Ululahu Samuel 19:24 - Buka Blahi Ka Cheke Holo

²⁴ Kate tei mana rhegna mae Samuel na, mana atha koko nogna pohe na ne ragi nei koje neu mala kilo fnaknoni God. Mana uka pari ne thuru soesole ne ghilei romno, eghuteuna mana thuru fabrahu ka vido tuana ne ghilei rane. Naugna igne, naiknore ne ghusna eghu, “Mae Sol gne jaola kaisei mae Profet signea?”

Ululahu Samuel 19:24 ပူးပေါင်းရင်းမြစ်များ

Profet Maeka 1:8

Glepo te nomhidi iara igre, ginauna fadiꞌa nagnafa ghau nei fatanhi ghau eghu iara. Eghuteuna iara ginauna atha koko nogu pohe nei nogu sadol teu iara re, eghuteuna nolo tafri jateula mae te diꞌanagnafa nei tanhi teu fabrahu eigna ihei te lehe. Iara ginauna tanhi fabiꞌo jateula khuma mata, eghuteuna tanhi fadiꞌa jateula nakrudu.

Profet Isaia 20:2

Nu kate theome thoke mei nga teu puhi igne na, Lord neke cheke eghu ka iara, “Isaia, thugna mae Emos, iagho koko pohe thona te pipichi iagho tuana baludi sadol te fahaghe iagho are, fagaglana gna nou diꞌanagnafa na, eghuteuna iagho mala soesole tei kolho.” Eghume iara leghuni kolho unha te chekeni Lord ka iara igne.

Fapea Samuel 6:20

Mae Devet neke pulo mei ka nogna suga na ne toreni God mala fablahini tharaknagna na. Mikal jifla mei kosi ka suga na ne thafoni mana ne cheke eghu, “Iagho king gna Israel! Nu ginei ia iagho eni kaisei glepo te theome nabagna nou nafnakno biꞌo iagho na. Iagho famamaja nigho themu te koko nou pohe nafnakno na te ragi tafri ke uludi nodi gaꞌase gloku nou mae nafnakno are. Iagho jateula fiti maera eghu kolho!”

Mae Khuru 9:21

Naikno te gnafa te nomhini mana re ne kafe jaglo nodi, ne cheke eghu, “Tore! Igne si mae teke fariuriu falehedi naikno te fatutuani ni mae Jisas ia! Mana neke eni puhi tuana Jerusalem, eghuteuna gognaro mana kela mei enila glepo tuana agne eghu. Mana mei agne mala lokidi nogna fanomho mae Jisas re mala hata tei ka mae pris ulu re.”

Fapea Samuel 6:14

Ka narane igne mana ne fahaghe kaisei phoko blahi te kiloi mare efod, jateula mae pris neu ne ragi balu kilo fnaknoni Lord.

Naba 24:4

Igne nogna cheke mae ihei te nomhini chekegna God na. Uve, igne nogna cheke mae ihei te filoni ka mifi unha te mei funu ka God te nolaghi.

Ululahu Samuel 10:6

Eghuteuna Tharunga gna Lord na ginauna mei sagheleghu nigho iagho, eghuteuna iagho ginauna jaola tei baludi mare mala ragi nei koje eghu mala kilo fnaknoni God.

Ululahu Samuel 15:35

Eghuteuna funu ka narane igne te ghilei thoke ka narane te lehe mae Samuel na, mana ne theome tei filoni mae Sol. Nu leuleghu fata na, mae Samuel neke diꞌanagnafa gna fara ka king, eghuteuna Lord neke diꞌanagnafa gna fara naugna mae Samuel neke fablahi ni mae Sol mala king gna Israel.

Ululahu Samuel 18:10

Kaisei narane ke leghugna igne, naitu teke kuru mei God ka mae Sol igne ne mei faheta fara ne jateula mae te nolinira neu mana. Aonu mae Devet ne jateula te sughu edi thegna leghu naranera neu ne atha nogna ghita na ne lalahu ka mana. Nu mae Sol ne atha kaisei jata ne cheke eghu ka gaoghathogna na, “Iara ginauna fadi jatani mae igne mala chakhi mana ka gringni ana.” Mana phia fata fariu riu fadi faleheni mae Devet, nu jata igre ne jafra kolho ka mae Devet.