Ululahu Samuel 18:17 - Buka Blahi Ka Cheke Holo

¹⁷ King Sol ne cheke eghu ka mae Devet, “Iara magnahaghei nigho iagho te tolaghi ka thugu gaꞌase biꞌo lahu iara Merab. Nu praes gna thugu iara igne, iagho mala nogu mae soldia nheta iara, eghuteuna iagho mala loku rheta fabrahu gaoghathomu na ka iara. Iagho mala tei koba ka magra leghuni unha te chekeni Lord ka iagho na.” Mae Sol magnahagheni mae Devet te tei lehe ka magra, eigna mana theome tangomana te faleheni mana na. Eghume, te ghathoni mana na, armi gna Filistia kolho te tangomana te faleheni mana na.

Ululahu Samuel 18:17 ပူးပေါင်းရင်းမြစ်များ

Ululahu Samuel 25:28

“Iagho atha fadelei najafragu iara nou gaꞌase gloku iagho gne. Lord ginauna vahi nigho iagho mala king, leghu fata na, mana ginauna vahini koba kaisei mae ka vikemu iagho na te mala king na, naugna iagho ne magra jateula te chekeni mana na neu. Nakarhamu iagho ginauna keli fabrahu jame te theome eni iagho kaisei puhi te diꞌa na.

Ululahu Samuel 18:25

Aonu mae Sol ne cheke ka mare mala ke tei cheke eghu ka mae Devet, “Fofoligna gaꞌase igne, king magnahaghei kaisei gobi vido guli ka thinidi hatimare mae soldiadi Filistia gre mala laseni mana te lehe mare ka magra na. Igne mala ke tughu fapulo glepo te diꞌa teke edi mae naokara.” Te ghathoni mae Sol na, ka puhi igne jame te lehe mae Devet ka mae Filistia gre.

Ululahu Samuel 17:25

Mare ne kafe cheke eghu, “Ghotilo filoni mae ana, mana cheke fadiꞌa ghita tahati koba maeda Israel. King neke nhaꞌa chekehi te mala tusu lao kaisei taba biꞌo ka mae ihei te faleheni mae soldia gna Filistia tuana. Eghuteuna mana ginauna na jaola snakre lao thugna gaꞌase na mala tolaghi ka mana. Eghuteuna kmagna, thabusigna teu mana re ginauna theome mala foli takis.”

Ululahu Samuel 18:21

Mana ne cheke eghu ka nagnafagna na, “Keli fara te snakreni iara Mikal gne ka mae Devet, gaꞌase igne kaisei nabrou te mala lehe mana ka maedi Filistia igre.” Aonu mana ne cheke eghu ka mae Devet, “Igne fapea nhaꞌa cheke iara ka iagho te mala tolaghi ka thugu gaꞌase na.”

Ululahu Samuel 17:47

Eghuteuna mae te gnafa te filo teu igre ginauna laseni Lord na theome rouronu ka naflahi ba jata te mala reireghidi nogna naiknore. Nu mana au nogna nolaghi te mala toghodi nogna naiknore te mala uluni magra na. Eghuteuna mana ginauna na kafe lisa mei ghami ghotilo hui ka khamemi ghehati maemi Israel.”

Nodi Khoje Hatimare Mae Jiu 55:21

Nogna chekere mamahe fara jateula suka eghu, nu gaoghathogna mana na theome magnahaghei kaisei naikno te cheke faparini, eghuteuna nogna cheke igre fagano salhu jateula sedi eghu mala au kmu naiknore. Nu nogna cheke mana igre fagoreho ghami ghehati jateula naflahi te fnonu eghu.

Nodi Khoje Hatimare Mae Jiu 12:2

Mare chaichaghidi koba keha naiknore. Mare thono lase cheke famaemahe fara nei muamugna eghu.

Fapea Samuel 12:9

Naugna unha sagho te tirouni fara chekegna Lord gnea? Naugna unha sagho te eni puhi te diꞌa ignea? Eigna iagho neke snakreni mae Uraea ka mae soldia di Amon igre neke faleheni mana neke blau khetogna mana na!

