Ululahu Samuel 2:27 - Buka Blahi Ka Cheke Holo

²⁷ Kaisei mae profet mei ka mae Eli ne cheke eghu, “Igne unha te chekeni Lord na: Kani teke sneka kuꞌemu iagho Ijep tifa ra, iara neke falase ghau thegu ka kuꞌemu iagho mae Eron.

Ululahu Samuel 2:27 ပူးပေါင်းရင်းမြစ်များ

Ululahu Kings 13:1

Kate kegra fafara teu mae Jeroboam ka olta na, kaisei nogna profet God ne mei ka mana. Mae profet igne kaisei maegna Juda, eghuteuna Lord neke chekeni mana mala jifla Juda tei Betel.

Jajis 13:6

Gaꞌase igne tei ne cheke eghu ka mae Manoa, “Kaisei profet jateula kaisei engel nogna God eghu filogna na ne mei ka iara. Iara ne thono mhaghu nogu fara. Iara theome ghusnani neke mei funugna ka namono aheva, eghuteuna mana theome chekeni nanghagna na ka iara.

Diutronomi 33:1

Moses nogna mae gloku God igne, mana la namohi nogna narane te mala lehe na. Aonu mana fablahidi naiknodi Israel ne cheke eghu:

Eksodas 4:27

Lord ne cheke eghu ka Eron, “Eron. Iagho tei thafoni Moses ka namono nagou gno.” Eghume, Eron tei ne thafoni mae Moses ka thogele blahi Sanai ne gnanghoni mana.

Fapea Pita 1:21

Naugna nodi cheke hatimare mae profet ra, theo kaisei fata mare thedi te toutonudi glepo igre. Nu mae Tharunga te Blahi neke thofno saghe leghudi mare mala toutonuni cheke teke mei funu ka God.

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Ululahu Samuel 9:4

Aonu mae Sol ne hata balugna kaisei mae ne tei ka thogele ka nohi Efrem mala hirodi dongki te snivi ra ka vido te gnafa falithuini Salisa, nu phiamare jaola ne theome tangomana te kadire ka vido te gnafa igre. Ke leghu, phiamare ne tei ka nohi Salim, nu phiamare ne theome kadi ka nohi Salim. Aonu phiamare ne tei ke lamnagna nohigna Benjamin, nu dongki igre jaola ne dofidi ka nohi igne.

Jajis 6:8

Eghume, Lord ne kuruni kaisei profet mala chekeni nogna cheke na. Profet igne ne cheke eghu, “Igne nogna cheke Lord nodi God maedi Israel. Mana neke cheke eghu: Kani teke sneka Ijep kuꞌeda tifa ra, iara thegu ngala teke hata fajifladire.

Eksodas 12:43

Eghuteuna Lord ne cheke eghu ka mae Moses ghe mae Eron, “Igne u vetula eigna u Gaghamu Ghasa-Polho na. “U Gaghamu Ghasa-Polho igne malami ghotilo kolho theome maladi keha naikno delei.

Eksodas 12:1

Kate au teu mae Moses ghe mae Eron Ijep na, Lord ne cheke eghu ka phia mare,

Ululahu Samuel 3:12

Ka narane tuare, iara ginauna edi gobigna lepo teke chekedi iara ranghini tharaknagna mae Eli, eghuteuna theo kaisei glepo nate jafra na.

Ululahu Kings 2:27

Aonu King Solomon ne fagnafani mana ka nogna gloku pris. Ka puhi igne, cheke teke chekeni Lord tifa eigna vikegna pris Ilae ka namono Saelo ia ne thoke mei tutuani.

Ululahu Samuel 9:6

Nu mae gloku igne ne cheke eghu, “Ginau sagho! Kaisei mae nogna profet God na au ka namono igne. Naiknore ghatho tahuni fara mana naugna gobigna lepo te chekedi mana re thofno tutuani fara. Jame te keli na tapa na tei filoni mana. Glahu tangomana mana te chekeni ka vido aheva te au teu dongki igre.”