Ululahu Samuel 18:3 - Buka Blahi Ka Cheke Holo

³ Mae Jonatan ne eni kaisei nhaꞌa cheke balugna mae Devet mala theome gnafa phiamare nodi namha na.

Ululahu Samuel 18:3 ပူးပေါင်းရင်းမြစ်များ

Ululahu Samuel 20:42

Aonu mae Jonatan ne cheke eghu ka mae Devet, “Tei sagho, thosei diꞌanagnafa, naugna tapa nhaꞌa chekehi ke ulugna Lord. Mana ginauna na fiofilo ghita baludi vikedare, tahati te gnafa na mala tajini fabrahu nhaꞌa cheke igne.” Aonu mae Devet jifla ka vido igne ne tei, eghuteuna mae Jonatan figri neke pulo ka namono na.

Fapea Samuel 21:7

Nu mae Devet neke ghathoni teke nhaꞌa cheke phiamare Jonatan thugna mae Sol ke ulugna Lord tifa igne ne fakarhini mae Mefiboset thugna mae Jonatan.

Ululahu Samuel 23:18

Phiamare ne nhaꞌa cheke ka nanghagna Lord mala theome gnafa nodi fofodu na. Ke leghugna igne, mae Jonatan figri neke pulo ka namono, nu mae Devet ne au neu Hores.

Ululahu Samuel 20:41

Ke leghugna tela teihi mae sitei na, mae Devet jifla mei ka thina teke poru mana na ne mei ke ulugna mae Jonatan ne tuturupuku soru, mana ne thilo fata tufru soru pari ka glose na. Aonu phiamare ne faꞌababa ne orio tanhi, nu mae Devet ne tanhi nogna fara.

Ululahu Samuel 22:8

Jame igne gaoghatho te theome ghatho tahu ghau iara ghotilo gne! Theo kaisei ka ghotilo te mei cheke ka iara aheva mae thugu iara mae Jonatan balugna thugna Jesi igne te nhaꞌa cheke phiamare te mala fofodu fabrahu na. Mana nogu mae gloku iara, nu mana hiro puhi te mala falehe ghau iara na! Eghuteuna mae thugu iara mae Jonatan igne ngala te huhuruni mana te eni igne, nu theo kaisei ka ghotilo te ghatho tahu ghau iara te mei chekeni glepo igne ka iara na.”

Ululahu Samuel 19:1

Aonu mana ne cheke balugna mae Jonatan nei nogna mae biꞌore mala hironi kaisei puhi mala faleheni mae Devet. Nu mae Jonatan namhani fara mae Devet,

Proveb 18:24

Mae te au kmana kheragna na mana theo nafugna kolho. Nu thofno kheramu na, keli fara salaꞌuni thabusimu na.