Ululahu Samuel 2:21 - Buka Blahi Ka Cheke Holo

²¹ Aonu Lord ne fablahini Hana, eghuteuna Hana ne karha thilo thugna nalhaꞌu nei phei gaꞌase. Nu mae Samuel ne biꞌo haghe ka nogna Sugablahi Lord na.

Ululahu Samuel 2:21 ပူးပေါင်းရင်းမြစ်များ

Luku 2:40

Mae sua ikoi na ne funu biꞌo haghe ne lalase fara. Eghuteuna God ne fablahini mana fabrahu.

Jenesis 21:1

Lord ne fablahini Sera jateula teke chekeni mana na neu.

Ululahu Samuel 3:19

Kate mae biꞌohi mae Samuel na, Lord ne au balugna mana fabrahu. Eghuteuna mana ne edi fabrahu gobigna lepo teke chekedi mae Samuel nate thoke mei tutuani.

Ululahu Samuel 2:26

Nu mae Samuel ne biꞌo haghe, eghuteuna Lord ne keli tagna ka mana, eghuteuna naiknore jaola ne keli tadi ka mana.

Jajis 13:24

Kate karha thugna na, naꞌa ne kiloni Samson. Kate biꞌo haghe mae sitei igne Lord ne fablahini mana.

Luku 1:80

Aonu mae Jone ne biꞌo haghe ne rheta u gaoghathogna na. Mana ne tei ne au ka namono nagou na ne ghilei thokeni u narane te fufunu mana nogna gloku na ranghidi naiknodi Israel re.

Luku 1:68

“Tahati kilo fnaknoni noda Lord God gna Israel! Mana mei mala togho ghita nogna naiknore nei tusu ranghi ghita u nasnagla.

Luku 2:52

Mae Jisas biꞌo haghe ne heta eghuteuna mana biꞌo ne biꞌo nogna glalase na. God ne keli tagna fara ka mana nei naiknore jaola ne keli tadi ka puhigna mana na.

Nodi Khoje Hatimare Mae Jiu 127:3

Goro sua te karha mei ka tahati igre, igne kaisei nogna namha biꞌo Lord ranghi ghita tahati.

Proveb 3:4

Jame te eghu iagho na, God ginauna keli tagna ka iagho, eghuteuna naiknore ginauna jaola keli tadi ka iagho.