Ululahu Samuel 2:1 - Buka Blahi Ka Cheke Holo

¹ Aonu Hana ne tarai eghu: “Lord na pala haghe ghau iara! Iara thofno glealeꞌa fara ka glepo te eni iagho igne! Gognarona iara tangomana te maꞌe kolho ka nogu naoka re, naugna iagho ne togho ghau iara.

Ululahu Samuel 2:1 ပူးပေါင်းရင်းမြစ်များ

Nodi Khoje Hatimare Mae Jiu 13:5

Nu tutuani, iagho ginauna kokhoni ghau iara koba naugna iagho ne namha ghau iara fabrahu. Eghuteuna iara thofno glealeꞌa fara ka iagho, eigna iagho ginauna na togho ghau iara.

Filipae 4:6

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.

Nodi Khoje Hatimare Mae Jiu 92:10

Iagho tusu mei nanheta biꞌo ka iara, jateula nogna nanheta lion eghu. Iagho neke vahi ghau iara mala thumu neku.

Nodi Khoje Hatimare Mae Jiu 89:17

Iaghou ngala te togho ghami ghehati te tapla sorudi nomi naoka kau magra na. Uve, iagho neke togho ghami ghehati mala uluni ghehati magra na, naugna iagho ne namha ghami ghehati fara.

Filipae 4:4

Gleale'a koba balugna noda Lord. Uve, iara nake fapea chekei ngala ka ghotilo, gleale'a!

Nodi Khoje Hatimare Mae Jiu 20:5

Eghume, kate uluni iagho magra na, ghehati ginauna eha fabiꞌo balu glealeꞌa. Eghuteuna ghehati na ghathoni igne mala pala hagheni kligna nanghagna noda God. Ghehati na toreni noda Lord mala tusu ranghi nigho gobigna lepo te toredi iagho re.

Nodi Khoje Hatimare Mae Jiu 9:14

Eghume iara gne ginauna kegra haghe ke uludi naiknore ka namono Jerusalem mala toutonudi gobigna lepo teke edi iagho ra. Iara ginauna na eha balu glealeꞌa ka iagho naugna iagho neke fakarhi ghau iara.

Nodi Khoje Hatimare Mae Jiu 35:9

Ka narane tuana iara na kelitagu fara ka God, naugna mana ne fakarhi ghau iara.

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Letas Teke Riso Tei Mae Pol Ka Khiloau Rom 5:11

Eghuteuna keha glepo na igne eghu, noda Lord Jisas Kraes na neke togho ghita mala au fodu balugna God, eghuteuna tahati gognaro na tangomana te au gleale'a ka God.

Profet Habaku 3:18

Iara ginauna gleale'a fabrahu kolho, naugna nogu Lord God ginauna fakarhi ghau iara.

Nodi Khoje Hatimare Mae Jiu 118:14

Lord ne tusu mei nolaghi ka iara mala nheta iara, eghuteuna mana ne fakarhi ghau iara.

Nodi Khoje Hatimare Mae Jiu 89:24

Nu iara ginauna namhani fara mana, nei mala kaisei phile balugna mana eghu fabrahu. Eghuteuna iara ginauna mala toghoni mana fabrahu mala nheta mana kau magra na.

Eksodas 15:21

Eghuteuna Miriam ne koje eghu ka reꞌe: “Tahati koje ranghini Lord, naugna mana neke uluni magra biꞌo na! Mana neke huju soru ka thongna na mae soldia re balu nodi hose!”

Eksodas 15:1

Kate filoni hatimare mae Israel gre nogna nolaghi biꞌo Lord te falehedi mae Ijep gre ka thongna na, mae Moses nei naiknodi Israel gre eghu ne koje kaisei khoje ne cheke eghu: “Iara na koje ranghini Lord, naugna Mana ne thofno tapla faparidi fara nogna naokare. Mana neke huju soru hose nei mae teke saghe ka hose igre teure lamna thongna.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Nodi Khoje Hatimare Mae Jiu 51:15

Lord, togho ghau iara mala cheke eigna iara magnahaghei te cheke fakeli nigho na.

