Ululahu Samuel 2:30 - Buka Blahi Ka Cheke Holo

³⁰ “Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.

Ululahu Samuel 2:30 ပူးပေါင်းရင်းမြစ်များ

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Profet Malakai 1:6

Igne nogna cheke Lord mae ihei te au nolaghi fateoteꞌo. Mana ne cheke eghu ka hatimare mae pris, “Leuleghu fata na mae sitei na ghatho tahuni mae kmagna na, eghuteuna mae gloku na mana thofno leghuni nogna mae funei na. Eghume iara thofno mae kmami ghotilo. Naugna unha si ghotilo te theome leghudi nogu cheke iara grea? Iara nomi mae funei ghotilo. “Ghotilo mae pris gre cheke fadiꞌani nanghagu iara na. “Nu ghotilo cheke eghu, ‘Ba? Niha ngala si ghehati teke cheke fadiꞌani nanghamu iagho na ia?’

Profet Isaia 29:13

Lord ne cheke eghu ka iara, “Naikno igre fafnakno ghau iara ka cheke, nu gaoghathodire thono khaba fara ka iara. Puhidi mare te mala fafnakno ghau iara na leghuni kolho nogna vetula naikno na.

Eksodas 29:9

balu nodi khepi mae pris. Iagho jaola atha nodi nhugha mare, mala fahaghe mae Eron baludi thugna manare. Igne puhi te mala leghuni iagho kate taofi pris Eron baludi thugna mana re. Ginauna vikegna Eron igre mala nogu pris iara fabrahu, eghuteuna leuleghu fata na mare ginauna mala loku ranghi ghau iara. “Nogu vetula iara igne ginauna au fabrahu na theo ka huigna.

Nodi Khoje Hatimare Mae Jiu 91:14

Lord neke cheke eghu, “Iara ginauna fakarhidi iheire te namha ghau iara re. Uve, iara ginauna batudi mare, naugna mare ne thofno chekeni te iara ngala Lord na.

Nodi Khoje Hatimare Mae Jiu 50:23

Mae ihei te cheke fakeli ghau iara na, tuana jateula te fafara eghu ka iara, mana pala hagheni nanghagu iara na. Mae ihei te leghuni chekegu iara na, iara ginauna fakarhini mana.”

Ululahu Pita 1:7

Fariuriu igre khogla fariuriudi kolho nomi fatutuani ghotilo re, mala laseni te nheta ba te klino na. Fariuriu igre jateula gol te lilisei ka khaꞌaghi te mala fariuriu nei famane fagagae teu ia eghu kolho. Neuba ngau, gol na ne theome tangomana te au fabrahu tifa tifa. Nu nomi fatutuani ghotilo na glepo ulu fara ka God ke tulao gna gol. Eghume ka narane mala ke pulo meigna mae Jisas Kraes na, mana ginauna kilo fnakno ghami nei cheke fakelidi nanghamire nei ghatho tahu ghami naugna nomi fatutuani na ne heta fara.

Jone 5:23

Mae Mama ne eni igne mala ghatho tahu ghau iara mae Thugna na naikno te gnafare, jateula ngau mare te ghatho tahu nila mae Kmagu iara na. Mae ihei te theome ghatho tahu ghau iara na, naikno tuana theome ghatho tahu nila mae Mama mae ihei teke kuru mei ghau iara na.”

Nodi Khoje Hatimare Mae Jiu 18:20

Iara thofno leghudi puhi te doglo na, naugna igne Lord ne tusu ranghi ghau iara kmana glepo te keli. Kate theome eni iara kaisei najafra na, Lord ne fablahi ghau iara.

Jone 8:49

Mae Jisas ne cheke eghu ka mare, “Theo, theo kaisei naitu te au ke lamnagu iara na. Iara ghatho tahuni mae Kmagu na, nu ghotilo cheke fadiꞌa ghau iara.

Profet Daniel 4:34

Aonu King Nebukadnesa ne cheke eghu eidi narane igre, “Kate gnafa fitu finogha igre, iara mae Nebukadnesa filo haghe ka maloa kligna, eghuteuna gaoghathogu na iara neke snagla fapulo. “Aonu iara ne cheke fakelini God mae ihei te fnakno kligna lahu. Uve, iara ghatho tahuni nei pala hagheni eghu nanghagna mana te karha fabrahu tifa te tifa. Tutuani, God igne ginauna funei frunidi fabrahu naikno te gnafa ka nauthoglu gne.

Naba 11:20

Thono theo fara, mare ginauna ima nabagna kaisei nhigra. Neubane jifla ka nehudi, foflodi, ba ghilei babaꞌodi neu mare, mare mala ima nafnahi re ghilei gnafa. Puhi igne thoke ghami ghotilo naugna iara au ngala balumi ghotilo, nu ghotilo tiromi ghau iara, nei cheke fapari ghau neke cheke eghu, ‘Mala unha site jifla kokoni tahati Ijep gnea?’ ”

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Jone 5:44

Ghotilo magnahagheidi naiknore te ghatho tahu ghami kolho themi, nu ghotilo theome fariuriu hatani u nafnakno te mei funu ka thegna God na. Eghume thono ninhigrana ghami fara ghotilo te fatutuani ghau iara na.

