Ululahu Samuel 19:20 - Buka Blahi Ka Cheke Holo

²⁰ Aonu mana ne kurudi keha mae mala tei lokini mae Devet. Kate tei posa mare ka namono na, mare ne filoni kaisei tothoghei profet. Mae Samuel batudi mae profet igre ne ragi nei koje neu mala kilo fnaknoni God, naugna Tharunga gna God na ne mei ka mare. Tharunga igne jaola ne mei ka mae teke kuru tei mae Sol igre, mare jaola ne ragi nei koje neu mala kilo fnaknoni God.

Ululahu Samuel 19:20 ပူးပေါင်းရင်းမြစ်များ

Jone 7:32

Mae Farasi re nomhidi naiknore te cheke pouporu eidi glepo te edi mae Jisas igre. Aonu mae pris ulu nei mae Farasi eghu igre ne kurudi keha mae greireghi Sugablahi na mala tei lokini mana.

Profet Joel 2:28

Lord ne cheke eghu, “Ke leghugna igne, iara ginauna snakreni Tharungagu na mala soru mei au baludi naikno te gnafa igre. Thumi gaꞌase nei thumi nalhaꞌu teu ghotilo are ginauna toutonuni chekegu iara na jateula mae profet eghu. Mae biꞌo gre ginauna mifi, eghuteuna mae majaghani re ginauna filodi keha nafnata mifi te nhogri.

Ululahu Samuel 10:10

Kate posa Gibea mae Sol ghe nogna mae gloku na, kaisei tothoghei profet ne mei thafoni mae Sol. Aonu Tharunga gna God na ne mei ka mae Sol, eghuteuna mae Sol ne tei baludi mae profet igre, mare ne ragi balu koje mala kilo fnaknoni God.

Ululahu Samuel 19:14

Kate mei mare te mala lokini mae Devet na, Mikal ne cheke eghu ka mare, “Mana na fogra.”

Ululahu Samuel 19:11

Ka bongi igne, king ne kurudi keha mae mala tei ka sugagna mae Devet na mala tei faleheni mana hamerane ka keha narane na. Nu Mikal, khetogna mae Devet igne ne cheke eghu ka mana, “Jame te theome jifla iagho agne ginau bongi na, iagho ginauna lehe ka mare hamerane na.”

Ululahu Korin 14:3

Nu ihei te toutonuni chekegna God na, mana ne cheke ka naiknore. Mana toghodi naiknore mala nheta nodi fatutuani na ka Lord balu fabrabrana nei fameomego.

Naba 24:2

Kate filodi mae Balam vikegna te gnafa Israel gre te au teu ka nodi suga thapuale re, nogna tharunga te blahi God na ne soru ka mana,

Ululahu Samuel 19:19

Aonu keha naikno tei ne toutonu ka mae king te tei au teu mae Devet jare na.

Ululahu Samuel 19:21

Kate nomhini mae Sol igne, mana neke kuru tei keha maei. Nu kate posa mare ka namono na, mare jaola ne loku fodu baludi mare ne ragi nei koje neu mala kilo fnaknoni God. Aonu mana ne fatilo fata kuru tei keha mae, nu glepo igne jaola ne thokedi mare.