Ululahu Samuel 18:23 - Buka Blahi Ka Cheke Holo

²³ Aonu mare tei ne toutonu ka mae Devet cheke igre, nu mana ne cheke eghu, “Ghotilo jame ne kaisei glepo ikoi kolho puhi igne eghu ka gaoghathomi na te mala tolaghi iara ka thugna king na teu igne. Theo, eigna iara kaisei mae kuma, nei theome fnakno nanghagu na eghu kolho. Glepo igne kaisei glepo biꞌo fara ka gaoghathogu iara na.”

Ululahu Samuel 18:23 ပူးပေါင်းရင်းမြစ်များ

Ululahu Jone 3:1

Tahati thofno lasenihi unha nafnata namha biꞌo Mama te tusu ranghi ghita. Ka nogna namha biꞌo igne mana kilo ghita goro thugna. Eghuteuna tahati thofno Thugna mana. Nu naiknogna nauthoglu igne theome filo glani ghita te goro thugna God, naugna mare theome laseni mana.

Proveb 14:20

Mae te kuma na theo kheragna. Nu mae te dedei na au kmana kheragna.

Nodi Khoje Hatimare Mae Jiu 119:141

Neuba iara ne fiti mae kolho ne filo soru ghau naiknore, iara theome tangomana te ghatho ihodi nou famane cheke iagho re.

Ululahu Samuel 9:21

Aonu mae Sol ne cheke eghu ka mae Samuel. “Iara vikegna mae Benjamin, eghuteuna vike ikoi kolho ke lamnagna vikeda tahati maeda Israel. Eghuteuna vikegna mae kmagu iara na theo nanghagna ka vikegna mae Benjamin. Eghume naugna unha sagho te eni ka iara u nafnata cheke ignea?”

Jenesis 29:20

Aonu mae Jekop ne loku ranghini mae Laban fitu finogha mala gna te tolaghi ka Resel na. Ka gaoghathogna mae Jekop na fitu finogha igre jateula te phei narane ra eghu kolho ka mana, naugna mana ne magnahagheni fara Resel.

Jenesis 34:12

Ghotilo tangomana te nhaꞌa haghe fofoli gna gaꞌase igne, eghuteuna iara magnahaghei ghami ghotilo te cheke meini ka iara unha glepo te keli te mala tusu ari iara ka ghotilo na eghu. Nihai teu ghotilo fofoli gna na gaꞌase igne na, iara na tusu ari ka ghotilo. Eghume iara magnahaghe ghami ghotilo te snakreni gaꞌase igne ka iara mala tolaghi nogu iara ka naꞌa.”

Ululahu Samuel 18:18

Nu mae Devet ne cheke eghu ka mae Sol, “Iara theome nabagu te tolaghi ka thumu iagho na, naugna vikegu iara na theome fnakno ka tahati agne Israel, eghuteuna iara jaola theome mae biꞌo.”

Ululahu Samuel 18:22

Mae Sol ne cheke ka nogna mae glokure mala tei cheke famaemahe eghu ka mae Devet, “King thofno keli tagna fara ka iagho, eghuteuna nogna mae gloku te gnafa manare jaola magnahaghei nigho iagho. Thofno keli fara te tolaghi iagho ka thugna mana na.”

Ululahu Samuel 18:24

Mae gloku igre figri neke toutonu nogna cheke mana igre ka mae king.

Proveb 29:5

Mae ihei te chaghini nei famaemaheni teu mae kheragna fofodu na, mana jateula te lilisei phighoro mala fakhaleni mae kheragna fofodu na tura eghu.