Ululahu Samuel 19:4 - Buka Blahi Ka Cheke Holo

⁴ Aonu ka keha narane na, mae Jonatan ne toutonu ka mae kmagna na gobigna lepo te keli teke edi mae Devet re. Mana ne cheke eghu, “Theome keli iagho king te eni kaisei glepo te diꞌa ranghini nou mae gloku Devet. Eigna mana theome eni kaisei glepo te diꞌa ranghi nigho iagho. Unha te edi manare togho nigho iagho fara.

Ululahu Samuel 19:4 ပူးပေါင်းရင်းမြစ်များ

Profet Jeremaea 18:20

Ba, keliu kolho te tughu fapulo glepo te diꞌa na ka glepo te keli na? Theo. Neuba mare ne magnahaghei falehe nigho iagho neu, iara tore nigho iagho mala thosei diꞌatamu nei paradi eghu mare. Nu mae naoka igre magnahaghei te goigoni ghau iara, jateula kaisei mae te dokha khora te mala snoꞌo bosu tagna te mala falelehera eghu.

Jenesis 42:22

Mae Ruben ne cheke eghu ka mare, “Iara neke chekehi ka ghotilo mala thosei faleheni mana neku, nu ghotilo neke tiromi fanomhidi chekegu iara ra. Eghume gognaro na tahati ke papara eidi unha teke edi tahati ranghini mae igne ra eghu.”

Proveb 17:13

Jame te foli fapulo iagho glepo te keli ka glepo te diꞌa na, glepo te diꞌa tuana ginauna au fabrahu ka tharaknamu iagho na.

Ululahu Samuel 20:32

Nu mae Jonatan ne cheke eghu, “Naugna unha te magnahaghei leheni mana iagho na? Unha najafra teke eni mana na?”

Nodi Khoje Hatimare Mae Jiu 35:12

Iara keli ranghidi mare, nu mare theome keli ranghi ghau iara, eghume iara la namo glaꞌehi nagnafagu na eghu.

Ululahu Samuel 22:14

Nu mae Ahimelek ne cheke eghu, “King, theo kaisei mae soldia te ghatho tahu nigho iagho jateula mae Devet teuna. Mana nanghomu iagho nei mana kaisei nou mae ofisa biꞌo iagho eghu. Naikno te gnafa ka sugamu iagho na kafe ghatho tahuni mana.

Ululahu Korin 8:12

Ka puhi igne ghotilo jafra ranghini Kraes ka unha te jafra ghotilo ranghini mae kherami fofodu te theome nheta nagnafagna na.

Fapea Kronikols 6:22

“Jame ihei te eni kaisei najafra ranghini kheragna fofodu na, eghuteuna hata mei mare mae igne ka nou olta iagho na, eghuteuna glahu cheke faheta mana ka tathamu iagho na, eghuteuna chekeni neke theome eni teuna.

Ululahu Samuel 2:25

Jame mae ihei te eni puhi te diꞌa na ranghini keha mae na, Lord ginauna tangomana te toghoni mana mala fadoglini nakhibogna mana na. Nu jame mae ihei te eni puhi te diꞌa ranghini Lord na, ihei gne nate tangomana te toghoni mana na?” Neuba, phiamare theome fanomho ka nogna cheke mae kmadi na, naugna Lord la kulu ghathonihi te mala falehedi phiamare na.

Ululahu Jone 3:15

Ihei te tirognani kheragna fofodu na mae tuana kaisei naikno aknu poru ka nagnafagna na. Ghotilo lasenihi theo kaisei naikno aknu poru te hatani karha fei tifa na.