Ululahu Samuel 2:35 - Buka Blahi Ka Cheke Holo

³⁵ Iara ginauna na vavahi kaisei mae pris, mae ihei nate ghatho tahu ghau iara na, eghuteuna mana ginauna na tangomana nate edi unha te magnahaghedi iara re. Iara ginauna fablahini mana mala au kmana thugna. Eghuteuna mae ka tharaknagna mana igre ginauna mala pris fabrahu, eghuteuna mala toghoni mae ihei nate vahini iara te mala mae king na.

Ululahu Samuel 2:35 ပူးပေါင်းရင်းမြစ်များ

Fapea Samuel 7:27

“Lord God, iagho mae ihei te au nolaghi fateote'o ia, iagho nodi God mae Israel, iagho neke chekeni kaisei cheke ka iara nou mae gloku gne. Te chekeni iagho na, iagho ginauna vahini kolho vikegu iara igne te au nolaghi te mala king na. Eghume iara theome mhaghu te tarai ka iagho na.

Ululahu Kings 11:38

Jame te thofno leghu fakelidi iagho gobigna lepo te chekedi iara igre na, iagho ginauna na jaola edi gobigna lepo te doglo ka tathagu iara na, eghuteuna jame te leghudi iagho nogu vetula nei nogu cheke teu iara igre jateula teke edi King Devet tifa ra teuna, iara ginauna au fabrahu balumu iagho. Eghuteuna iara ginauna vahidi keha mae ka vikemu iagho gne mala king gna Israel fabrahu jateula teke eni iara ka King Devet tifa ia eghu.

Fapea Samuel 7:11

Ka narane teke vavahi funei ranghidi iara naiknodi Israel ra. Iara vahi nigho iagho mala au kmu, naugna iara la uludihi nou naoka iagho ra. “ ‘Iara Lord nhaꞌa cheke ka iagho. Kaisei mae ka vikemu iagho ginauna king.

Ululahu Samuel 25:28

“Iagho atha fadelei najafragu iara nou gaꞌase gloku iagho gne. Lord ginauna vahi nigho iagho mala king, leghu fata na, mana ginauna vahini koba kaisei mae ka vikemu iagho na te mala king na, naugna iagho ne magra jateula te chekeni mana na neu. Nakarhamu iagho ginauna keli fabrahu jame te theome eni iagho kaisei puhi te diꞌa na.

Nodi Khoje Hatimare Mae Jiu 18:50

God, iagho neke vahi ghau iara mala king neku. Eghuteuna iagho neke togho ghau iara mala tapla sorudi nogu naokare. Iara thofno laseni te thofno namha ghau iara iagho na. Eghuteuna iagho ginauna na jaola namhadi fara mae king Devet nei vikegna mana nate karha mei thogheiro re.

Hibru 2:17

Naugna igne, mae Jisas nabagna te karha mei naikno mala jateula tahati gnafa, mala tangomana mana te kaisei mae pris biꞌo mala loku ranghini God nei thofno leghuni chekegna mana na. Mana toghodi nei kokhonidi eghu nogna naikno God re ba tangomana te hata fadelei u nakhibodire.

Ululahu Kronikols 29:22

Naiknore ne ghamu nei koꞌu neu ke ulugna Lord ka narane tuana balu glealeꞌa biꞌo. Aonu naiknore ne fapea chekeni te Solomon ngala nodi king mare na. Eghuteuna hatimare mae pris ne tofa oel ka phaꞌugna mana na ka nanghagna Lord, eghuteuna mae Solomon ne kegra king ka narane igne. Eghuteuna mare ne jaola ka mae Sadok mala nodi pris.

Ululahu Kings 2:35

King ne liliseini mae Benaea thugna mae Jehoeada mala komanda ka nogna armi na tughuni mae Joab. Eghuteuna pris Sadok tughuni mae Abiata.

Ululahu Kings 1:45

Aonu pris Sadok ghe profet Natan la tofa oel blahi ka phaꞌugna mae Solomon na mala king jare glokha khoꞌu Gihon. Ke leghugna igne, mare neke pulo Jerusalem balu gleale'a nei eha fabiꞌo. Eghuteuna naikno gna namono biꞌo Jerusalem na jaola ne thagru fabiꞌo balu gleale'a. Naogladi nathagru biꞌo tuare te nomhidi ghotilore.

Ululahu Kings 1:8

Nu pris Sadok, Benaea thugna mae Jehoeada, profet Natan, Simei, Rei nei kaisei mae biꞌo te mala reireghini King Devet igre ne theome phile ka mana.

