Ululahu Samuel 2:16 - Buka Blahi Ka Cheke Holo

¹⁶ Nu jame te cheke eghu mae te fafara igne, “Ofo ghu sagho. Tahati ginauna eni ka puhi te doglo mala kulu gahu garofa gna nafnahi igne, aonu ke leghu iagho tangomana te hata unha te magnahagheni iagho na eghu.” Nu neuba, mae gloku igne cheke eghu, “Ei! Famei sagho gognarola! Jame te theome leghuni iagho unha te chekeni iara igne na, iara ginauna huhuru mala hata ka iagho!”

Ululahu Samuel 2:16 ပူးပေါင်းရင်းမြစ်များ

Profet Maeka 3:5

Igne unha te chekeni Lord: “Ghotilo profet chaichaghi ra! Ghotilo chaghidi nogu naikno iara re, eghuteuna batudi tei ka puhi te jafra. Jame kaisei mae foli ghami ghotilo, ghotilo nhaꞌa cheke mala au fakeli ginauna. Nu jame kaisei mae theome foli ghami ghotilo, ghotilo ginauna na theome raugha naoka na mei mala magri ghami ghotilo. Eigna glepo igne, Lord na cheke eghu ka ghotilo,

Nehemaea 5:15

Mae iheire teke gavana ke ulugu iara Juda igre neke paradi fara naiknore. Leuleghu fata na mare hata gano nei waen eghu ka naiknore, eghuteuna mare jaola hata vido kilo silva ka naiknore. Eghuteuna nodi mae gloku mae gavana gre jaola faparidi naiknore. Nu iara theome magnahaghei te eni igne, naugna iara ghatho tahuni God, eghuteuna iara magnahaghei te leghuni mana.

Jajis 18:25

Nu vikegna mae Dan igre ne cheke eghu, “Thosei cheke! Glahu keha mae ka ghehati te diꞌa puhidi igre figri mei falehe ghami ghotilo, nei iheire te gnafa ka tharaknami ghotilo ra eghu.”

Ululahu Samuel 2:15

Nu unha te diꞌa parilahu na, kate funu fafara mana nu theome hata fajifla nga meu garofagna nafnahi mala gahu teuna, phiamare na kuruni nodi mae gloku na mala cheke eghu ka mana, “Iagho famei keha ghegna nafnahi mae pris mala gogoꞌo mana! Mana tirogna ghamudi nafnahi te gahu iagho ka suspen are! Iagho famei nafnahi te theome gahu nga teu are!”

Ululahu Samuel 2:17

Igne nakhibodi phei thugna mae Eli te thono diꞌa fara ka tathagna Lord na igre, naugna phiamae igre theome ghatho tahuni nogna fafara mana na.