Ululahu Samuel 19:21 - Buka Blahi Ka Cheke Holo

²¹ Kate nomhini mae Sol igne, mana neke kuru tei keha maei. Nu kate posa mare ka namono na, mare jaola ne loku fodu baludi mare ne ragi nei koje neu mala kilo fnaknoni God. Aonu mana ne fatilo fata kuru tei keha mae, nu glepo igne jaola ne thokedi mare.

Ululahu Samuel 19:21 ပူးပေါင်းရင်းမြစ်များ

Profet Joel 2:28

Lord ne cheke eghu, “Ke leghugna igne, iara ginauna snakreni Tharungagu na mala soru mei au baludi naikno te gnafa igre. Thumi gaꞌase nei thumi nalhaꞌu teu ghotilo are ginauna toutonuni chekegu iara na jateula mae profet eghu. Mae biꞌo gre ginauna mifi, eghuteuna mae majaghani re ginauna filodi keha nafnata mifi te nhogri.

Profet Jeremaea 13:23

Ba, mae te pipito na tangomana teke tughu thinigna na teke vegha na? Ba, phusi mata na tangomana teke tughu thinigna te thuthunu na? Thono theo fara. Ghotilo jateula tuana eghu theome tangomana te koko puhimi te diꞌare mala teke eni puhi te keli na.

Proveb 27:22

Neuba iagho ne parani fara naikno te fameomekro na, iagho theome tangomana te koko puhigna mae te fameomekro na.

Ululahu Samuel 19:20

Aonu mana ne kurudi keha mae mala tei lokini mae Devet. Kate tei posa mare ka namono na, mare ne filoni kaisei tothoghei profet. Mae Samuel batudi mae profet igre ne ragi nei koje neu mala kilo fnaknoni God, naugna Tharunga gna God na ne mei ka mare. Tharunga igne jaola ne mei ka mae teke kuru tei mae Sol igre, mare jaola ne ragi nei koje neu mala kilo fnaknoni God.

Ululahu Samuel 19:22

Aonu mae Sol thegna ne tei hirodi mare ka namono igne. Kate mei posa mana ka seu biꞌo Seku na, mana ne ghusna eghu ka naiknore, “Mae profet Samuel ghe mae Devet gre au aheva?” Naiknore ne cheke eghu ka mana, “Phiamare au Naeot rhegna namono Rama.”