Naba 35:34

Ghotilo thosei lisadi kaisei glepo mala fathonani nomi glose ghotilo gne ka tathagu iara na, naugna iara Lord, iara au balumi ghotilo naiknogna Israel ka glose te au teu ghotilo tagna igne.”

Jajis 9:10

“Aonu mare ne cheke eghu ka gaju fig, ‘Fig, iagho ginauna noda funei tahati!’

Eksodas 28:43

Eron baludi thugnare mala fahaghe trasis igre kate mei mare lamna ka Suga Tapuale te Blahi na mala thafoni God, ka narane te mei loku mare ka olta ke lamnagna Chogho Blahi na. Mare mala eni igne, glahu lehe mare. “Eron baludi thugna re, nei iheire nate karha mei ke leghu re, mala leghuni fabrahu vetula igne.”

Ululahu Kings 11:11

God ne cheke eghu ka mae Solomon, “Gaoghatho te diꞌa te au ka iagho igne, te theome leghudi iagho noda nhaꞌa cheke tapa ra, nei theome leghudi nogu cheke iara ra teuna. Eghume iara ginauna na hata fadelei ka iagho nogna nolaghi vikemu iagho te mala king gna Israel na, eghuteuna iara ginauna tusu lao nolaghi igne ka kaisei nou mae biꞌo iagho.

Nodi Khoje Hatimare Mae Jiu 73:20

Lord, nakarhadire ginauna jateula kaisei mifi te dofra haghe fei hamerane te ghatho ihoni ra eghu kolho. Kate mei iagho te togho ghau iara na, mare ginauna ari ghatho iho nodadi kolho.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Proveb 4:8

Ghatho tahuni gaoghatho te keli na, eghuteuna naiknore ginauna fafnakno nigho, loku famaku tagna eghuteuna mare ginauna ghatho tahu nigho.

Proveb 8:17

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.

Profet Jeremaea 29:32

Aonu Lord ne cheke eghu: Iara ginauna parani mae Semaea baludi tharakna gna manare, naugna mana ne batu fadeleidi nogu naikno iara re ne theome filodi unha glepo te keli te edi iara re. Eghume iara ginauna na thofno fahuini vikegna mana igne mala theo kaisei naikno ka mare te karha na.’ ” Igne cheke gna Lord.

Profet Esikiel 34:10

Iara Lord te cheke eghu igne: Iara ginauna para ghami ghotilo mae mala baubatura, eidi glepo te diꞌa te thokedi nogu sipu iara igre. Iara ginauna hata fadelei ka ghotilo, mala theome tangomana ghotilo te ghamudi re. Iara ginauna fakarhidi ka khamemi ghotilo are, mala theome aknu falehe ghotilo mala dedei ghotilo eghu.

Ululahu Kings 2:27

Aonu King Solomon ne fagnafani mana ka nogna gloku pris. Ka puhi igne, cheke teke chekeni Lord tifa eigna vikegna pris Ilae ka namono Saelo ia ne thoke mei tutuani.

Ululahu Kronikols 17:18

“Unha nafnata cheke gne nate chekeni iara ka iagho na? Iara nou mae gloku iagho kolho, iagho lase fakeli ghau iara fara.

Fapea Kronikols 26:18

Eghuteuna mare ne cheke faheta eghu ka mana, “Iusaea, iagho theo nou nolaghi te mei gahu insens agne te mala tarai ka Lord na! Ghehati pris ka tharaknagna Eron teke fablahi ghami mare gre kolho te au nolaghi te mala gahu insens na. Vido igne thono blahi fara! Iagho jifla gognarola naugna iagho ne khibo ranghini Lord! Mana ginauna na theome ke fablahi nigho iagho!”

Nodi Khoje Hatimare Mae Jiu 18:26

Ihei te leghuni puhi te klino na, iagho falalase ka mana puhi themu te klino na. Nu ihei te leghuni puhi te diꞌa na, iagho parani mana ka puhi te diꞌa.

Proveb 12:8

Naiknore pala hagheni nanghagna mae ihei te autagna gaoghatho te keli na. Nu cheke faparini mae ihei te autagna gaoghatho te diꞌa na.

Profet Jeremaea 49:15

“Ghotilo naiknomi Idom! Iara ginauna lisei soru ghami ghotilo ke paridi keha kantri te gnafa igre, eghuteuna kantri igre ginauna tirodi ghami ghotilo.

Profet Malakai 2:3

“Naugna igne, iara ginauna fagnafani vikemi ghotilo gne, eghuteuna iara ginauna ghiha tathami nei foflomi teu ghotilo are ka butu te atha fajifla ghotilo ka buluka teke fafara ghotilo are. Eghume ghotilo theome naba te eni nogna gloku pris, eghuteuna iara ginauna atha ghami ghotilo baludi butu tuare mala tei koko ka chara.