Ululahu Samuel 2:28 - Buka Blahi Ka Cheke Holo

²⁸ Ka vikedi mae Israel ra, iara neke vahi ghami ghotilo ka tharaknagna mae Eron mala nogu pris iara. Iara neke vahi ghami ghotilo mala loku ka olta, mala gahu insens, nei mala fahaghe phoko blahi efod. Eghuteuna iara tusu ari nolaghi ka tharaknagna mae Eron mala hata vido ka fafara blahi te gahu naiknodi Israel ke kligna olta.

Ululahu Samuel 2:28 ပူးပေါင်းရင်းမြစ်များ

Eksodas 28:1

Lord neke cheke eghui ka Moses, “Iagho ginauna mala kiloni thabusimu iagho Eron nei mae thugna mana ra, mae Nadab, Abihu, Eleasa nei mae Itama, iara vahidi mare ka naiknodi Israel mala taofi pris mala loku ranghi ghau iara.

Naba 18:19

Eghuteuna leuleghu fata na, unha glepo teke nhaꞌa fadelei ka fafara te blahi teke tufa mei naikno ka iara Lord na, gobi lepo tuare, iara na tufa ari ka iagho baludi naikno te gnafa ka vikemu iagho are. Igne ngala kaisei nhaꞌa cheke te eni iara balumu iagho nei ka vikemu iagho re. Igne ngala kaisei nhaꞌa cheke balumu iagho nei vikemu iagho te theome tangomana iara huhughuni na.”

Levitikas 6:16

Aonu keha vido flaoa te au teu igne maladi mae pris, mala tangomana mare te ei bisket tagna na, nu blahi te nhaꞌa lao isi tagna na. Eghuteuna mare ghamu bisket igne ka glalabagna Suga Tapuale te Blahi na, naugna vido igne blahi. Gano te tusu lao iara ka mare igne kaisei glepo blahi, blahi fara jateula fafara te mala doglo naikno na ka tathagu iara na igne eghu, nei fafara mala poloru.

Levitikas 2:10

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Levitikas 2:3

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Eksodas 28:4

Iagho mala chekedi mare mala susuki kaisei paos mala babaꞌo ka babango gna na, balugna kaisei pohe te kiloni mare efod, nei kaisei pohe te kiloni tunik, eghuteuna keha pohe brahu na mala fahaghe ke kligna pohe tunik. Eghuteuna mare mala eni kaisei khepi, nei kaisei nhugha brahu ka pohe. Mare mala susuki pohe igre malagna thabusimu Eron baludi thugna mana ra, mala tangomana mare te loku ranghi ghau iara jateula pris eghu.

Fapea Samuel 12:7

Aonu, mae Natan ne cheke eghu ka mae Devet, “Iagho ngala mae te dedei igne! Eghume, Lord noda God tahati maeda Israel igne ne cheke eghu ka iagho, ‘Iara neke vahi nigho iagho mala king gna Israel, eghuteuna iara neke theome snakreni mae Sol mala falehe nigho iagho.

Naba 16:5

Kate gnafa tarai na, mana ne cheke eghu ka mae Kora baludi keha mae kheragnare, “Hamerane nathui Lord ginauna fakakhana ka tahati mae ihei teke vahini mana mala nogna pris, eghuteuna mae tuana kolho mala loku ka nogna olta te blahi mana na.

Eksodas 30:7

“Leuleghu hamerane na, Eron mala tarabana mala fakasa juta igre ke kligna olta na. Eghuteuna mana atha insens te famane sisiri gna na.

Eksodas 30:8

Eghuteuna grafiro, ke leghugna te fakasa juta na igre, mana gahu insens ke kligna olta. Puhi te mala gahu insens igne jateula te fafara ka Lord eghu, vikegna Eron igre ginauna mala leghuni fabrahu puhi igne.

Levitikas 7:36

Ka narane tuana, Lord neke cheke ranghidi naiknodi Israel mala atha tei phei nafnahi igre, nafnahi teke fafara fabrahu ka hatimare mae pris, igne kaisei vetula te mala leghuni fabrahu mare na.

Ululahu Samuel 2:18

Nu ka narane tuana, mae sua Samuel ne au faleghu neu Saelo mala loku ranghini Lord. Mana fahaghe kaisei phoko blahi te kiloi “efod”.

Fapea Samuel 6:14

Ka narane igne mana ne fahaghe kaisei phoko blahi te kiloi mare efod, jateula mae pris neu ne ragi balu kilo fnaknoni Lord.