Ululahu Samuel 18:25 - Buka Blahi Ka Cheke Holo

²⁵ Aonu mae Sol ne cheke ka mare mala ke tei cheke eghu ka mae Devet, “Fofoligna gaꞌase igne, king magnahaghei kaisei gobi vido guli ka thinidi hatimare mae soldiadi Filistia gre mala laseni mana te lehe mare ka magra na. Igne mala ke tughu fapulo glepo te diꞌa teke edi mae naokara.” Te ghathoni mae Sol na, ka puhi igne jame te lehe mae Devet ka mae Filistia gre.

Ululahu Samuel 18:25 ပူးပေါင်းရင်းမြစ်များ

Ululahu Samuel 18:17

King Sol ne cheke eghu ka mae Devet, “Iara magnahaghei nigho iagho te tolaghi ka thugu gaꞌase biꞌo lahu iara Merab. Nu praes gna thugu iara igne, iagho mala nogu mae soldia nheta iara, eghuteuna iagho mala loku rheta fabrahu gaoghathomu na ka iara. Iagho mala tei koba ka magra leghuni unha te chekeni Lord ka iagho na.” Mae Sol magnahagheni mae Devet te tei lehe ka magra, eigna mana theome tangomana te faleheni mana na. Eghume, te ghathoni mana na, armi gna Filistia kolho te tangomana te faleheni mana na.

Ululahu Samuel 14:24

Aonu, soldia di Israel igre ne glaꞌe soru naugna mare ne thono rofo fara. Mare theome ghamu, naugna mae Sol neke cheke farheta eghu ka mare, “Blahi kaisei mae te ghamu na ghilei blulu naprai na. Ulu lahu na tahati mala kulu aknu falehe ghu noda naoka igre mala ke tughu fapulo puhi biꞌo teke edi mare ra. Jame ihei te huhughuni unha te blahi na, mana mala lehe!” Naugna igne, theo kaisei mae ka mare te ghamu na narane igne.

Jenesis 34:12

Ghotilo tangomana te nhaꞌa haghe fofoli gna gaꞌase igne, eghuteuna iara magnahaghei ghami ghotilo te cheke meini ka iara unha glepo te keli te mala tusu ari iara ka ghotilo na eghu. Nihai teu ghotilo fofoli gna na gaꞌase igne na, iara na tusu ari ka ghotilo. Eghume iara magnahaghe ghami ghotilo te snakreni gaꞌase igne ka iara mala tolaghi nogu iara ka naꞌa.”

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Josua 5:3

Mae Josua ne thofno leghuni unha teke chekeni Lord igne ne vahe mae nalhaꞌure. Mare ne kiloni vido igne, “Thogele Vahe Guli.”

Jenesis 29:18

Mae Jekop ne magnahagheni fara Resel, aonu mana ne cheke eghu ka mae Laban, “Iara ginauna na loku fitu finogha ranghi nigho iagho mala gna thumu gaꞌase majaghani iagho Resel gne.”

Ululahu Samuel 18:24

Mae gloku igre figri neke toutonu nogna cheke mana igre ka mae king.

Fapea Samuel 3:14

Mae Devet kurudi keha mae ne tei cheke eghu ka mae Isboset, “Iagho kuru meini khetogu iara Mikal. Iara neke folini naꞌa ka kaisei gobi guli mamajadi maedi Filistia neke tolaghihi ka naꞌa.”

Ululahu Samuel 19:1

Aonu mana ne cheke balugna mae Jonatan nei nogna mae biꞌore mala hironi kaisei puhi mala faleheni mae Devet. Nu mae Jonatan namhani fara mae Devet,