Ululahu Samuel 16:13

Aonu mae Samuel atha oliv oel ne tofa ka phaꞌugna mae Devet na ke uludi mae thabusigna manare. Funu ka narane igne, Tharunga gna Lord na ne mei au fabrahu balugna mana. Ke leghugna igne, mae Samuel neke pulo Rama.

Ululahu Samuel 12:3

Iara kegra haghe balumi ghotilo gognarona, eghume jame teke eni iara kaisei glepo te theome doglo ka gaoghathomi ghotilo na, ghotilo cheke mei ka iara ke ulugna Lord, nei ke ulugna king mae ihei teke vahini mana. Jame teke blau iara kaisei nogna buluka ihei na, ba kaisei nogna dongki ihei na, ba chaghini ihei mala blau keha nogna glepo mana re teku na, ba goigonini ihei, ba hata seleni ka ihei mala poruni nogna najafra mana re teku na, te keli na ghotilo cheke fajifladi mala fadoglidi iara. Jame teke eni iara kaisei glepo jateula igre teku na, iara ginauna nake tusu fapulo glepo teke hata iara re.”

Profet Esikiel 34:23

Iara ginauna vahini kaisei nogu mae gloku ka vikegna Devet mala nodi king mare. Eghuteuna mana ginauna reireghidi nogna naiknore jateula mae ihei te reireghidi nogna sipura eghu.

Nodi Khoje Hatimare Mae Jiu 2:2

Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.

Naba 25:13

Nogu nhaꞌa cheke iara na igne, mana nei iheire naikno te ginau karha mei ka tharaknagna mana re, mare ginauna na mae pris fabrahu. Iara eni nhaꞌa cheke igne naugna mana ne tirognadi keha god are ne ghatho tahu ghau iara, te nogna God na. Eghuteuna mana eni igne mala atha koko nakhibomi ghotilore.”

Ululahu Samuel 2:36

Eghuteuna jame ihei ka tharaknamu iagho igne te karha teu ka narane tuana, mana ginauna tei filoni nogu mae pris iara igne mala tore sileni nei gano eghu. Uve, mana ginauna tore eghu, ‘Iagho vahi ghau iara mala eni iara nogna gloku mae pris na mala tangomana iara te au gano te mala ghamu na.’ ”

Ululahu Samuel 3:1

Mae sua Samuel igne ne toghoni mae Eli mala eni nogna gloku Lord na. Ka narane tuare, theome kmana mae kolho teke tusu lao nogna cheke na ka mare. Eghuteuna mana neke theome fakakhana kaisei mifi ka mare.

Ululahu Samuel 7:9

Aonu mae Samuel ne aknu falehe kaisei sipu ikoi ne gahu knoro ka khaꞌaghi jateula kaisei fafara neu ka Lord. Eghuteuna mana ne tarai heta ka Lord mala toghodi naiknodi Israel. Eghuteuna Lord ne nomho ka nogna tharai mana na.

Ululahu Samuel 8:3

Nu phiamare theome leghuni puhigna mae kmadi na. Phiamare magnahaghei te hata seleni kolho. Eghume bligi ranghini ihei te famaemahedi phiamare te mala fate ka puhi te theome doglo na.

Ululahu Samuel 9:12

Aonu gaꞌase igre ne cheke eghu, “Uve, mana na au ngala. Mana na la kulu nolo la haghehi ke ulumi ghopa gognarogne. Jame faghosei me tei ghopa meuna, ghopa ginauna tangomana te thokeni mana kate tei ghopa ka grengathagna namono na. Mana jame ao ngala thoke ngau ka namono gognaro na, naugna gognarogne, keha mae ei fafara ka vido blahi na ka thogele holo ke kosigna namono na. Eghuteuna mare ginauna ghamu fodu jare, nu mare theome tangomana te ghamu na ghilei thokeni vido te mala fablahi gna u fafara na. Jame faghose ghopa meuna, ghopa ginauna tangomana te deni mana kate theome haghe nga teu mana ka thogele na.”

Ululahu Samuel 10:9

Kate jifla mae Sol te tei kokoni mae Samuel na, God ne tughu puhigna mae Sol na mala nhogri mana. Eghuteuna gobigna lepo te chekedi mae Samuel ka mae Sol igre, mana ne filodi ka narane igne.

Ululahu Samuel 10:10

Kate posa Gibea mae Sol ghe nogna mae gloku na, kaisei tothoghei profet ne mei thafoni mae Sol. Aonu Tharunga gna God na ne mei ka mae Sol, eghuteuna mae Sol ne tei baludi mae profet igre, mare ne ragi balu koje mala kilo fnaknoni God.