

Lord, iara kilo nigho mala togho mei ghau. Eghume, iagho thosei snakredi hatimare mae naokare mala famamaja ghau. Mae igre diꞌa fara puhidire, te keli na iagho famamajadi mare. Te keli na iagho fofotho foflodire, eghuteuna snakre teidi ka namonodi mae tela lehehira.

Profet Isaia 27:3

Leuleghu fata na, iara reireghini nei faboubothuni eghu nagare grep igne bongi narane na, mala theome tangomana kaisei naikno te mei goigoni na.

Ululahu Samuel 25:26

Funei, Lord kolho te lhoti nigho iagho te theome tughu fapulo glepo te diꞌa teke eni khetogu iara na. Iara cheke tutuani ka nanghagna Lord mae ihei te karha mala paradi nou naoka iagho gre nei jaola parani Nabal.

Thoutonu Eigna Mae Job 18:18

God ginauna hata fadeleini mana ka nauthoglu te phae igne, mala tei mana ka vido aheva te romno na.

Thoutonu Eigna Mae Job 40:13

Iagho kafe giugiluidi gnafa ke lamna glose. Eghuteuna iagho fadodofu fabrahu tathadi re ke lamna beku.

Nodi Khoje Hatimare Mae Jiu 1:6

Naikno te leghuni nabrou te diꞌa na mala lehe kolho. Eghuteuna naikno te leghuni nabrou te keli na mala karha fabrahu tifa tifa.

Nodi Khoje Hatimare Mae Jiu 105:37

Mana neke batu fajifladi naiknodi Israel re mala jifla Ijep tei balu nodi silva nei gol. Mare te hui na kafe keli kolho, theo kaisei te fogra na.

Nodi Khoje Hatimare Mae Jiu 145:20

Mana ginauna na roꞌe fahuidi naikno te diꞌare, nu mana na reireghidi iheire te namhani mana re.

Profet Isaia 47:5

Lord neke cheke eghui, “Babilonia! Iagho nodi namono biꞌo naiknodi Babilonia. Iagho neke jateula Kuin neku, nu gognarona iagho gnokro kmu au ka vido te romno. Ginauna theo kaisei naikno nate fafnakno nigho jateula kaisei Kuin te funei frunidi kantri ra teuna.

Profet Nahum 1:8

Nu mana ginauna mei jateula goighovi eghu mala goigonini namono biꞌo Ninive baludi naoka te au ke lamnagna. Uve, mana ginauna falehedi iheire te theome leghuni manare.