Ululahu Samuel 2:7 - Buka Blahi Ka Cheke Holo

⁷ Mana tangomana te fakumani mae te dedei na, eghuteuna mana tangomana te toghoni mae te kuma na mala ke dedei. Mana tangomana te nhaꞌa faparini mae te fahaehaghe na, eghuteuna mana tangomana te nhaꞌa haghedi naikno te nhaꞌa faparidi thedi re.

Ululahu Samuel 2:7 ပူးပေါင်းရင်းမြစ်များ

Nodi Khoje Hatimare Mae Jiu 75:7

Nu kaisei God thegna ngala te tangomana te mala fatedi naikno te gnafare. Mana ngala nate chekeni ihei nate au papara na nei ihei nate theome au papara na teuna.

Thoutonu Eigna Mae Job 5:11

God ghatho tahudi iheire te kuma. Eghuteuna reireghi fakelidi iheire te diꞌanagnafa nei tanhi mala ke glealeꞌa fapulo.

Thoutonu Eigna Mae Job 1:21

Mana ne cheke eghu, “Kate karha mei ka thiꞌagna idogu na, iara karha soesole, eghuteuna kate lehegu na, iara ginauna jaola nake soesole ke pulo. Lord, iagho neke tusu mei glepo ka iara, eghuteuna gognaro na iagho ke hata fadelei ka iara. Iara cheke fakelini nanghagna Lord.”

Jemes 4:10

Nhaꞌa fapari ghami themi ke ulugna God eghuteuna God ginauna nake nhaꞌa haghe ghami ghotilo.

Profet Isaia 2:12

Ka narane tuare, Lord mae ihei te au nolaghi fateote'o igne ginauna nhaꞌa faparidi iheire te fahaehaghe.

Fapea Kings 9:6

Eghume mae Jehu kegra haghe ne tei ruma ka suga na. Mae profet igne ne tofa oel ka phaꞌugna mae Jehu na ne cheke eghu, “Igne unha te chekeni Lord nodi God mae Israel na, ‘Iara vahi nigho iagho mala nodi king nogna naikno Lord Israel.

Thoutonu Eigna Mae Job 40:12

Iagho mala nhaꞌa faparidi iheire te fahaehaghe. Eghuteuna iagho tapla ke klignadi naikno te diꞌa ka vido aheva te gnokro teu mare tagna na.

Ululahu Kronikols 29:12

Dedei nei nafnakno teu igre mei funudi ka iagho kolho. Iagho funei frunidi thua nafnotu fateote'o gre ka nou nolaghi themu. Eghuteuna iagho ngala tangomana te nhaꞌa hagheni naikno na ka nafnakno biꞌo nei nanheta.

Fapea Kronikols 32:27

King Hesekaea dedei fara, eghuteuna naiknore ghatho tahuni mana. Mana horo chogho mala lilisei nogna gol, nei silva, nei famane thina, nei khakla gaju mala famane nonghari ganore, nei greoreo mala tafra ka jata, nei keha famane glepo.

Fapea Kronikols 32:29

God tusu ranghini mana kmana sipu nei buluka, nei kmana keha famane glepo. Hesekaea jaola babana kmana namono.

Nodi Khoje Hatimare Mae Jiu 75:8

God ne diꞌatagna fara ka naikno te diꞌare. Eghuteuna diꞌatagna God ka naikno te diꞌa igre, jateula waen te thono nheta fara te fodu ka kapu te louloku teu mana ra eghu. Mana ginau totofa waen te nheta igne ka naikno te diꞌare mala koꞌu fahui mare.

Proveb 22:2

Neubane mae dedei ba ne mae kuma, phiamare kaisei nanabau kolho. Lord neke vuavuhadi phiamare gnafa.

Profet Jeremaea 49:15

“Ghotilo naiknomi Idom! Iara ginauna lisei soru ghami ghotilo ke paridi keha kantri te gnafa igre, eghuteuna kantri igre ginauna tirodi ghami ghotilo.

Profet Esikiel 17:24

Gaju te gnafa ka namono igne ginauna laseni te iara Lord te tangomana te kato soru gaju te brahu are, eghuteuna iara ginauna edi gaju te plasu are mala kotu brahu. Eghuteuna iara tangomana te edi gaju te karha igre mala gnagha, eghuteuna gaju tela mojahi are mala ke karha. “Iara Lord te chekeni igne, iara ginauna eni glepo igne!”