Ululahu Samuel 2:17 - Buka Blahi Ka Cheke Holo

¹⁷ Igne nakhibodi phei thugna mae Eli te thono diꞌa fara ka tathagna Lord na igre, naugna phiamae igre theome ghatho tahuni nogna fafara mana na.

Ululahu Samuel 2:17 ပူးပေါင်းရင်းမြစ်များ

Profet Malakai 2:13

Mae profet Malakai ne cheke eghu, “Kaisei glepo te chekeni koba ghotilo na igne: Kate laseni ghotilo te theome magnahagheni Lord unha te tusu lao ghotilo ka mana na, ghotilo tanhi ghilei lao ke kligna olta kholo te tathamire.

Jenesis 13:13

Naiknodi Sodom gre thono gnognoro fara, eigna ne edi kmana nafnata nakhibo te theome doglo ka tathagna Lord na.

Jenesis 6:11

Ka narane tuare, God ne filodi naiknore ne kafe diꞌa fara naugna mare ne khuru magra nei faꞌau aknu fari thedi heva heva. Kaisei mae Noa ngala te doglo fara ka tathagna God na.

Matiu 18:7

Thono diꞌa fara naiknogna nauthoglu igne, naugna kmana glepo te batu fadiꞌadi nodi fatutuani naiknore. Glepo igre ginauna edi fabrahu ngala, nu thono diꞌa fara mae ihei te edi glepo igre.

Profet Isaia 3:8

Puhi igne ginauna thoke mei tutuani ka naiknodi Jerusalem nei Juda, naugna nodi cheke nei nodi gloku teure faparini nei goigonini eghu Nanghagna Lord mae ihei te haghe fara. Mare edi koba puhi te diꞌa igre jateula naikno te thaviru tela ukahi pari ra eghu ka tathagna mana na.

Nodi Khoje Hatimare Mae Jiu 51:4

Nakhibo te eidi iara gre thofno tapla fapari nigho iagho kolho. Iara edi puhi te diꞌa igre ka tathamu iagho na. Eghume iagho nabamu fara te fate ghau iara na, iagho nabamu fara te chekeni te la jafrahi iara teuna.

Fapea Kings 21:6

Mana gahu neke fafara mae thugna thegna na ka mumuju. Mana loku ka nunughere nei khoraphaꞌu, khaekae, eghuteuna mana tei filodi iheire tangomana te cheke baludi tharungadi iheire tela lehehi. Eghuteuna mana edi kmana glepo te thono diꞌa fara ka tathagna Lord na, aonu Lord ne diꞌatagna fara ka mana.

Jenesis 10:9

Mana kaisei mae lase hili bosu fara ke ulugna Lord. Naugna igne naiknore cheke eghu eigna kaisei mae, “Mae igne jateula mae Nimrod eghu lase hili bosu fara ke ulugna Lord.”

Ululahu Samuel 2:16

Nu jame te cheke eghu mae te fafara igne, “Ofo ghu sagho. Tahati ginauna eni ka puhi te doglo mala kulu gahu garofa gna nafnahi igne, aonu ke leghu iagho tangomana te hata unha te magnahagheni iagho na eghu.” Nu neuba, mae gloku igne cheke eghu, “Ei! Famei sagho gognarola! Jame te theome leghuni iagho unha te chekeni iara igne na, iara ginauna huhuru mala hata ka iagho!”

Ululahu Samuel 3:13

Eigna iara neke chekehi ka mana, iara ginauna parani fabrahu tharaknagna mana na, naugna phei mae thugna mana igre ne goigonini nanghagu iara na. Eghuteuna mana lasediu ngala glepo te diꞌa te edi phiamare igre, nu mana ne theome chekedi phiamare neu.