Ululahu Samuel 19:1 - Buka Blahi Ka Cheke Holo

¹ Aonu mana ne cheke balugna mae Jonatan nei nogna mae biꞌore mala hironi kaisei puhi mala faleheni mae Devet. Nu mae Jonatan namhani fara mae Devet,

Ululahu Samuel 19:1 ပူးပေါင်းရင်းမြစ်များ

Ululahu Samuel 18:1

King ghe mae Devet ne toutonudi unha teke edi mae Devet re. Funu ka narane igne, mae king ne theome snakreni mae Devet teke figri ka namono gna na, naugna mana magnahagheni mae Devet te loku ranghini. Ka vido tuana mae Jonatan thugna mae Sol igne fofodu fara balugna mae Devet jateula kaisei thabusigna eghu.

Ululahu Samuel 19:2

ne tei cheke eghu ka mana, “Mae kmagu iara na magnahaghei te falehe nigho iagho, eghume, iagho fiofilo nighoi eghu! Hamerane nathuꞌu na iagho tei hironi kaisei vido te keli mala tei poru.

Jenesis 37:18

Hatimare ne filo khaba laoni mae Josep. Ame mei posa nga mana teuna, mare ne roghe nodi te mala faleheni mana na.

Ululahu Samuel 18:3

Mae Jonatan ne eni kaisei nhaꞌa cheke balugna mae Devet mala theome gnafa phiamare nodi namha na.

Ululahu Samuel 18:25

Aonu mae Sol ne cheke ka mare mala ke tei cheke eghu ka mae Devet, “Fofoligna gaꞌase igne, king magnahaghei kaisei gobi vido guli ka thinidi hatimare mae soldiadi Filistia gre mala laseni mana te lehe mare ka magra na. Igne mala ke tughu fapulo glepo te diꞌa teke edi mae naokara.” Te ghathoni mae Sol na, ka puhi igne jame te lehe mae Devet ka mae Filistia gre.

Ululahu Samuel 20:1

Mae Devet ne rikha Naeot Rama ne tei thafoni mae Jonatan ne cheke eghu ka mana, “Unha najafra si teke eni iara te diꞌatagna mae kmamu iagho ignea? Iara theome huhughuni kaisei vetula. Ba, unha glepo te diꞌa si teke eni iara ka mana te magnahaghei falehe ghau iara mana gne?”

Ululahu Samuel 20:19

Nauriha na iagho ke tei ka vido aheva teke poru iagho ka fufunu gna puhi igne ia. Iagho ofou rhegna thina te kiloi mare Esel.

Fapea Samuel 4:8

Phiamare hata phaꞌugna mae Isboset igne ne tei Hebron ne tusu lao ka king Devet. Aonu phiamare ne cheke eghu, “King, filo mei sagho! Igne phaꞌugna mae Isboset, thugna mae nou naoka iagho King Sol. Tifa na mana neke fariu riu falehe nigho iagho. Eghume, Lord gognarona togho nigho iagho kela tughu fapulo glepo te diꞌa teke edi king Sol ghe mae thugna, Jonatan ka iagho tifara.”