Ululahu Samuel 19:18 - Buka Blahi Ka Cheke Holo

¹⁸ Mae Devet rikha ne tei Rama ka mae Samuel. Aonu mana ne toutonu ka mae Samuel unha te eni king Sol ka mana na. Aonu phiamare jifla Rama ne tei Naeot.

Ululahu Samuel 19:18 ပူးပေါင်းရင်းမြစ်များ

Ululahu Samuel 7:17

Nu leuleghu fata na, mana ke pulo mei Rama ka nogna namono na. Eghuteuna mana jaola fatedi puhi biꞌo te edi naiknore. Eghuteuna ka namono igne mana ne eni kaisei olta mala tufru soruni Lord.

Jemes 5:16

Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.

Ululahu Samuel 28:3

Kate lehe mae Samuel na, naiknodi Israel re ne diꞌanagnafadi fara ne tanhini mana. Aonu mare ne giugiluni mana Rama ka nogna namono na. Eghuteuna king Sol neke khi fajifladi hi Israel mae nalhaꞌu ba gaꞌase te cheke ka tharungadi naikno tela lehe hi tifa re.

Ululahu Samuel 15:34

Ke leghugna igne, mae Samuel neke tei Rama, eghuteuna mae Sol neke tei Gibea.

Ululahu Samuel 19:19

Aonu keha naikno tei ne toutonu ka mae king te tei au teu mae Devet jare na.

Ululahu Samuel 19:22

Aonu mae Sol thegna ne tei hirodi mare ka namono igne. Kate mei posa mana ka seu biꞌo Seku na, mana ne ghusna eghu ka naiknore, “Mae profet Samuel ghe mae Devet gre au aheva?” Naiknore ne cheke eghu ka mana, “Phiamare au Naeot rhegna namono Rama.”

Ululahu Samuel 19:23

Nu kate tei mana ka nabrou na, Tharunga gna God na jaola ne mei ka mana, mana ragi nei koje neu fabrahu ne ghilei tei posa Naeot.

Ululahu Samuel 1:19

Hamerane boibongi ka keha narane na, mae Elikana nei tharakna gna kegra haghe ne tufru soruni Lord. Gnafa teuna reꞌe neke figri Rama. Eghuteuna mae Elikana ne thuru balugna Hana, eghuteuna Lord ne cheke tughuni nogna tharai Hana na.

Ululahu Samuel 20:1

Mae Devet ne rikha Naeot Rama ne tei thafoni mae Jonatan ne cheke eghu ka mana, “Unha najafra si teke eni iara te diꞌatagna mae kmamu iagho ignea? Iara theome huhughuni kaisei vetula. Ba, unha glepo te diꞌa si teke eni iara ka mana te magnahaghei falehe ghau iara mana gne?”

Ululahu Samuel 21:11

Kate au teu mae Devet jare na, nogna mae gloku king Akis re ne cheke eghu, “Mae igne nodi king mae Israel. Gaꞌasedi Israel re neke fafnaknoni nanghagna mana na. Rehati neke ragi balu koje neke cheke eghu: “King Sol neke aknu falehe kaisei thogha naoka. Nu Devet neke aknu falehe nabotho thogha.”