Fapea Samuel 11:15

Igre cheke teke rioriso mae Devet ka letas igne na, “Kate tei ghotilo ka magra na, iagho lisei faꞌuluni mae Uraea ka vido aheva te brana fara magra na. Eghuteuna ghotilo ke suaraghi fapulo katha ke leghugna mana, lisa lao mae igne ka mae naokare mala aknu faleheni mana.”

Diutronomi 17:7

Mae iheire te witnes ka puhi igne na te mala kulu fada faleheni mana ba gaꞌase ka thina na. Aonu keha naiknore tangomana te fadini mana ba gaꞌase na ka thina ke leghu. Igne unha te mala eni ghotilo te mala hata koko puhi te diꞌa igne ka namonomi ghotilore.

Naba 32:29

“Mae iheire ka vikegna Gad nei vikegna mae Ruben teure la kaikaliti mala magra nei kulu tei ke ulugna Lord. Jame te kasa mare ka khoꞌu Jordan balumi ghotilo na, uve, ghotilo ginauna uludi naiknodi Kenan. Eghuteuna ghotilo ginauna tusu lao vido glose Gilead gne mala khotogna mare.

Naba 32:27

Nu ghehati gne la kaikaliti mala tei magra hila. Ghehati ginauna tei kasa ka khoꞌu Jordan mala magra ke ulugna Lord jateula te chekeni iagho ia eghu.”

Naba 32:20

Aonu mae Moses ne cheke eghu ka mare, “Jame te cheke tutuani ghotilo na, ghotilo ginauna mei balumi ghehati, eghuteuna jame te kaikaliti ghotilo nomi glepo mala magra re, ghotilo ginau tei ke ulugna nogna Bokis Blahi Lord na.

Naba 21:14

Uve, kaisei buka te cheke eidi magra teke chekeni Lord eigna namono Waheb jare nohi Sufa, nei eidi gloha Khoꞌu Anon,

Ululahu Samuel 14:49

Thugna mae Sol re igre, mae Jonatan, mae Isvi nei mae Malkisua. Eghuteuna phei thugna gaꞌase mana re neke, Merab, ghe Mikal.

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Ululahu Samuel 18:27

mae Devet ne tei baludi nogna soldiare ne aknu falehe phei gobi maedi Filistia. Mare vahe katha vido guli ka thinidi mae te lehe igre ne atha ne mei ke ulugna King Sol, foligna thugna gaꞌase mana na. Aonu mae Sol ne snakreni thugna gaꞌase na ka mae Devet mala tolaghi repa.

Ululahu Samuel 30:26

Kate pulo mei mare Siklag, mae Devet ne atha keha glepo teke uludi ka magra na ne fei nodi kheragna te baubatu ka nohi Juda ne cheke eghu ka mare, “Igne nomi namha ghotilo na vido glepo teke atha ghehati ka nogna naoka Lord ra.”

Fapea Samuel 6:16

Kate hata te mei mare Bokis Blahi igne ke lamnagna nogna namono biꞌo mae Devet na, khetogna mae Devet, Mikal thugna mae Sol igne kegra ne filo fakosi ka wida na. Naꞌa ne filoni mae Devet te ghasa nei ragi teu balu kilo fnaknoni nanghagna Lord na. Naꞌa ne theome magnahagheni nafnata puhi te eni mae Devet igne, aonu naꞌa ne diꞌatagna fara ka mana.

Proveb 26:24

Mae te theome magnahaghei nigho iagho na, mana famane cheke mala pophoru gaoghatho te diꞌa na.

Proveb 26:25

Neuba nogna cheke mana re ne famane fanomhodi re, iagho thosei fatutuanidi. Thiꞌagna mana na fodu ka gaoghatho te diꞌa.

Proveb 26:26

Glahu pophoru mana gaoghatho te diꞌa na ka nagnafagna na, nu mare ginauna filoni puhigna mana te diꞌa na.