Ululahu Samuel 2:5 - Buka Blahi Ka Cheke Holo

⁵ Mae teke kulu ghamu fakeli ra, gognarona mare mala loku ranghidi keha maei, mala tangomana mare te au gano na. Nu mae teke kulu rofo teku ra, gognarona, mare theome rofo. Gaꞌase teke theo thugna ia, gognarona, kela au fitu thugna, nu gaꞌase teke au kmana thugna ia, gognarona, naꞌa kela diꞌanagnafa nei tanhi eghu.

Ululahu Samuel 2:5 ပူးပေါင်းရင်းမြစ်များ

Luku 1:53

Mana toghodi iheire te rofo re mala fabohodi ka gano te keli. Mana brue fadelei iheire te dedei fara mala ke kuma.

Nodi Khoje Hatimare Mae Jiu 113:9

Mana neke fablahidi goro gaꞌase te theo thudire mala ke au kmana thudi nei glealeꞌa eghu reꞌe. Cheke fakelini nanghagna Lord!

Profet Jeremaea 15:9

Gaꞌase te au fitu thugna na ginauna glaꞌe soru ghilei nigrai phanga. Naꞌa ginauna na jateula naprai te plulu fari hotei narane ra eghu. Gaꞌase igne ginauna mamaja nogna fara, naugna naꞌa theo kaisei thugna te karha na. Eghuteuna ihei nate karha teu ka ghotilo na, iara ginauna snakredi mae naokare mala mei aknu falehe.” Igne chekegna Lord.

Nodi Khoje Hatimare Mae Jiu 34:10

Ihei te ghatho ihoni Lord na, mana tangomana te kmoꞌe ka gano na, nu naikno te ghatho tahuni Lord na theome tangomana te kmoꞌe ka gano na.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Profet Isaia 54:1

Lord ne cheke eghu, “Ghotilo nogu naikno iara ra. Funu tifa te ghilei mei posa gognaro gne, ghotilo jateula gaꞌase khara te theo thugnara eghu. Nu gognarona ghotilo gleale'a nei koje fabiꞌo eghu. Eghuteuna neuba ghotilo ne jateula gaꞌase te tei kokoni khetogna na ia neu, iara ginauna fablahi ghami ghotilo, eghuteuna ghotilo ginauna au thumi kmana salaꞌuni gaꞌase te au khetogna na.

Ululahu Samuel 1:6

Eghuteuna naugna Lord te theome snakreni Hana te mala au thugna na, leuleghu fata na Penina fadiꞌa nagnafani Hana fabrahu.

Ululahu Samuel 1:20

Eghuteuna Hana ne bukla, eghuteuna naꞌa ne au kaisei thugna nalhaꞌu ne kiloni Samuel, gaoghathogna na “Lord ne nomhini ghau iara.” Naugna naꞌa neke tore ka Lord mala tusu ranghini sua.

Galesia 4:27

Te risoi ka grioriso te blahi na, “Iagho gaꞌase te theome karha sua na, iagho gleale'a kolho. Iagho gaꞌase te theome kabru nga teu kate karha sua na, iagho eha balu gleale'a. Naugna gaꞌase te au thegna na ginauna au kmana thugna, mare ginauna kmana uludi thugna gaꞌase te au khetogna na.”

Thoutonu Eigna Rut 4:15

Mana ginauna tusu ranghi nigho nakarha majaghani nei mala taji nigho eghu kate kaekavemu na. Rut gne ne namha nigho fara. Neuba iagho ne au fitu thumu nalhaꞌu te mala togho nigho na, mare ginauna na theome taji fakeli nigho kolho jateula te eni naꞌa ranghi nigho kate karha meigna thugna nalhaꞌu igne eghu.”

Profet Isaia 33:9

Nagare te au ka glose igne ra la dofidi, eghuteuna theo kaisei naikno te loku tagna na. Gaju biꞌo te au ka namhata gna kantri Lebanon ra la mojadila. Famane glose Saron ia la mojahi jateula namono nagou te falithuini Thongna Lehe ia eghu, eghuteuna khakladi gaju te gnafa Besan ghe Kamel ra la jaola la kafe brusu soru.