Nodi Khoje Hatimare Mae Jiu 18:2

God na jateula nogu bara eghu iara, mala bara fothi ghau fabrahu. Mana tangomana teke hata fapulo ghau iara ka khamedi nogu naokare. Nogu God na jateula kaisei thina biꞌo eghu te mala tei te porudi iara nogu naokare. God na jateula kaisei greoreo eghu te mala tafra iara ka nogu naokare. Mana au nolaghi biꞌo te mala fakarha ghau nei reireghi ghau teu iara fabrahu na.

Profet Habaku 3:1

Mae profet Habaku ne tarai ka Lord mala toghoni Israel. Mana ne cheke eghu:

Nodi Khoje Hatimare Mae Jiu 75:10

Mana ginauna roꞌe soru nodi nolaghi naikno te diꞌare, nu mana ginauna tusu lao nolaghi ka naikno te doglore.

Nodi Khoje Hatimare Mae Jiu 71:8

Leuleghu narane, funu hamerane ghilei posa fei grafi, iara cheke fakeli nigho. Uve, iara ghatho tahuni fabrahu nanghamu iagho na.

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Luku 1:69

God ginauna kuru meini kaisei mae te au nolaghi biꞌo ka tahati, mae igne kaisei mae vikegna King Devet nogna mae gloku.

Nehemaea 11:17

Mae Matanaea thugna mae Mika gne, tharaknagna mana na igne: mae Sabdi, mae Asaf. Mae Matanaea igne, mana lida ka khoje ka nogna Sugablahi God, mala koje cheke fakelini God ka tharai. Mae Bakbukaea gne, mana fapea lida ka khoje. Mae Abda thugna mae Samua, gragna mae Galal, vikegna mae Jedutun.

Diutronomi 33:17

Vikegna mae Efrem au kmana thogha mae, eghuteuna vikegna mae Manase, jaola au kmana thogha mae. Ghopa phei vike igre nheta jateula buluka teke kulu karha ra eghu, eghuteuna ghotilo lase magra jateula buluka nalhaꞌugna mata ra eghu. Ghopa phei vike igre ginauna tangomana te goigonidi naiknodi keha kantri are, eghuteuna huhurudi naikno igre mala au ka khukrugna nauthoglu igne, ghopa ginauna tangomana te goigonidi mare.

Thoutonu Eigna Mae Job 16:15

“Iara diꞌanagnafagu fara eghume iara pipichi ka pohe thona, eghuteuna iara gnokro pari lamna nakrofu balu tanhi fagaglanagna nogu diꞌanagnafa na.

Nodi Khoje Hatimare Mae Jiu 148:14

Lord na reireghi fakeli ghita tahati nogna naikno Israel, eghume, tahati cheke fakelini mana! Mana namha ghita fara. Tahati kilo fnaknoni Lord!

Ululahu Samuel 1:6

Eghuteuna naugna Lord te theome snakreni Hana te mala au thugna na, leuleghu fata na Penina fadiꞌa nagnafani Hana fabrahu.

Ululahu Samuel 1:7

Puhi te diꞌa igne ne eghu fabrahu leuleghu finogha kate tei tarai reꞌe ka nogna Sugablahi Lord na. Leuleghu fata na Penina fadiꞌa nagnafani Hana, naugna igne naꞌa tanhi koba ne theome ghamu.

Fapea Kronikols 20:27

Aonu King Jehosafat ne batudi soldia di Juda nei Jerusalem neke figri Jerusalem. Mare ne thofno glealeꞌa fara naugna Lord ne uludi nodi naoka re.

Nodi Khoje Hatimare Mae Jiu 21:2

Unha te thono magnahaghedi fara mana re iagho neke tusu lao ka mana. Unha te toredi mana re iagho neke edi ranghini mana.

Nodi Khoje Hatimare Mae Jiu 89:18

Lord God, iagho ngala te vahini naikno na te mala saghe leghu ghami ghehati na. Uve, iagho ngala te blahi na nei iagho ngala nomi God ghehati mae Israel, nei iagho ngala teke vahini mae king te mala funei fruni ghami ghehati na.