Ululahu Samuel 18:6 - Buka Blahi Ka Cheke Holo

⁶ Kaisei fata ke leghugna te aknu falehe mana mae nhetagna Filistia igne, armi igne neke figri neke pulo ka namono. Goro gaꞌase te gnafa Israel igre jifla mei ne thafoni king Sol. Rehati gleale'a fara ne lalahu ka tamborin balu gita ne koje balu ragi.

Ululahu Samuel 18:6 ပူးပေါင်းရင်းမြစ်များ

Jajis 11:34

Jefta au kaisei thugna gaꞌase kolho, mana theo kaisei thugna nalhaꞌu. Kate pulo mei Jefta Mispa ka nogna namono na, thugna gaꞌase mana na jifla mei ne thafoni mana. Naꞌa ragi ne jifla mei balu nogna tamborin.

Eksodas 15:20

Profet Miriam, gregagna mae Eron gne ne atha nogna tamborin na ne baubatudi keha gaꞌasere ne koje balu ragi.

Nodi Khoje Hatimare Mae Jiu 68:25

Mae te koje re tei ke leghumu iagho, eghuteuna ke leghudi mare na hatimare mae nifu. Aonu goro gaꞌase ne koje falithuidi mare ne ruma ka Sugablahi na re.

Eksodas 15:21

Eghuteuna Miriam ne koje eghu ka reꞌe: “Tahati koje ranghini Lord, naugna mana neke uluni magra biꞌo na! Mana neke huju soru ka thongna na mae soldia re balu nodi hose!”

Ululahu Samuel 18:5

Mae Devet tangomana te uludi vido te gnafa aheva mala tei magra mana teu king te kuru teini mana na. Aonu king ne vahini mana mala kaisei nogna mae komanda. Hatimare mae soldia baludi keha mae komanda ka armi igre mare ne keli tadi fara ka puhi igne.

Fapea Samuel 1:20

“Thosei toutonu ka namono Gat! Thosei eha leghu nabrou ka namono Askelon! Te eghu ghotilo na, goro gaꞌasedi Filistia are ginauna keli tadi fara. Uve, thudi gaꞌase mae bongihehe di Filistia igre ginauna gleale'a.

Fapea Samuel 6:5

Aonu mae Devet nei kmana naiknodi Israel eghu ne ragi balu koje mala kilo fnaknoni nanghagna Lord. Mare lalahu gita, tamborin, belo nei sesele.

Nodi Khoje Hatimare Mae Jiu 68:11

Noda Lord neke cheke ranghidi naiknore, eghuteuna kmana gaꞌase ne jifla ne tei toutonuni chekegna mana igne.

Nodi Khoje Hatimare Mae Jiu 149:3

Tahati ragi balu kilo fnaknoni nanghagna mana na, tahati belo balu gita mala kilo fnaknoni mana.

Profet Isaia 30:32

Eghuteuna kate falehedi Lord naiknodi Asiria igre ka magra na, tahati nogna naikno Lord ra ginauna glealeꞌa nei koje ka gita nei belo.