Ululahu Samuel 18:5 - Buka Blahi Ka Cheke Holo

⁵ Mae Devet tangomana te uludi vido te gnafa aheva mala tei magra mana teu king te kuru teini mana na. Aonu king ne vahini mana mala kaisei nogna mae komanda. Hatimare mae soldia baludi keha mae komanda ka armi igre mare ne keli tadi fara ka puhi igne.

Ululahu Samuel 18:5 ပူးပေါင်းရင်းမြစ်များ

Ululahu Samuel 18:30

Kmana fata, mae komanda ka armi gna Filistia igne mei magra koba ka mae Israel. Nu mae Devet uludi koba mare. Mana ne aknu falehe kmana mae soldia fara, salaꞌudi keha nogna mae komanda mae king Sol. Naugna igne, naikno te gnafare ghatho tahuni fara mana.

Kolose 4:5

Ghotilo filo fakeli ka naꞌaumi baludi naikno te theome fatutuani ni mae Kraes are mala ghaoghatho fakeli kate toutonu baludire eghu.

Efesus 5:17

Thosei fanolini nakarhami na, nu fariuriu mala filo glanini unha Lord te magnahaghei eni iagho na.

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Nodi Khoje Hatimare Mae Jiu 1:3

Nakarhadi naikno igre na jateula gaju te karha ka geri khoꞌura eghu na keli fara. Kate thoke mei nodi thofno narane na, gaju igre ginauna ure, eghuteuna khakladire ginauna theome brango. Aonu unha te edi naikno igre na ginauna na jateula igne eghu mala keli fara.

Ululahu Samuel 13:2

eghuteuna mana neke vavahi thilo thogha mae ka nogna armi na, eghuteuna mana neke kuru fapulodi kehare ka namono. Mana neke vavahi phei thogha soldia kolho te mala au balugna ka namono Mikmas, nei ka thogele Betel, eghuteuna kuru tei kaisei thogha soldia balugna mae Jonatan, mae thugna na Gibea ka nohi Benjamin.

Jenesis 39:23

Lord ne au balugna mae Josep ne toghoni mana, eghuteuna glepo te edi mana re ne keli fara. Mae te reireghigna suga sosolo na theome ghatho peapea ka unha te chekedi mana mala edi mae Josep teure.

Ululahu Samuel 14:52

Leuleghu fata ka nakarhagna King Sol na, mana lase magra heta fara ka naiknodi Filistia. Eghume kate filoni mana kaisei mae te nheta nei theome mhaghu teuna, mana hata mei mala loku fodu ka nogna soldia re.

Ululahu Samuel 18:4

Fagaglanagna nhaꞌa cheke igne, mae Jonatan ne atha nogna pohe brahu na ne tusu lao ka mae Devet. Mana jaola ne tusu lao ka mana nogna phoko mala fanogra jata, naflahi, phaloho nei nhugha teu igre ka mae Devet.

Ululahu Samuel 18:6

Kaisei fata ke leghugna te aknu falehe mana mae nhetagna Filistia igne, armi igne neke figri neke pulo ka namono. Goro gaꞌase te gnafa Israel igre jifla mei ne thafoni king Sol. Rehati gleale'a fara ne lalahu ka tamborin balu gita ne koje balu ragi.

Ululahu Samuel 18:16

Nu naiknodi Juda nei Israel teu igre ne magnahagheni fara mae Devet, naugna mana kaisei mae lida te uludi koba nogna naokare.

Fapea Samuel 5:2

Tifa na, mae Sol ia neke noda king tahati ngala, iagho teke batudi mae Israel gre teke tei ka magra na. Eghuteuna Lord na neke cheke eghu ka iagho, ‘Iagho ginauna mala batudi nei reireghidi eghu nogu naikno iara Israel igre, eghuteuna iagho mala nomi king ghehati gnafa.’ ”

Nodi Khoje Hatimare Mae Jiu 101:2

Iara magnahaghe nigho fara te mei ka iara te mala leghuni iara puhimu iagho te doglo na. Gobigna lepo te edire, iara ginauna leghudi puhi te doglo ka tathamu iagho na.

Ululahu Samuel 3:19

Kate mae biꞌohi mae Samuel na, Lord ne au balugna mana fabrahu. Eghuteuna mana ne edi fabrahu gobigna lepo teke chekedi mae Samuel nate thoke mei tutuani.

Fapea Samuel 5:10

Mae Devet ne rheta fara, naugna Lord God mae ihei te au nolaghi fateote'o igne ne au fabrahu balugna mana.

Fapea Kronikols 17:3

Lord ne au balugna Jehosafat, naugna mana ne jateula kuꞌegna King Devet tifa ia neu ne leghuni fabrahu puhi te keli na. Mana neke theome toreni god Baal igne mala toghoni,