Ululahu Samuel 2:20 - Buka Blahi Ka Cheke Holo

²⁰ Eghuteuna leuleghu fata kate tei repa na, mae Eli fablahidi koba mae Elkana ghe Hana, ne cheke eghu, “Iara toreni Lord mala ke tusu ari keha sua ka ghopa tughugna mae sua teke tusu fapulo ghopa ka mana igne.” Gnafa teuna repa neke figri ka nodi namono na.

Ululahu Samuel 2:20 ပူးပေါင်းရင်းမြစ်များ

Luku 2:34

Eghuteuna mae Simion ne fablahidi retilo ne cheke eghu ka Meri, “U sua igne God neke vahini mala fakarhidi kmana naiknodi Israel te au ka nakhibo, nei mana na theome fakarhidi kmana naiknodi Israel iheire te fahaehaghedi thedi. Naugna mana ginauna na kaisei fagaglana te mei vuhagna ka God. Kmana naikno tirodini mana.

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”

Thoutonu Eigna Rut 4:11

Aonu hatimare mae funei nei keha mae biꞌo langau eghu au teku jare na ne kafe cheke eghu, “Uve, keli fara, ghehati gne mala cheke balumu iagho. God fablahini Rut ihei nate mei au ka sugamu iagho na mala jateula teke edi Resel ghe Lea tifara eghu, eigna repa neke au kmana thudi ka Jekop, tahati gne neke vikegna mana. Iagho mala kaisei mae funei te fnakno ka namonoda Betlehem ka nohi Efrata.

Thoutonu Eigna Rut 2:12

God gna Israel ginauna taba nigho eidi unha gloku te keli teke edi iagho ra. Eghuteuna mana ginauna reireghi fakeli nigho, naugna iagho ne mei ka mana jateula kaisei sua nanghaji te deni nogna vido mala poru na ia neu.”

Jenesis 14:19

Aonu mae Melkisedek ne toreni God mala fablahini mae Ebram. Mana ne cheke eghu, “God, mae ihei te fnakno fara teke vuavuhadi maloa ghe nauthoglu gre, fablahi nigho.

Profet Malakai 2:15

“Nu kate eni repa nhaꞌa cheke igne, God loku fodudi repa mala jateula kaisei thini nei kaisei gaoghatho eghu ngala repa. Naugna unha si God te eni ignea? God neke eni igne mala au sua vuragha ghotilo neku, eghuteuna goro sua igre mala goro thugna God. Eghume ghotilo mala reireghi fakelini nakarhagna thegna na, thosei huhughuni nhaꞌa cheke teke eni ghotilo ka narane teke loku fodu ghami God.