Ululahu Samuel 19:23 - Buka Blahi Ka Cheke Holo

²³ Nu kate tei mana ka nabrou na, Tharunga gna God na jaola ne mei ka mana, mana ragi nei koje neu fabrahu ne ghilei tei posa Naeot.

Ululahu Samuel 19:23 ပူးပေါင်းရင်းမြစ်များ

Proveb 16:9

Tahati tangomana te ghathoni unha te magnahagheni na. Nu Lord saghe leghudi puhida tahati re.

Ululahu Samuel 10:10

Kate posa Gibea mae Sol ghe nogna mae gloku na, kaisei tothoghei profet ne mei thafoni mae Sol. Aonu Tharunga gna God na ne mei ka mae Sol, eghuteuna mae Sol ne tei baludi mae profet igre, mare ne ragi balu koje mala kilo fnaknoni God.

Ululahu Samuel 19:20

Aonu mana ne kurudi keha mae mala tei lokini mae Devet. Kate tei posa mare ka namono na, mare ne filoni kaisei tothoghei profet. Mae Samuel batudi mae profet igre ne ragi nei koje neu mala kilo fnaknoni God, naugna Tharunga gna God na ne mei ka mare. Tharunga igne jaola ne mei ka mae teke kuru tei mae Sol igre, mare jaola ne ragi nei koje neu mala kilo fnaknoni God.

Naba 24:2

Kate filodi mae Balam vikegna te gnafa Israel gre te au teu ka nodi suga thapuale re, nogna tharunga te blahi God na ne soru ka mana,

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Jone 11:51

Mae Kaefas gne neke theome fiti ghathoni kau nagnafagna thegna na cheke igne. Nu God neke cheke ranghini mae Kaefas, naugna mana neke mae pris biꞌo ka finogha tuana. Mana kulu cheke thakleni eigna mae Jisas te mala kafe lehe tughudi naikno Jiu te au ka nauthoglu igne.

Matiu 7:22

Kau narane leghu lahu nate fatedi God naiknore, kmana naikno ginauna mei cheke eghu ka iara, ‘Lord, Lord! Ghehati neke toutonuni chekegna God na kau nanghamu iagho na. Nu ka nanghamu iagho na ghehati neke bruedi naiture nei edi kmana nafnata kofubobhoi.’

Proveb 21:1

Lord na batuni khoꞌu na mala tei ka vido aheva te magnahagheni mana na. Jateula tuana eghu, mana batuni gaoghathogna mae funei na.

Naba 23:5

Aonu Lord ne tufa lao kaisei nonomho ka phepeogna mae Balam ne cheke eghu, “Iagho ke pulo ka mae Balak eghuteuna toutonu lao ka mana nonomho igne eghu.”

Ululahu Samuel 10:6

Eghuteuna Tharunga gna Lord na ginauna mei sagheleghu nigho iagho, eghuteuna iagho ginauna jaola tei baludi mare mala ragi nei koje eghu mala kilo fnaknoni God.

Ululahu Samuel 10:12

Aonu kaisei mae ka namono igne ne cheke eghu, “Iheire si kmadi re mae profet igrea?” Naugna kate filodi unha te edi mae Sol igre, cheke igne ne cheke eghu, “Ba? Mae Sol gne kaisei mae profet langau signea?”

Ululahu Samuel 18:10

Kaisei narane ke leghugna igne, naitu teke kuru mei God ka mae Sol igne ne mei faheta fara ne jateula mae te nolinira neu mana. Aonu mae Devet ne jateula te sughu edi thegna leghu naranera neu ne atha nogna ghita na ne lalahu ka mana. Nu mae Sol ne atha kaisei jata ne cheke eghu ka gaoghathogna na, “Iara ginauna fadi jatani mae igne mala chakhi mana ka gringni ana.” Mana phia fata fariu riu fadi faleheni mae Devet, nu jata igre ne jafra kolho ka mae Devet.

Ululahu Samuel 19:18

Mae Devet rikha ne tei Rama ka mae Samuel. Aonu mana ne toutonu ka mae Samuel unha te eni king Sol ka mana na. Aonu phiamare jifla Rama ne tei Naeot.

Ululahu Samuel 19:22

Aonu mae Sol thegna ne tei hirodi mare ka namono igne. Kate mei posa mana ka seu biꞌo Seku na, mana ne ghusna eghu ka naiknore, “Mae profet Samuel ghe mae Devet gre au aheva?” Naiknore ne cheke eghu ka mana, “Phiamare au Naeot rhegna namono Rama.”